📌 *معلومة مهمة بزاف للناس لي غادي ينجحو فالباك إن شاء الله* الله يفرحكم كاملين ويكتب ليكم النجاح والتوفيق 🕊️🌟 من بين الأمور المهمة من بعد النجاح هي *المنحة الجامعية 🎓* وغادي نهضرو اليوم على واحد الشرط الجديد والضروري باش تستافد منها 👇🏻 *🔴 منذ سنة 2023،* الوزارة ولات تشترط أن أي تلميذ باغي يستافد من *المنحة الجامعي* خاصو *يكون مسجل هو وواليديه فالسجل الاجتماعي الموحد (RSU).* يعني بلا تسجيل، مايمكنش تدفع على المنحة ❌ 🔶 *التسجيل في السجل الاجتماعي الموحد RSU تيبدا مباشرة من بعد الإعلان على نتائج الباك.* 📌 *علاش ضروري هاد التسجيل؟* باش تولي الوزارة عارفة *الوضعية الاجتماعية الحقيقية* ديال الأسرة، وتقدر تعطي المنحة للناس لي فعلاً محتاجين، بلا وساطة أو تدخل ديال شي مقدم أو رئيس جماعة. ✅ وهكا تولي المنحة بيد الناس لي تستاهلها، بلا محسوبية ولا زبونية. 📎 *السجل الاجتماعي الموحد (RSU) الهدف منو هو:* 🔹 تصنيف الأسر حسب وضعيتها: فقيرة / متوسطة / ميسورة 🔹 توجيه الدعم مباشرة للمحتاجين 🔹 تعميم الشفافية والعدالة فالدعم الجامعي 📝 خليو في بالكم تجمعو الوثائق من دابا وتوجدو راسكم، حيث *التسجيل فـ *RSU ماكيبداش حتى كتخرج نتائج الباك، وخص الوالدين حتى هما يكونو مسجلين معاكم. 📣 غادي نرجعو نذكّروكم مع التفاصيل كاملة وطريقة التسجيل فالسجل الاجتماعي وقت ما يتفتح رسمياً إن شاء الله. *بقاو متابعيننا، حنا معاكم خطوة بخطوة ❤️*