لو العيان حصل ليه حساسية من المضاد الحيوي، تعمل اى لو اديت العيان مضاد حيوي وبعد شوية بدي يظهر عليهو علامات الحساسية، لازم تتحرك سريع وتتصرف صاح، لأنو الحساسية ممكن تكون خفيفة وممكن تصل مرحلة خطيرة زي الصدمة التحسسية (Anaphylaxis). ▪أول حاجة شوف الأعراض: #خفيفة: حكة، طفح جلدي، احمرار في الجسم #متوسطة: تورم في الوجه، الشفايف، العيون، صعوبة خفيفة في التنفس #شديدة (خطيرة جداً): ضيق نفس حاد، تورم في الحلق، دوخة، هبوط في الضغط ▪التصرف الصحيح حسب الحالة: 1-لو الحساسية خفيفة: - وقف المضاد فوراً - أدِّي العيان مضاد للحساسية (Antihistamine) زي اللوريتادين أو السيتريزين - راقب الاعراض كويس علشان لو زادت تتصرف. 2-لو الحساسية متوسطة: - وقف المضاد فوراً - أدِّيهو حقنة كورتيزون (Hydrocortisone or Dexamethasone) عشان تقلل التورم. - لو عندك فينادرين (Chlorpheniramine) عضل، ممكن تستخدمو. - راقب التنفس، ولو اتدهورت الحالة، امشِ بيهو الطوارئ سريع 3-لو الحساسية شديدة (صدمة تحسسية): دي حالة طوارئ حقيقية .. - إديهو حقنة أدرينالين (Epinephrine) عضل فوراً – (الجرعة للكبار: 0.3-0.5 mg IM) - ركِّز على تأمين مجرى الهواء والتنفس - لو متوفر، أدِّيهو أوكسجين وحقن كورتيزون + مضاد للحساسية وراقب الضغط. #تنبيه: - قبل ما تدي أي دواء، اسأل العيان لو عندو حساسية سابقة. - خليك دايماً جاهز بمضادات الحساسية والأدرينالين في الطوارئ. - لو العيان حصلت ليهو حساسية، اكتب ليهو في ملفو الطبي عشان ما يتعرض ليها تاني. - أهم حاجة في التعامل مع الحساسية السرعة في التصرف، لأنو التأخير ممكن يكون قاتل.