ITNA LAI KHAK June 11, 2025 To, Ginza vualzong H/o Hoipineng ( Xperia), Lamka,Zogam. Amasa pen in Zogam apat in Chibai kon buk uh hi. Meitei Gal kipat tung apat ITLF spokesperson na hih na ah, Relief Sum hong lut Crore a sim thelthang a om te hon sufel phot di'n ngetna kon bawl uhi. Meitei Gal sunga na IDPS te adi mi phatuam ngai te'n Relief Sum hon piak te uh na nek khiat zah teng hon dinkik phot in. Na ut chiang in Kuki na suak a,na ut hun hun chiang a Paite card na play gige sek pen kuamah atheilou ki omlou ahi.PTC team sisa te a ching nonlouh ziak ua PTC heutu thak ten,nang mimal ngaihdan teng hon sep buching sak gige zouzai nonlouh ziak un,mohsak sawm pah veivai kenla kua nang kaihtal zohding omlou ahi chih ana chiamteh in. Paite Mipi leh PTC GHQ theihpih na tellou a Paite min zang a na kalsuan na tengteng le Paite mipi leh heutute'n hon pompih hetlou kahi uh. Na team pih teng le active nonlou uh ahi.Nang leng na lungkham mahmah ta ding chih na taksa om dan apat muh theih in om hi, naupang chik a na mel le putek mah abang ta avele.Zomi khet niam na dia Paite card zanga Kuki te nnasem a ataw uh na va liah gige pen hunta hilou hiam? Uihsak dan le thei milmel khollou nahi hia leh? Na Whatsapp group leh Na facebook group min le *ZOGAM.Com* hizozen lou mo? A huchih leh nang bang ziak a PAITE nadem louhchiah Zomi dem a pang den tel e? Na zi in hon thu zoh lua hia? Ahihkeileh Nang mimal ki muan na toh Zomi dem a hong kisa khia na hi hia leh? Heutu hih di na ut luat ziak a Kuki te pang bel a khosa lel tak na hi chih mipi ten ki thei veve hi. Heutu di'n muantak hile chin Zomi sung aleng Heutu hihna len khin ta ding na hi.Na Sum duh ziak a hiai tan dinmun tung na hi chih ana thei in. Sum om na lam lam a tai lehleh mihing na hi chih mipi ten leng ka mangngilh tuan kei uh. Meitei gal sunga Zomi le Kuki kal kituah louh na chi(seed) tuh na hih dan leng kimangngih dek lou hi. Paite na hihleh PTC vaihom dan pomsiam leh zui din ana ki singsa in. Hun paisa a na thil hih khelh leh gen khelh te ziak a Singpi na awmna ziakte mangngilh ta mo? Suai na kaih na sa te mangngilh ta mo? Suai kai nonlou a condolence letter kisuah di ngak na hi hia leh? Na kampau le na om dan hong ki veng deuh in. Paite mipi ten hon ki iplah mahmah ta ahi chih ana thei thak thak in. Ngaihdam na hau Zomi te a ki hih ziak a tuni tan Whatsapp a Zomi le Paite kikal a ki theihsiam louh na tun sak nadia nathugelh te chillum toh kivalh denlai ahi. Chillum toh valhzoh nawnlouh hun tungsak thei nang mimal a mohpuakna nei nahi chih hongkithei inla,laigelh kampau hon pilvang mahmah in. BTT 🔴🟡🟢 https://whatsapp.com/channel/0029VaYCqe71yT229xZ6f42y