CRUSADE 06/06/2025 WITH AP. YOSHUA N. MASASU *PENTEKOTE 2025:* *GUHURA / GUSURWA/ KUGENDERERWA / KUBONEKERWA / GUSAKIRANA NA MWUKA WERA ( KU GITI CYAWE, NK’UMURYANGO, NK’ITORERO , NK’ISHYANGA, NK’AKARERE , •••)* *IBYANDITSWE* ---------- *[BYSB]* Itangiriro 3:8-11 Itangiriro 18:1-10 Kuva 3:1-6 Abacamanza 13:3-5 Abacamanza 15:14-16 Luka 1:5-14,21-22 Luka 1:26-33 Yesaya 63:18-19 Yesaya 64:1-3 Abaheburayo 12:14 Ibyakozwe n'Intumwa 1:4-5, 8, 12-14 Ibyakozwe n'Intumwa 2:1-4 *I.AMATEKA YO GUHURA/ GUSURWA/ KUGENDERERWA/ KUBONEKERWA/ GUSAKIRANA N’IMANA* *ADAMU & EVA* *Itangiriro 3:8-11* 8 *Bumva imirindi y'Uwiteka Imana igendagenda muri ya ngobyi mu mafu ya nimunsi*, wa mugabo n'umugore we bihisha hagati y'ibiti byo muri iyo ngobyi amaso y'Uwiteka Imana. 9 Uwiteka Imana ihamagara uwo mugabo, iramubaza iti "Uri he?" 10 Arayisubiza ati "Numvise imirindi yawe muri iyi ngobyi, ntinyishwa n'uko nambaye ubusa, ndihisha." 11 Iramubaza iti "*Ni nde wakubwiye ko wambaye ubusa? Wariye kuri cya giti nakubujije kuryaho?*" *ABURAHAMU* *Itangiriro 18:1-10* 1 *Uwiteka abonekera Aburahamu kuri bya biti byitwa imyeloni bya Mamure*. Yari yicaye mu muryango w'ihema rye ku manywa y'ihangu, 2 yubura amaso abona abagabo batatu bahagaze imbere ye, ababonye ava mu muryango w'ihema arirukanka arabasanganira, yikubita hasi 3 aravuga ati "Databuja, niba nkugiriyeho umugisha, ndakwinginze we kunyura ku mugaragu wawe, 4 ahubwo bazane utuzi mwoge ibirenge muruhukire munsi y'igiti, 5 kandi nanjye mbazanire utwo kurya mwice isari, mubone kugenda ubwo muje ku mugaragu wanyu." Baramusubiza bati "Ubigenze uko uvuze." 6 Aburahamu arihuta yinjira mu ihema, asanga Sara aramubwira ati "Tunganya vuba indengo n'umucagate by'amafu meza, uvugemo imitsima." 7 Aburahamu arirukanka ajya mu bushyo, azana ikimasa cyoroshye cyiza agiha umusongozi we, arihuta aragiteka. 8 Yenda amavuta n'amata n'inyama z'icyo kimasa yatetse abishyira imbere yabo, abahagarara iruhande munsi ya cya giti bararya. 9 Baramubaza bati "Sara umugore wawe ari he?" Arabasubiza ati "Ari mu ihema." 10 Undi aramubwira ati "Iki gihe cy'umwaka nikigaruka, sinzabura kugaruka aho uri, Sara umugore wawe abyare umuhungu." Sara abyumva ari mu muryango w'ihema uri inyuma ye. *MUSA* Kuva 3:1-6 1 Icyo gihe Mose yaragiraga umukumbi wa Yetiro sebukwe, umutambyi w'i Midiyani. Aturukiriza umukumbi inyuma y'ubutayu, ajya ku musozi w'Imana witwa Horebu. 2 Marayika w'Uwiteka amubonekerera mu kirimi cy'umuriro kiva hagati mu gihuru cy'amahwa, arareba abona icyo gihuru cyakamo umuriro nticyakongoka. 3 Mose aribwira ati "Reka ntambike ndebe iri shyano riguye, menye igituma igihuru kidakongoka." 4 Uwiteka abonye yuko atambikishwa no kubireba, Imana imuhamagara iri hagati muri icyo gihuru, iti "Mose, Mose." Aritaba ati "Karame." 5 Iramubwira iti "Wikwegera hano, kandi kwetura inkweto mu birenge byawe, kuko aho uhagaze aho ari ahera." 