التعريف الكامل للقصه والشخصيات بعديها حنفصل الكوبليهات الكمونة حجة سيدة عندها ولد واحد مرقت بيهو من الدنيا إسمو “محمد” وبت اسمها “رابعه” كانت بكر أمها الوحيدة. ربت في حضن أبوها حاج سعد محمد، أصغر واحد. لما حجة سيدة كانت حامل بيهو في الشهور الأولى، حاج سعد كان عيان شديد. رغم تعب الحمل وخدمة البيت، حجة سيدة كانت خاته في عيونه وصايناهو وفي خدمتو من تصبح لحدي ما تمسي، وجري للمستشفيات. في الشهور الأخيرة من حمل حجة سيدة، حاج سعد حالتو اتدهورت شديد وبقن أيامو معدودات. حجة سيدة عدت أسبوع كامل يومي في الدكتور، مقابلات، وكل ما تقابل بيهو الدكتور يقول ليها: “حالتو الأمبارح كان أحسن”. قرار الدكتور كان إنو حاج سعد يرقد في المستشفى عشان يتابعو الحالة. حجة سيدة ما استسلمت، كانت الوحيدة الواقفة في راجلة. خلت الحاج في المستشفى ومشت البيت، جابت علاجات الحاج من البيت وغيارات ليهم، كانت معانية جداً وصابرة على مبتلاها. قعدو في المستشفى شهر كامل، وحالة حاج سعد متأخرة يوم عن يوم، الدكاترة ما خلو حاجة لي حاج سعد، لكن إرادة ربنا كانت أقوى. يتبع