#الجالية_من_تجاربكم تجربة لشخص في إلغاء الخروج النهائي – خطوة بخطوة (مايو 2025) حبيت أشارك تجربتي الشخصية في إلغاء الخروج النهائي اللي تمت من حوالي 10 أيام، يمكن تفيد حد بيمر بنفس الظرف. عشان تلغي الخروج النهائي، لازم تكون مستوفي عدة شروط وتتابع خطوات معينة بدقة، وهي كالتالي: الشروط الأساسية: 1. إكمال سنة داخل المملكة من تاريخ أول دخول. 2. وجود عقد عمل من الشركة الجديدة على منصة "قوى". 3. خطاب من الشركة الجديدة مصدق من الغرفة التجارية، موجه لمكتب العمل، نصه كالتالي: > "السيد مدير إدارة العلاقات العمالية بمكتب العمل، السلام عليكم ورحمة الله وبركاته، نود نحن شركة (اسم الشركة) رقم الإشهار (الرقم) ضم الموظف (اسمك) رقم الإقامة (الرقم) وجنسيته (جنسيتك) إلى كفالتنا، ونرجو منكم إلغاء الخروج النهائي للعامل المذكور." 4. خطاب شخصي منك لمكتب العمل يتضمن: > "السيد مدير إدارة العلاقات العمالية، السلام عليكم ورحمة الله وبركاته، أنا (اسمك) رقم الإقامة (الرقم)، رقم الجواز (الرقم)، أرغب بإلغاء الخروج النهائي حتى أتمكن من نقل كفالتي إلى شركة (اسم الشركة الجديدة). التوقيع والبصمة ورقم الهاتف." المستندات المطلوبة: 5. برنت "مقيم" من أبشر (يُكلف تقريباً 39 ريال) يحتوي على بيانات الخروج النهائي. 6. صورة من جواز السفر. 7. صورة من الإقامة. 8. تجهيز كل الأوراق السابقة في ملف PDF (لو هتقدم أونلاين) أو طباعتها (لو حضورياً). الخطوات التنفيذية: 9. من تطبيق "قوى" > خدمات > حجز موعد > مكتب العمل > قسم العلاقات العمالية > اختر موعد أونلاين عبر تطبيق Webex. مهم: تختار مكتب العمل الموجود في المنطقة اللي فيها مقر الشركة القديمة الرئيسي، مش المدينة اللي كنت شغال فيها. 10. في الموعد، تفتح Webex من لابتوب (مش الموبايل) وترفع كل الأوراق. 11. الموظف هيسألك: هل أكملت سنة؟ هل عندك عقد على قوى؟ هل معك خطاب مصدق من الشركة الجديدة؟ باقي المستندات؟ 12. ترفع له كل المستندات المطلوبة. 13. تنتظر حوالي 14 يوم، وبعدين تحجز موعد جديد بنفس الطريقة. 14. تاخذ "رقم صادر" وتروح فيه بعد يومين للجوازات – قسم الاتصالات. 15. في الجوازات: تسلمهم "رقم الصادر"، يعطوك "رقم وارد". تروح للعسكري ومعاك صورة الجواز والإقامة. لازم تكون دافع أي مخالفات مرورية. لو كنت كسرت الخروج النهائي أثناء الإجراءات، عليك غرامة 1000 ريال. 16. العسكري هيبلغك: "تم إلغاء الخروج النهائي". وبعد نص ساعة تقريباً توصلك رسائل رسمية على جوالك من الجوازات. بالتوفيق للجميع، وربنا يسهل أموركم. #egycwa