6 Kandi iti "Ndi Imana ya so, Imana ya Aburahamu, Imana ya Isaka, Imana ya Yakobo." Mose yipfuka mu maso, kuko atinye kureba Imana. *NYINA WA SAMUSONI N’UMUHUNGU WE* *Abacamanza 13:3-5* 3 Marayika w'Uwiteka yiyereka uwo mugore aramubwira ati "Dore uri ingumba ntiwigeze kubyara, ariko uzasama inda ubyare umwana w'umuhungu. 4 Nuko ndakwinginze wirinde kunywa vino cyangwa igisindisha kandi ntukarye ikintu cyose gihumanya, 5 kuko uzasama inda ukabyara umuhungu. Kandi ntihazagire umwogosha kuko uwo mwana azaba Umunaziri ahereye akiva mu nda ya nyina, kandi ni we uzatangira gukiza Abisirayeli amaboko y'Abafilisitiya." *Abacamanza 15:14-16* 14 Ageze i Lehi, Abafilisitiya bamusanganiza urusaku. Maze umwuka w'Uwiteka amuzaho cyane, imigozi yari imudadiye amaboko ihinduka nk'imigwegwe ishiririye, ibimuhambiriye biradohoka bimuva ku maboko. 15 Nuko abona igufwa ry'umusaya w'indogobe, ararisingira aryicisha abantu igihumbi. 16 Nuko Samusoni aravuga ati "Erega umusaya w'indogobe, ibirundo n'ibirundo, Umusaya w'indogobe nywicishije abantu igihumbi." *ZAKARIYA NA MARIYA* *Luka 1:5-14, 21-22* 5 Ku ngoma ya Herode umwami w'i Yudaya hariho umutambyi witwaga Zakariya, wo mu mugabane wa Abiya, wari ufite umugore wo mu bakobwa ba Aroni witwaga Elizabeti. 6 Bombi bari abakiranutsi imbere y'Imana, bagendera mu mategeko n'imihango by'Umwami Imana bose ari inyangamugayo. 7 Ariko ntibagiraga umwana kuko Elizabeti yari ingumba, kandi bombi bari bageze mu za bukuru. 8 Nuko ubwo Zakariya yari agikora umurimo w'ubutambyi imbere y'Imana, kuko umugabane we utahiwe n'igihe, 9 ubufindo buramufata nk'uko umugenzo w'abatambyi wari uri, ngo ajye mu rusengero rw'Uwiteka kosa imibavu. 10 Muri icyo gihe cyo koserezamo imibavu, rubanda rwasengeraga hanze. 11 Maze marayika w'Umwami Imana amubonekera ahagaze iburyo bw'igicaniro cy'imibavu, 12 Zakariya amubonye arikanga agira ubwoba, 13 ariko marayika aramubwira ati "Witinya Zakariya, kuko ibyo wasabye byumviswe. Umugore wawe Elizabeti azakubyarira umuhungu, uzamwite Yohana. 14 Azakubera umunezero n'ibyishimo, kandi benshi bazanezererwa kuvuka kwe, 21 Abantu bategereza Zakariya, batangazwa n'uko atinze mu rusengero. 22 Maze asohotse ntiyabasha kuvugana na bo, bamenya yuko hari icyo yerekewe mu rusengero, akajya abacira amarenga akomeza kuba ikiragi. *Luka 1:26-33* 26 Mu kwezi kwa gatandatu, Marayika Gaburiyeli atumwa n'Imana mu mudugudu w'i Galilaya witwa i Nazareti, 27 ku mwari wari warasabwe n'umugabo witwaga Yosefu wo mu nzu ya Dawidi, izina ry'uwo mwari ni Mariya. 28 Amusanga aho yari ari aramubwira ati "Ni amahoro Uhiriwe, Umwami Imana iri kumwe nawe." 29 Ariko we ahagarika umutima cyane w'iryo jambo, atekereza iyo ndamutso icyo ari cyo. 30 Marayika aramubwira ati "Witinya Mariya, kuko uhiriwe ku Mana. 31 Kandi dore uzasama inda, uzabyara umuhungu uzamwite Yesu. 32 Azaba mukuru, azitwa Umwana w'Isumbabyose kandi Umwami Imana izamuha intebe y'ubwami ya sekuruza Dawidi, 33 azima mu nzu ya Yakobo iteka ryose, ubwami bwe ntibuzashira." *GUSURWA NK’ITORERO, NK’ISHYANGA* *Yesaya 63:18-19* 18 Abantu bawe bera bahategetse igihe gito gusa, abanzi bacu bakuribatiye ubuturo bwawe bwera. 