*إنتوا بتتشابهو كدا ليه .. أخوان..؟* *لا والله أصحاب بس💚!* *في أصحاب كتير الواحد لما يشوفهم بيفتكرهم أخوان، و بيتفاجأ إنهم صحاب بس..* *في شبه أحيانًا بيجي مع المحبة و الصُحبة النضيفة.. بتلاقي تصرفاتهم واحدة حركاتهم واحدة .. بيفهمو أي حاجة من أول تلميح، و دايماً بيركزوا و بستلمو التفاصيل في نفس الوقت..* *بيقدرو يتكلموا عن أي حاجة مهما كانت سرية في العلن بدون ما زول يعرف هم بيقولوا في شنو..* *بيصلو لمرحلة مش محتاجين لغة عشان يتواصلو بيها، حركة واحدة بتغنيك عن مقالة كاملة.* *نفس الإستايل..* *نفس الإختيار..* *بنحب نفس الناس و بنكره نفس الناس بالفطرة كدا..* *لما ألقى نفسي ما إرتحت لزول معين، بلاقي صحبي سبحان الله بيكره نفس الزول..* *مرات بتلاقي نفسك وقعتو في حب نفس الزول..* *بتمرو بنفس المواقف..* *أي حاجة بتحصل بتحس إنو إتقسمت بينا بالنص.* *حتى في بيت أي واحد فينا ما بيكون باين إنو في زول من خارج نطاق الأسرة، بالعكس..* *الملامح بتتقارب لما النوايا بتتصافى، و الوجوه بتتشابه لما الخوة تبقى في الله.🫂🫀✨️*