ھون شنزنت زیمرین زردءَ بکن ساز دلءَ ھِنّی کن بیا منءَ واھگے امباز دلءَ ھِنّی کن چو بہ بیت زند دوبر مارا پدا موہ مہ دنت تو مہ کن ٹھلءُ ادا ناز دلءَ ھِنّی کن ھون شنزنت منی تنیگیں نگاہ چو ھئورءَ دوریءِ ساھتاں مکن باز دلءَ ھِنّی کن من کہ رپتاں منءَ پھکءَ چو پراموش مہ کن ماں ھیالاں وتی شوھاز دل ءَ ھِنّی کن داں کہ دیراں آ شپءَ درد دلءِ چاڑ کت انت آ شپءِ رازءَ بکن راز دلءَ ھِنّی کن شمس زندانءَ نہ کت سار نو گوں تو چوں بیت بس بکن اِنچو مکن واز دلءَ ھِنّی کن شھید امجد بشام #isparmagazine https://t.me/asparAashob/25