يا ترى لو الروح القدس مكانش جه كان حالى هيبقى إزاى مين هايسندنى؟ مين يخلينى صالب طولى؟ مين إللى هيبقى مالى وحدتى؟ مين إللى هيخلينى قادر أقاوم ضغوط الدنيا ؟ مين إللى هيخلينى وأنا مجروح قادر أعيش ؟ مين إللى هيخلينى أحب إللى بيقسي علىَّ ؟ مين إللى هيخلينى أصلى للى جرحنى ؟ مين إللى هيخلينى ماردش الإساءه بالإساءه ؟ مين إللى هيخلينى قادر على إللى مش قادر عليه ؟ مين إللى هيخلينى قلبى هو هو مش بيتغير ؟ مين إللى هيخلينى أتعامل مع الوجع كأنه إكليل ؟ مين إللى هيخلينى أدوق ربنا وأعمل زيه وزى قلبه؟ مين لما أقع فى أبشع الخطايا يسندنى ويرفعنى؟ مين ومين ومين ومين ومين *عارفين لازم نشكر إن فى حياتنا الروح القدس* وفى ناس لازم يشكروا ربنا إننا جوانا الروح القدس لأن الروح القدس هو إللى مانعنا عن أمور كتير لأن لولا الروح القدس كنا وجعناهم زى مابيوجعونا بس الروح القدس هو إللى مخلى قلبنا حلو ولسة بيحب *صلوا قولوا يا روح الله القدوس إتعامل مع كل حياتى* إسندنى يا روح الله قوينى يا روح الله عزينى يا روح الله إشفى أوجاعى يا روح الله خلينى شبهك يا روح الله يا روح الله القدوس أُحضنى