*البارت(9)* *روايه: مسار اجباري* *بإدارة : آلَٰـُـٰٓجَٰـُـٰٓﯛ̲୭ڪَٰـُـٰٓر ⁞♩⁽📚🖋️₎⇣℡* *الكاتبة: منيرة المقطري* 👌🏻👇🏻 😍 ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏ماريا وهي مش مستوعبة: من انا ادور على نبيل بن قاسم ،هه ليش ما يسير ابي او حزام لحاله نجوى: لانش انتي عتدخلي بريطانيا بسهولة ماريا ضحكت :ههههههههه وكيف عد ادخل نجوى بجدية : انتي معش الجنسية ماريا حسمت الموضوع : ما اشتيش هذا الخبر يفتتح لبعد العيد ماريا سارت كلمت حزام بما انه اقرب حد لها وحزام طلع عند امه نجوى:حياا بولدي خير حزام بهدوء : الخبر ذي قالت عليه ماريا صح ؟! نجوى: ايوا يا ابني ما تبسر كيف حالة جدك له ثلاث سنين وهو ياكل ورجع غرفته ماعد هو الحج قاسم حق زمان حزام يسلك لامه : طيب طيب يا اماه لبعد العيد نتفاهم عند البنات فرح بدهدهه : بنات ايش رايكم اليوم نخرج ماريا وهي متحمسة للفكرة: اين نخرج فكرين بسرعة فرح : بتصل لصحباتنا وخرجنا احنا وهم ياسمين وهي مش مقتنعة : مااع اول يوم رمضان اين عنخرج وووو …وبعدين مش عاد احنا كنا امس خارج ، وجدي ما عيوافق اننا نخرج ، لااا لا نرجع نتعاقب وهو رمضان لا ماريا : طز فيش جدي عد اقنعه انا وعيوصلونا العيال ياسمين اقتنعت : الي تشوفنه فرح وهي تضحك :يلا سيري يا سفيرة النوايا الحسنة ياسمين بلقانة : سيري المجيب الالي حق الايفون ههه ، ونوايا والا بسالة الكل ضحكين وماريا راحت عند جدها وهي تلسن لياسمين عند الحج قاسم ماريا دقت الباب :ادخل …. الحج قاسم : ادخلي يا بنتي ماريا بنظرات استعطاف دائمًا تخلي جدها يوافق : ياجد الحج قاسم عرف انها تشتي منه شي : ماقد تشتي ماريا وهي تنعم صوتها و تستعطف جدها به : ياجد انت تعرف انه عيد وان….. قاطعها الحج قاسم: والمطلوب ، وبحسم ماعد خلاها ترد : خرجة مافيش ماريا دمعت : اصلاً ما كنت بقولك هكذا الحج قاسم حس انه ظلمها : خير يا بنتي ماريا : مش غيث دايماً يتقدملي الحج قاسم جذبه الموضوع لانه يشتي هكذا من زمان : ايوا ايش وافقتي ماريا : مش هكذا بس كنت اقولك نخرج جمعة ابسر لو انا عد اتغير من ناحيته ، وبالمرة نبسر لو به حاجة للعيد وغمزت لجدها الحج قاسم فرح : خلاص تخرجين وتروحين بدري ماريا باست جدها وخرجت : تسلممم ياااا احلللى جددد باللعاااااااااالم الحج قاسم ضحك على نفسه انه كيف دائمًا بتقدر هذي البنت تقنعه ماريا نزلت المطبخ بثقة فرح : هاا بشري وافق ماريا بفخر : اكيد ها وماهو ياسمين:كيف اقنعتيه ماريا متجنبة السبب : هكذا المهم لكن خرجة وبس البنات ضغطين عليها واتكلمت وجلسين يذلنها فرح تتصل : حياا بروحي كيفش سوسو سوسن :حيا من اتصل الحمد لله ونتي كيفش فرح :بخير الا كنت اقولش انتي اليوم فاضية سوسن : ايوا ليش اين عتسيرين فرح :قلنا هكذا نخرج نلوي سوسن : تمام مرين لي الساعة تسع ونص فرح :يلا تمام ماريا تتصل هي كمان وجنبها ياسمين : حيا بحقنا الحريوه انخطبت ماعد نبسر لها صورة شيماء :انا الله المستعان ،المهم ما تتصلي الا لو انتي بتخرجي صح ماريا :ما شاء الله عليش تفهميني ايوا عنخرج نلوي عد تجي معانا وياسمين تصيح : و نورا قولي لها نورا ماريا :ونورا نعم شيماء :عد ابسر ابي لو عيرضوا عيقولوا عاد احنا خرجنا امس ماريا : حاولي قده نكمل نكتسي للعيد شيماء : قده البيت جنب البيت خطوة ووصلت لعندش الكل يتجهزين شيماء اهلها وافقوا وراحوا عند البنات وسوسن عايشة لحالها تخرج حين ماتشتي ركبين كل البنات بسيارة حزام والعيال ركبوا بسيارة غيث وقفوا تحت عمارة سوسن ( سوسن وحزام يحبوا بعض بس ما يعرفوا ان فرح تقرب لحزام ويتواصلوا واصل وكانوا بالبداية اصدقاء وبعدين كل من انكسر من قصة حب وحبوا بعض ) فتحت ماريا زجاج الكرسي الي قدام واشرت لها اركبي ،سوسن كانت بدات تتهابل اول ماشافت حزام اتثلجلت وحزام ارتبك لانها فاتشة عرفها ،جلست وهي مستحية وهو كل شوية يشوف لوراء بالمراية ويضحك عليها جلسوا يلوا واستقروا عند كافيه مناسب مفتوح بوسط صنعاء عشان لو اتاخر الوقت يلحقوا يوصلوا الكل ، البنات جلسوا بمكان والعيال بمكان عشان الكل ياخذ راحته عند العيال كرم : اشتي اشتري سيارة الكل ضحكوا عليه ريان وهو يضحك : انت تشتري سيارة حرام انك عتكسرها بثاني يوم غيث : هو انت معي اخ واحد مش مستعد اخسرك حزام : مش قدنا العاقل حقكم عد اجلس الف بك بالمستشفيات كرم اقتهر : انتم أتشوفوا كيف ششتري سيارة واحافظ عليها عند البنات سوسن سارحة انه كيف حزام موجود معاهم ايش يقرب لهم ماريا : ياااي ليش مطننة سوسن :هاا ولا حاجة بس في اشتي اقوله لكن البنات اتحمسين : ايش سوسن : شبطل دراسة وارجع عند اهلي فرح : هاي انتي مجنونة هي باقي سنتين سوسن مترددة : مدري قلت باخذ رايكن ماريا : اصبري هذي السنتين وروحي جلسوا بالكافيه ساعة ورجعوا لفوا بالمولات لما الساعة ١٢ وروحوا ، رقدوا لقبل السحور بساعة وقاموا البنات يجهزوا السحور والعيال يقرؤا قرآن ، تسحروا وصلوا ورجعوا يرقدوا …