*Tuibuang VA Secretary Apat Tuibuang Khosung a teng te ading a theisahna* *HETSAHNA:* Tuibong khosung vengsunga cheng jousen anoija kipe hohi igeldoh jingdio le ijui jingdiovin HETSAHNA ahung kinei e. 1. Houbung jousen eima Houbung cheh a ichate inaoteo chule koi hitale Sunday nile Khuga Dam, Geljang langa achelou nadiova ikihil cheh diovin hetsahna ahung kinei e. Hichehi Police honjong request ahinbol u ahitai. 2. Tuibong khosung vengsunga cheng jousen Houbung jousen eima Houbung cheh a Drugs joh, Ju-joh chule eima Houbung cheh a illegal activities bolho ihoupi uva ikihil cheh diovin hetsahna ahung kinei e. Hichehi eiho Society dam mona lienpen ahin, Houbung in pan ilah lou ule adih thei mong mong tapoi. Eima Houbung cheh a lhaangphong tah a ikihil diovin hetsahna ahung kinei e. Hiche jonghi law enforcement agenciy jatchom chom in request ahinbol ahitai. 3. Tuibong khosung vengsunga cheng koitobang Drugs ahiloule thilpha lou jatchom chom jieh a law enforcement agency in amat aumle law enforcement in action alah na chunga jong khosung Village Authority injong action kila ding ahitai. 4. Tuibong khosung vengsunga bike/motor/2 wheeler/4 wheeler/3 wheeler ging the-thu, ging-leng lunga tol kiphal louding ahi. Hitobang Gari neihon repair ina kibol diovin hetsahna ahung kinei e. Hiche jonghi law enforcement agency request ahi. 5. Tuibong khosung vengsunga Vohcha, vatot, kanga, ahcha chule insah inlhang suboi thei phal ahipoi. Koitobang insah inlhang in complain ahinbol aumle Village Authority in action kila ding ahi. 6. Tuibong khosung vengsunga latrine bathroom kisaho insah inlhang chule japi lamlhahna suboithei ho ina kisiem tup diovin hetsahna ahung kinei e. Town sunga cheng ihiovin insah inlhang ding jong igel cheh diovin hetsahna ahung kinei e. 7. Tuibong khosung vengsunga insa ding chule inn-mun choding hon khosung Village Authority ho confirm masanga idoh diovin hetsahna ahung kinei e. Inn-mun kicho khonunga boi atam behseh tai. Hichehi hetsahna le thupeh ahi. 8. Tuibong khosung vengsunga inn-sa dinghon insah inlhang toh kihet thiem ding chule eima insah jieh a insah inlhang in boina le lungnop mona ato louding ngaito cheh un. Hitobang case hi atam behseh tan insa dinghon Village Authority le insah inlhang toh na-inn sah masanga vetchilna nei masah ding ngaito un. 9. Tuibong khosung vengsunga ahung Gaal jam hihen, Inn-Bahara hihen chule Inn/Inn-mun nei hitale Tuibong Haosa kom a Registration bolcheh ding ahi. Registration bol louva thina toh atam tai. Hiche hohi Cemetery issue lientah asodoh tah jieh in Registration kibol cheh ding ahi. Koitobang Registration bol lou thina toh aumle Village Authority in kidonlou ding ahitai. 10. Koitobang Tuibong khosung vengsung suminse (Drug's a kiman, illegal activities a kiman) ho khosung vengsung Village Authority in action kila ding ahi. Tuibong khosung a cheng ihiovin, khosung vengsung siemphat dingle siemtup nading in kitosot jing ute. Point 1-10 kipe hohi ijui cheh dio chutiengle koitobang ajuilou aumle aveng venga Village Authority lamkai ho contact ibol diovin hetsahna ahung kinei e. @Secretary Tuibong Village Authority. https://whatsapp.com/channel/0029VadYhTpJ93wOy7KE4i0t/5216