19 Twahindutse nk'abatigeze gutegekwa nawe, nk'abatigeze kwitirirwa izina ryawe. *Yesaya 64:1-3* 1 Icyampa ugasatura ijuru ukamanuka, imisozi igatengukira imbere yawe nk'uko umuriro utwika inyayu ukatuza amazi, kugira ngo izina ryawe rimenyekane mu banzi bawe, amahanga agahindira imishyitsi imbere yawe. 2 Ubwo wakoraga ibiteye ubwoba tutabyibwiraga, waramanutse imisozi itengukira imbere yawe, 3 kuko uhereye kera ntabwo abantu bigeze kumenya, cyangwa kumvisha amatwi no kurebesha amaso, indi mana igira icyo imarira uyitegereza, itari wowe. *Abaheburayo 12:14* 14 Mugire umwete wo kubana n'abantu bose amahoro n'uwo kwezwa, kuko utejejwe atazareba Umwami Imana. *Ibyakozwe n'Intumwa 1:4-5, 8, 12-14* 4 Nuko abateraniriza hamwe, abategeka kutava i Yerusalemu ati "Ahubwo murindire ibyo Data yasezeranije, ibyo nababwiye: 5 kuko Yohana yabatirishaga amazi, ariko mwebweho mu minsi mike muzabatirishwa Umwuka Wera." 8 Icyakora muzahabwa imbaraga Umwuka Wera nabamanukira, kandi muzaba abagabo bo kumpamya i Yerusalemu n'i Yudaya yose n'i Samariya, no kugeza ku mpera y'isi." 12 Basubira i Yerusalemu bavuye ku musozi witwa Elayono, uri bugufi bw'i Yerusalemu nk'urugendo rwo kugendwa ku isabato. 13 Basohoyeyo barurira bajya mu cyumba cyo hejuru, aho Petero na Yohana na Yakobo, na Andereya na Filipo na Toma, na Barutolomayo na Matayo na Yakobo mwene Alufayo, na Simoni Zelote na Yuda mwene Yakobo babaga. 14 Abo bose hamwe n'abagore na Mariya nyina wa Yesu na bene se, bakomezaga gusengana umutima uhuye. *Ibyakozwe n'Intumwa 2:1-4* 1 Umunsi wa Pentekote usohoye, bose bari bari hamwe mu mwanya umwe bahuje umutima. 2 Nuko umuriri ubatungura uvuye mu ijuru umeze nk'uw'umuyaga uhuha cyane, ukwira inzu bari bicayemo. 3 Haboneka indimi zigabanije zisa n'umuriro, ururimi rujya ku muntu wese wo muri bo. 4 Bose buzuzwa Umwuka Wera, batangira kuvuga izindi ndimi nk'uko Umwuka yabahaye kuzivuga. 1) *KUVA MW’ITANGIRIRO IMANA YIFUZA KUBANA, GUHORANA N’ABANTU BAYO HAKABAHO UBUSABANE BUDAFITE INKOMYI.* 2) *ICYAHA NICYO KIDUTANDUKANYA N’IMANA KIKAMUBUZA KUBANA NATWE BIKABA NGOMBWA KO RIMWE NA RIMWE ATWIYEREKA CG ADUSURA KU MPAVU ZIHARIYE.* 3) *UBUBYUTSE N’IMANA KUDUSURA IKAGARAGARA MU BUZIMA BWACU.* *NATWE NK’ITORERO DUKENEYE GUSURWA N’IMANA MU BURYO BUGARAGARA KUGIRA NGO TUVE MU BITOTSI CG KWUMIRANA CG MU KAMENYERO (Routine)* 4) *İKİ CYUMWERU CY’AKARAGO NTA KINDI KINTU CYARI KIGAMIJE USIBYE KWICISHA BUGUFI TWINGINGA IMANA NGO IDUSURE , DUCAKIRANE, TUGENGERERWE,•••NA MWUKA WERA.* *TURIZERA RWOSE GUSURWA NA MWUKA WERA MU BURYO BUDASANZWE MURI İYİ MINSI YA PENTECOST.*