✨#səssizsətirlər *Dalğalarla Yazılmış Həqiqət* +Bu səhifə niyə boşdu? — Çünki bəzi sətirlər qəlbin ən sakit guşəsində yaranar, kağıza köçməyə cəsarət etməz. +Amma sən həmişə yazırdın... — Yazırdım. İnsan bildikcə yaza bilir. Hiss etdikcə isə susmağa başlayır. +Bəs o çiçəklər? — Onlar solmaq üçün buradadır. Mən isə yaşamadığım duyğuları yenidən yaşamaq üçün. +Dəniz səni dinləyirmi? — Dəniz dinləmir, o məni udur. Zehnindəki düşüncələri saxlayır, dalğa-dalğa geri qaytarır. +Sən sahilə yazmaq üçün gəlmisən? — Xeyr. Mən keçmişdəki ağrılarım üçün gəlmişəm. +Və yenə yazmırsan? — Yazmıram, çünki bəzi cümlələr yazıldıqda ölür. Onlar yalnız yaşandıqda sağ qalır. +Bəs bu dəftərin taleyi? — O, sonsuz susqunluğun şahididir. Və bəlkə də, gələcəkdə biri onu açacaq... amma içində məni tapa bilməyəcək. +Çünki sən artıq yoxsan? — Xeyr... çünki mən bu dəftərdə heç vaxt olmamışam. Dalğalar qayıtdı. Qumda qalan addım izlərini sildi. Amma dəftərin açıq səhifəsində, heç kimə görünməyən bir cümlə yazılmışdı — ruhun öz dilində... *“Bəzən yazmadığımız bir cümlə, yaşadığımız ən böyük hekayəyə çevrilir.”* ~𝑺𝑰̇𝑴𝑼𝑹𝑸