*कोणाकडून कसलीही अपेक्षा न करणं हा आनंदी जगण्याचा सोपा मार्ग आहे..✍️* आपण माणूस म्हणून नात्यांमध्ये जगतो आणि त्यातूनच अपेक्षा निर्माण होतात. प्रेम, मदत, आदर, काळजी. पण या अपेक्षा पूर्ण न झाल्या की मनात खंत, राग, दुःख आणि वितुष्ट तयार होतं. आणि हेच आपल्या मन:शांतीचं मोठं कारण बनतं. अपेक्षा या दुसऱ्याच्या वागणुकीवर आधारित असतात. आपण आपलं सुख, शांती, समाधान दुसऱ्याच्या कृतींवर अवलंबून ठेवतो. आणि जर ते आपल्या अपेक्षेनुसार वागले नाहीत, तर आपल्याला त्रास होतो. अपेक्षा नसलेलं प्रेम खरं सुंदर असतं. कारण तिथं केवळ देणं असतं, बदल्यात काहीही नको असतं. अशा नात्यांमध्ये सहजता आणि समाधान दोन्ही मिळतं. स्वतःकडून अपेक्षा ठेवा, दुसऱ्याकडून नाही. स्वतःला सुधारण्याची, सकारात्मक राहण्याची, प्रेमळ वागण्याची अपेक्षा ठेवा. हीच अपेक्षा आपल्याला प्रगतीच्या दिशेने घेऊन जाते. क्षणाचा आनंद घेत भविष्याची किंवा दुसऱ्याच्या वागणुकीची चिंता न करता जगता आलं पाहिजे. जगायला फार काही लागत नाही, अपेक्षांशिवाय जगायला शिकणं हेच खरं सुख आहे. https://x.com/shabdankoor/status/1925598430912471219?s=19 Follow the *शब्दांकुर | SHABDANKOOR* channel on WhatsApp: https://whatsapp.com/channel/0029Va5AQNY8qIzpxNrJtj1N Like ❤️ Share 👍