الأسطورة والعالمي وملك الجيل #تامر_حسني على صفحته الرسمية #الفيس_بوك ، وكاتب فيها:- (( أنا مش عارف أشكركم إزاي على كمّ الدعوات اللي دعيتوها لربنا لشفاء #آدم أبني اللي جاتلي منكم هنا وعلى تليفوني وتليفونات كل المحيطين بيا من هو عمل عمليتين كبار بسبب أنفجار الزايدة المفاجئ ، اللي كانت أعراضه سخونية عادية بس وبقولكم كدة عشان تبقوا حريصين مع نفسكم أكتر ولولادكم. ومش كل سخونية تقولوا دة شوية برد وخلاص ، لا روحوا أكشفوا كويس وأعملوا سونار على البطن والزايدة مرة و٢ عشان برضو ساعات مش بيبان ، و لازم الدكتور يضغط بطريقة معيّنة ، تقريباً أقوى شوية عشان يعرف لإني سمعت كتير اليومين دول إن الزايدة خادعة. أطمنوا كذا مرة قبل لحظة إنفجارها عشان بجد مشاكل بتحصل بعدها كبيرة ومحزنة أوي ، وحبيبي #آدم عمل عمليتين صعبين أوي عليه وبدعواتكم مستنيين النتايج تكون خير يارب ، ويعدي مرحلة الخطر يارب ، بحق #كن_فيكون. إشفيه وعافيه ، هو وكل ولادنا 🤲 ، بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ، ويحفظ كل ولادكم يارب 🤲. وأحب أقول ثاني شكراً من كل قلبي على دعواتكم أنا شايف قلب كل حد فيكم وهو بيدعي بصدق متشكر أوي ياجماعة شكراً لكل اللي أهتم وسأل عن أبني ودعاله هنا أو على التليفون ، واللي طلعوله صدقات لشفائه من غير مايعرفونا شخصياً ، أنا مش لاقي كلام أشكركم بيه وأنا برضو بدعيلكم ، وبقول لكم مثلها وأضعاف أضعافها 🤲 ، و ربنا يحفظكم ويحفظ أولادكم قادر ياكريم 🤲 ))....