خلص تراكماتك ومتستناش بكرة! يا حبايبي كلمتين من القلب❤️ عارف ليه معظم الطلبة بيفضلوا حاسين إنهم ورا؟ علشان بيسوّفوا، وبيفكّروا: "عادي بكرة ابدأ، بكرة أخلص، بكرة أنظم وقتي" بس بكرة بييجي ومفيش حاجة اتعملت! 😤 فكرة بسيطة هتفرق معاك:- - متحطّش كل حاجة لآخر يوم! لو عندك 10 فصول متراكمة، قسمهم على الأيام، وخد بالك من الأول.. "شوية شوية" أحسن من "دفعة واحدة".  - لو مذاكرتش فصل معين من أول السنة، متقلقش.. ابتدي من أى حتة وبلاش كلام "ده مش هيكفي" كل حاجة هتذاكرها هتفيدك.   - خد ورقة وقلم،واكتب كل المتراكم عليك (بالضبط)، واشطب كل ما تخلص حاجة.. هتحسّ بإنجاز جامد ✅  - سيبك من "لو كنت بدأت من زمان"، المهم إنك تبدأ دلوقتي.. الوقت اللي راح مش هيرجع، لكن اللي جاي لسه عندك فيه أمل! والأهم: متقارنش نفسك بحد! كل واحد ليه ظروفه وسرعته.. ركز في خطوتك، مش في خطوة غيرك.  والناس اللي عايزة تأجل السنة هقولكم كلمتين من القلب للناس اللي حاسة إنها مش جاهزة السنة دي وبتفكر تأجل عارف إيه المشكلة؟ إنك ممكن تكمل سنة كاملة تاني قاعد في قلق، ندمان،وبتفكر في أصحابك اللي دخلوا كليات الوقت وأنت لسه بتعيد السنة دي تاني بضغطها وكل التعب ده،وتقول لو كنت خلصت السنة اللي فاتت كان زماني دلوقتي؟😔 بص يا صديقي خليني أقولك حاجتين مهمين:- عمر ما التأجيل كان حل... هو هروب! - لو عندك ضغط أو ظروف صعبة، ده مفهوم ومحترم... بس لو السبب مجرد "خوف" أو "مش حاسس إنك جاهز"، فمفيش وقت هتبقى جاهز فيه 100% - السنة الجاية هتبقى نفس الحوار.. نفس المنهج، نفس التوتر، بس أنت خسرت سنة من عمرك! أنت قدها.. بس محتاج تبدأ! - لو حاسس إنك ورا، بلاش تفكير "أخلص كل حاجة".. ركز على إنجاز يومي - السنة بجد إحتمال تكره نفسك لو أخرتها! لو ظروفك فعلًا صعبة.. هنا قرار التأجيل يبقى صحيح:- - لو عندك مشكلة صحية، أسرية، أو نفسية بتحتاج علاج.. ربنا معاك، وخد وقتك.. لكن لو مجرد "مش حابب المناخ دلوقتي"، فكر تاني! كلمة أخيرة:- - مفيش ضمان إن السنة الجاية هتبقى أسهل! - الفرق بين النجاح والفشل إنك تجرب.. مش إنك تهرب! إختار اللي يريحك.. بس اعرف إنك أنت اللي هتحدد مستقبلك بقرارك ده الثانوية مش نهاية العالم، بس هى بداية حلمك.. فاضغط على نفسك شوية، عشان تكمل فرحان بعدها🤩 يارب ربنا يوفقكم جميعًا ويراضيكم أنتم قدها والله💪❤️