:إنتي بجد عاوزاني اسافر!! اتكلمت ببرود ولامبالاه -اه عادي يعني عاجبك الخطوبه الخمس سنين دي الي قدي اتجوزو وخلفو ونت لسا واقف مكانك يمحمد!!!؟ :سهل عليكي يعني وعادي اتغرب مش خايفه لا البعد يغيرني مش خايفه احب غيرك طيب بلاش كل داا أنا أنا مش فارق معاكي للدرجه دي يعني عادي تقعدي 3 سنين من غيري من غير متعرفي أنا عايش ازاي ولا عامل اي إنتي مش ايمان الي أنا اعرفهاا إنتي واحده انانيه مش بتحبي غير نفسك أنا ندمان إني عرفتك . اتكلمت بدموع وهي بتقلع دبلتهاا -مش هعاتبك علي كلامك ولا تستاهل ابررلك انا ليه موافقه علي سفرك إنت متستاهلنيش حطت الدبله ف ايده وتكلمت بنبره مليانه عتاب - هستعوض ربنا ف الخمس سنين الي ضاعو من عمري بس مستحيل يضيعو من عقلي دبلتك اهي ربنا يرزقك بالاحسن مني • :بص عليها بتوهان ومشاعر متلغبطه وهي ماشيه مش عارف مين صح ومين غلط بس الي هو متأكد منه أنه خلاص مينفعش يكون ف حياتها تاني . حط الدبله ف جيبه ولف هو كمان يمشي بعقل شارد وهو كلامها كله بيتردد ف ودنه . إيمان ايمان افتحي الباب وبطلي عياط فهميني ف اي أنا هموت من القلق . اتكلمت بصوت متقطع من العياط :لو سمحت يـ فاطمه سيبيني دلوقتي أنا محتاجه اكون لوحدي . -يـ ايمان بقولك افتحي الباب دا والا والله هيبقى اخر كلام بناا طنط رنت عليا وقالتلي انك جايه من برا افتحي الباب وفهميني ف اي طيب قامت بتعب وعيون وارمه من العياط فتحت الباب ورجعت قعدت مكانها تاني علي السرير بإهمال . :إنتي يينتي مجنونه مموته نفسك من العياط وتقوليلي سيبيني اخدتها ف حضنها وهي بالطبطب عليها بهدوء -احكيلي طيب في اي وصدقيني هنحلها سواا بس انتي اهدي كد كملت بضحك للتخفيف عنهاا 'عينك بقت شبه الكوره الكڤر مشاء الله إنتي لو عضك كلب مش هتعيطي كد' :يفاطمه والله تعبانه ومش قادره اتكلم دلوقتي معلش سبيني لوحدي . قولت لا ازاي اسيبك ونتي ف الحاله دي انتي عبيطه صح . :اتنهدت بتعب ووجع أنا ومحمد سيبنا بعض أو بمعني اصح انا الي سيبته شهقت فاطمه بصدمه وهي بتقول بعدم تصديق :إنتي ومين الي سيبتو بعض إنتي بتهزري دا روحو فيكي إنتي ازاي تعملي كد وحبك ليه والخمس سنين خطوبه دول اي ـ انتي اكيد بتهزري صح : لا يـ يفاطمه مش بهزر ومش غلطانه اديكي قولتي خمس سنين عمل اي هو ف الخمس سنين ولا حاجه واقف يتفرج عليااا مش بيتحرك ماما كل يوم والتاني تجيبلي عريس وتقولي هتعنسي ونا صابره وساكته بس وآخرتهاا اي أنا خلاص تعبت وهو مش بيحاول علشاني ولا بيتحرك خطوه واحده بس أنا موجوعه اكتر منه الف مره أنا الي اخدت القرار ونا برضو الي مش عارفه اكمل كملت بدموع -دا كل حاجه ليا بعد ما بابا مات يفاطمه أنا مليش غيره. اخدتها ف حضنها وهي بالطبطب عليها بحنيه :إهدي يحبيبتي أن شاء الله خير بس انتي متعمليش ف نفسك كد . غمضت عينها بتعب وهي بتدعي ربنا أن كل حاجه تتحل - عند محمد كان قاعد مع صاحبه علي القهوه حاطط راسه بين ايديه وتكلم بوجع : إيمان سابتني يـ ادهم عارف يعني اي أنا كنت رايح مبسوط وقولها اني خلاص جبت الشقه واحدد كتب الكتاب بس كنت خايف مش عارف من اي بس كنت عاوز اتاكد من حبها لياا -بس اتفاجئت يصاحبي اول ما فتحتها بموضوع سفري وافقت وافقت حتي من غير تفكير هي اتخلت عني بسرعه اوي ! :بصراحه يمحمد أنا شايف انك انت الي غلطان . أنا يأدهم وانت الي بتقولي كد كمان!!!! :ماهو علشان انت صاحبي واخويا بقولك أن بنات الناس مش لعبه ف إيدك مينفعش تربطها جمبك خمس سنين ومش عارفين تتجوزو ولما تلاقي فرصه كويسه توافق يبق كد هي بياعه..! -هي حاولت تحافظ عليك يمكن طريقتها وأسلوبها غلط بس اي الي يخليها تصبر معاك خمس سنين غير لو كانت بتحبك ؟؟؟ -متقساش عليها وفكر فيها كويس الي زيها اتجوزو وخلفو ونت مقعدها جمبك .. :يعني اعمل اي أنا مش هعرف اعيش من غيرها. اتكلم بثقه ودراما . -اخطفهاا :انت مجنون يلا والله انا الي غلطان اني قاعد مع واحد زيك شده ادهم بضحك وهزار -يعم بهزر اي انت مبتهزرش محمد بصله بقرف وكمل وقال يعم اخلص بق وقولي اعمل اي : والله مش عارف من غيري هتتنيل تعمل اي بص يعم انت تاخد بوكيه ورد حلو زيك كد ولا اقولك بلاش زيك خد بوكيه ورد عادي ومعاه شوكولاته وروحلها البيت واتكلم معاها وان شاء الله كل حاجه هتتحل. :تفتكر انا خايف لترفضني؟؟ -بصله بملل وهو بيقول بسماجه يارب ترفضك أنا زهقت . عند إيمان فاقت من تفكيرها علي صوت ماسدج من محمد "انزليلي أنا تحت البيت" قلبها دق بسرعه كبيره وهي بتجري علي البلكونه وتلاقيه فعلا واقف وماسك ف ايده بوكيه ورد وشوكولاته ابتسمت بهبل وفاقت علي صوت فاطمه صحبتها الي قالت بسخرية :مستحيل نكمل أنا ومحمد خلاص كتك نيله لما انتي واقعه كد عمله المناحه دي كلها علي اي يستي خلاص بق مكنوش كلمتين قولتهم ف وقت خنقه يساتر اي دا المهم انا نازله اشوفه بسرعه ادعيلي ضحكت بطفوله وهي بتلبس طرحه بطريقه عشوائيه علي بيجامه البيت ونزلت بسرعه ليه . محمد بصدمه من شكلها :إنتي مين انا عاوز ايمان : انا ايمان كملت برفع حاجب انت كمان مش عارفني ..!! اتكلم بتوتر وهو بيقول -احم لا ابدا يحبيبتي بس شكلك زي القمر :بجد!! ـ اه والله العظيم :احم بصي أنا مش حابب نفتح ف الي حصل بس أنا بحبك اوي و مقدرش اعيش من غيرك كنت جاي اقولك اني خلاص جبت الشقه وكل حاجه بقت جاهزه نقصاكي انتي بس يعروستي اتكلمت بصدمه ودموع وهي مش قادره تسيطر علي ضحكتها ـ بجد يمحمد يعني خلاص هنتجوز . ضحك بخفه علي طفولتها وقال بمشاكسه وهو بيغمزلها :وهنجيب تقي وآدم كمان برقت وهي بتقوله محمددد! ـ عيونه بـحبك . "كنت دايمًا شايفك قَدر، بس النهارده عرفت إنك كنت نِعمتي من أول يوم." 💌 اسكريبت خفيف قبل ما انام 😂♥️♥️ #تمت #حكايات إيمان_ومحمد #للقدر_رأي_آخر #مي_عبدالله