باش کېنت ‌نینگ بیر قطار یشاوچیلری کابل ده قورالی اۉغریلیک کۉپه ‌گنیدن شکایت قیله دیلر.اولرنینگ ایتیشلریچه، طالبلر نینگ مملکت بۉیلب تینچلیکنی تأمین قیلگنلیکنی ادعاقیلیشلری خلافی ده باشکېنت ده اۉغریلیک و جنایی جرملر کۉپه یگن. بو یشاوچیلر بوندېک حادثه کۉپه ییشی دن خواطر بیلدیریب طالبلر امنیت نی تأمین قیله آلمسلیککه متهم قیله آله دیلر. شونینگ دېک بعضی یشاوچیلرنینگ ایتیشلریچه اۉغریلر طالبلر کییمی بیلن خلق نینگ اویی گه کیریب باریب بارو یۉقلرینی غارت قیله دیلر. بو یشاوچیلرنینگ ایشانچلریگه کۉره طالبلر جنگریلری نینگ بو اۉغریلیکلرگه قۉللری بۉلمه سه، عادی کیشیلر بوندېک خطرلی جنایتلرگه قۉل اوره آلمه یدیلر. کابل شهری نینگ بعضی یشاوچیلری ۸صبح روزنامه سی بیلن قیلگن صحبتلریده طالبلر امنیت تأمین قیلیشگه عاجزلیکلریدن تنقید قیلیب ایتیشلریچه سۉنگی کۉنلرده تور بنالردن قیمتلی نرسه لر و نقد پوللر اۉغرلنیشی شاهدی بۉلگنلر. کابل پای منار منطقه سی نینگ پاچا صاحب محله سی یشاوچیسی ( مستعار) عمرنینگ ایتیشیچه ایکی هفته آلدین، یېتتیشی اۉغریلر کېچقورون اوییگه هجوم قیلیب ۵۰۰ مینگ افغانیسینی آلیب کېتگنلر. او آرتیقله یدی:« اوچ ییل آلدین اۉنشتیریلگن اۉغلیمنی تۉی قیلیش اوچون یېرلریمنی ساتگندیم بیراق اۉغریلر منگله ییمگه تفنگچه قۉییش بیلن اۉغلیمنی تۉیی پولینی کېلتیریب بېریشگه مجبور قیلدیلر.» کۉپراق اۉقینگ... https://8am.media/uz/increased-theft-outside-kabul-why-security-promised-to-the-taliban/