الدعاء زي الدوا… فيه مادة فعالة! ومش كل إللي بيقول "يا رب" بياخد نفس النتيجة. الفرق الحقيقي؟ اليقين! سيدنا أيوب عليه السلام، بعد 18 سنة من المرض والابتلاء، ما قالش غير: {أَنِّي مَسَّنِي الضُّرُّ وَأَنْتَ أَرْحَمُ الرَّاحِمِينَ}.  قالها بقلب مليان رضا، وحُب، ويقين لا يتزعزع في رحمة ربنا… فربنا شفاه، وفرّج كربه، وآتاه أهله ومثلهم معهم! طب إيه الفرق بينه وبيننا؟ مع إننا بنعبد نفس الإله… الرحمٰن الرحيم، القريب المجيب سبحانه وتعالى. الفرق إن قلوبنا هي إللي بعيدة، ويقيننا هو إللي ضعيف! ادعي… بس بقلب صادق، وموقن إن مافيش مستحيل على ربنا. وساعتها هتشوف بعينك: {فَاسْتَجَبْنَا لَهُ}.