*سوراب ، مستونگ اور نوشکی کے بعد چاغی میں بھی نقاب اور ماسک پہننے پر پابندی* *چاغی پولیس کا نقاب پوش اور غیر ضروری ماسک پہننے والے افراد کے خلاف سخت کارروائی کا فیصلہ* *عوام الناس* کو مطلع کیا جاتا ہے کہ *امن و امان* کی صورتحال کو مدنظر رکھتے ہوئے ایس پی چاغی *محمد عثمان سدوزئی* کی خصوصی ہدایت پر ڈی ایس پی *عابد شیر زئی* نے تمام شہریوں کو خبردار کیا ہے کہ *چاغی پولیس* نے *نقاب پوش* و غیر ضروری ماسک پہننے والے عناصر کے خلاف سخت قانونی کارروائی کا فیصلہ کر لیا ہے۔ پولیس کے مطابق اگر کوئی شخص گاڑی چلاتے ہوئے، موٹر سائیکل پر سفر کرتے ہوئے یا پیدل چلتے ہوئے *ماسک یا نقاب میں پایا گیا تو اسے فوری طور پر گرفتار کر کے اس کے خلاف سخت قانونی کارروائی کی جائے گی۔* یہ فیصلہ حالیہ *امن و امان* کی صورتحال کے پیش نظر کیا گیا ہے تاکہ کسی بھی ناخوشگوار واقعے سے بروقت بچا جا سکے۔ *عوام الناس* سے اپیل کی جاتی ہے کہ قانون نافذ کرنے والے اداروں سے مکمل تعاون کریں اور اپنے ارد گرد مشکوک افراد کی فوری اطلاع پولیس تھانہ کو دیں۔ پولیس نے واضح کیا ہے کہ *قانون شکنی* کرنے والوں کے ساتھ کسی قسم کی نرمی نہیں برتی جائے گی۔ اپنی اور دوسروں کی حفاظت کے لیے *قانون پر عمل کریں* اور *ذمہ دار شہری* ہونے کا ثبوت دیں۔ *ڈسٹرکٹ پولیس چاغی*