( *صرخة من وحى القداس* ) *الأب الكاهن* : إرفعوا قلوبكم *الشعب*: مش قادرين .. قلبنا مريض ومجروح. قلبنا إنكسر من مواقف كتير. قلبنا مابقاش قادر يتحمِّل كل ده .. قلبنا بقى فى أصعب حال .. قلبنا بقى بيتعمِّدوا يجرحوه بكل الأساليب. قلبنا مش قادر يبقى مرفوع .. ولا أقول لك يا رب إنت عاوز تسمع المرد علشان نبقى تمام طب خلاص قول يا أبونا تانى *إرفعوا قلوبكم* علشان نقول بصوت جميل *هى عند الرب* *الله*: لا ماتقولوش أنا إللى هانزل لكم أنا إللى هانزل ألمس قلب قلب وارفعوا عندى أنا مش عاوزكم تقولوا مرد وخلاص قول *هى عند الرب* وسيب لى أنا أتصرف أنا إللى هرفعه *الشعب* : طب قلوبنا عندك يا رب . *الله*: وأنا شافى منكسرى القلوب *الشعب* : *فلنشكر الرب* حتى وإحنا مجروحين فلنشكر الرب بس خلينا نتخطى الأوجاع يا رب *الله*: إنت إبنى ماتخافش إنت حقك كل الحب *الشعب*: إنت إللى مستحق يا رب كل الحب إنت إللى عمرك ما عملت حاجة توجعنى أبداً لا بقصد ولا من غير قصد *مستحق يا رب*