نحنا ك ناس عشنا في الاحياء الشعبية عندنا علاقة سمحة جدا مع الماعز لانو اتشارك معانا المعيشة في بيوتنا وكان نعم المعين الوفي الماعز لما تسعاهو بتخت بالك منو لانو ممكن يكشح جردل العين وياكل الكسرة ويرفس الملاح ويمضغ الهدوم الفي الحبل والملايات الماعز لو شاف خضار في كيس نايلون مابفرز ودا بسبب ليهو مشاكل في المعدة وغالبا الطبيب البيطري أو اي زول عندو خبرة يعمل عملية اخراج الاكياس من معدة الحيوان المسكين وكلها كم يوم وتعود المعزة للتجوال بمزاج . الشفشافي بياكل بنفس طريقة الماعز بس ماعندو طريقة يجيبو ليهو بيطري يخلصو من اكياس المعدة .. الشفشافي بظل طول حياتو ياكل الكيس الخاتين جواهو الوجبة .. يظل كل حياتو بنفس المعدة المريضة العاملة زي المخزن وحايظل نفس الزول البتعب يسرق تلاجة وشاشة ويبيعها بتراب القروش بعد ماينال نصيبو من وقاحة تجار الحرام .. لو الله جابك وحضرت شفشافي ببيع بضاعتو لتجار سوق دقلو تاني مابتحاول تشفشف من طريقة الذل والمهانة والاحتقار من تجار الحرام لأنو عادي ممكن يشتري منك التلاجة بخمسطاشر جنيه والفرن الكهربائي بعشرة وعدة المطبخ ممكن يشتريها منك بالقنطار لدرجة حق الترحيل يبقى ليك مشكلة .. تعيش حياتك مكروب وملان عوارض وكريه .. الغنماية عايشة أحسن منك .. والله حقيقة سهل الطيب 💚💚 تابع قناة السودان علي الواتساب https://whatsapp.com/channel/0029Vb2jDpaIXnlnpxUJ5a1x تابع قناة السودان علي تلغرام https://t.me/sudaaan