يوم من الأيام، حجة سيدة صحت حاج سعد الساعة ٤ صباح، أدتو كباية لبن، شرب منها ورقد الرقدة الياها. حجة سيدة مفتكراه نام، كانت مقلقة شديد، نوم ما جاييها. الساعة ٦ صباح، حجة سيدة حست بي وجع شديد، وده كان يوم ميلاد محمد. الدكاترة ودوها للولادة، كانت مابين الحياة والموت، المعدودة تمن، وحاج سعد ربنا افتكرو وشال أمانتو وارتاح من التعب. كانت لحظات مؤلمة لي حجة سيدة، ومصيبتها كانت كبيرة. الدكاترة مطلعين حجة سيدة من غرفة العمليات للعنبر، شافت حاج سعد واقفين فيهو الدكاترة، حست وعرفت قبل يكلموها، من شدة الصدمة أغمي عليها، وما وعت إلا بعد يومين من الولادة. صبرت ورضت بي أمر الله، فتحت ولقت محمد ولدها، ومحمد من فتح عيونو في الدنيا، اتولد يتيم. كان فقد عظيم لي حجة سيدة، ربت محمد بي كل حب الدنيا، ما حوجتهم لي حاجة. كبرت وربت وعلّمت، ما تزوّجت بعد حاج سعد، كربت نصها، وما استسلمت للحياة. كبر محمد، وكبرت رابعه اختو، والاتنين كانو متعلقين بي أمهم شديد. الكمونة كان اسم الدلع لي محمد، لانو شايل خدار أبوهو ورجالتو وشهامتو. قرا الجامعة واتخرج واشتغل مهندس. 500 لايك ونتابع 🔥