*ISLAMIC TV Ki Janeeb Se "ISLAMIC QUIZ COMPETITION" Session - 7th ( Question No.539 )* ___________________________ 🔠 Correct Answer *[ D ]* *📙 Reference 📚* ___________________________ Qarz Ke Baare Mai Hai. ___________________________ *Allah Tabarak Wa Ta'ala Ka Farman Hai* ___________________________ Aye Logon Joh Imaan Laaye Ho, Jab Tum Kisi Mu'ayyan Muddat Ke Liye Aapas Mein Qarz Ka Len-Den Karo Toh Use Likh Liya Karo, *Aur Tumhare Darmiyan Ek Katib ( Likhne Waala) Insaf Ke Saath Likhe,* Aur Koi Katib Likhne Se Inkaar Na Kare, Jaise Allah Ne Use Sikhaya Hai, Waise Hi Woh Likhe, *Aur Joh Shakhs Qarz Mai Zimmedar Hai, Woh Likhwaye Aur Allah Se Dare Joh Uska Rab Hai,* Aur Likhne Mai Kuch Kami Na Kare, Agar Qarzdaar Nadan Ya Kamzor Ho Ya Likhwane Ki Salahiyat Na Rakhta Ho To Uska Wali Insaf Ke Saath Likhwaye, *Aur Apne Mardo Mai Se Do Gawaah Bana Lo, Agar Do Mard Na Ho Toh Ek Mard Aur Do Aurate, Jinhe Tum Gawaho Ke Taur Par Pasand Karo,* Taa-ke agar Ek Bhool Jaaye Toh Doosri Use Yaad Dila De, Aur Jab Gawah Banaya Jaaye Toh Woh Gawahi Dene Se Inkaar Na Kare, *Aur Likhne Mai Takalluf Na Karo, Chaahe Qarz Chhota Ho Ya Bara, Uski Muddat Tak Likh Lo, Yeh Tumhare Liye Allah Ke Nazdeek Ziyada Insaaf Par Mabni Hai,* Gawahi Ko Theek Rakhne Wala Hai, Aur Shak Se Bachne Ka Tareeqa Hai, Magar Agar Tum Haath Ke Haath Tijarat Karo, jo aapas mein tum karte ho, to isay na Likhne MaibTum Par Koi Gunah Nahi Lekin Jab Tum Lein-Deiln Karo Toh Gawah Bana Lo, *Aur Na Katib Ko Nuqsaan Pahunchaaya Jaaye Aur Na Gawah Ko, Agar Tum Aisa Karoge Toh Yeh Tumhari Nafarmani Hogi,* Aur Allah Se Daro, Allah Tumhe Ta'aleem Deta Hai, Aur Allah Har Cheez Ka Ilm Rakhta Hai. ___________________________ *[ Surah Al Baqrah Surah No.02 Aayat No.282 ]* ___________________________ 🪀 Director Abu Ibrahim Mohammedi Kuwait📱 ___________________________ https://wa.me/96566828869 https://wa.me/96566331738