محتاجين نتكلِم جَد بقىٰ! إنتُوا عارفين يعنّي إيه يُوم عَرفة؟ عارفين يعنّي إيه أَصعب وأكتر حاجة مُستحيلة مُمكن تخطُر علىٰ بالك أو متخطُرش دعوات اليُوم دا تجيبها! عارف يعنّي إيه الصحابة كانوا بيحضرُوا دعواتهُم من السنة للسنة ويتفرغُوا اليُوم دا بس علشان دي فُرصة الغنيمة فعلًا! يعني لو ضيعتها اندم وتوصل بيك لإنك تعيط من الندم ان يوم عدىٰ مش ضامن يجي عليك تاني. واقع في مُصيبة! عليك دين طيب! مش عارف تجوز نفسَك إزاي بالأسعار دي! خسرت علاقات وفلوس وشُغل! طيب بلاش متعذب بُحب بنت مش عارف تتجوزها أيًا كان السبب! حياتَك واقفة على طلاق! مش عارفة تتنقبي بسبب اهلك؟ حد من ولادك تاعبك ومطلع عينيك! نفسك تخلف! عندك مرض كُل الأطباء أقسمُولك انك مش هتخف منه؟ معكش ولا جنيه وهتمُوت وتعمل عُمرة؟ عمال تعيد السنة على مادة مدوخاك مش عارف تعدي منها! مش عارف تتعالج من السحر! ايه تاني طيب مُمكن يكون مُستحيل وصعب! فكروا كويس! مشششش مُهم هُو ايه المُهم إن أنا بوعدكُم المرة دي غييييير! الدعوات والدقايق اللي هتعدي في يوم عرفة دي هتجيبلك كُل حاجة لحد عندَك. اليُوم دا ربنَا عَزَّ وجَل بيتنزل فيه نزُولًا يليقُ به؛ اليُوم دا النبيّ صلىٰ اللّٰه عليه وسلم أكدلنَا أنه مفيش دعوة فيه هتُرد. يعنّي ليلة القدر كانت ليلة والملائكة اللي بتتنزل فيها؛ انما يُوم عرفة ربنَا اللي بيتنزل بقدرُه نزُولًا يليق به؛ مُتخيل الجمال! واحلمُوا وتمادُوا في الحلم اليُوم دا؛ هتعدي السنة اللي بعدها وانتُوا عايشين على الأقل تلت تربعهَا دا إن مكانش كُلها كمان.')