ڈپٹی ڈسٹرکٹ ایجوکیشن آفیسر تاندلیانوالہ، ناصر اقبال وڑائچ کو جنرل سیلز ٹیکس اور انکم ٹیکس آرڈیننس کو چیلنج کرنے پر معطل کر دیا گیا ہے۔ ذرائع کے مطابق ناصر اقبال وڑائچ اور ڈپٹی ڈسٹرکٹ ایجوکیشن آفیسر جھمرہ نے سکول سربراہان کو سیلز ٹیکس اور انکم ٹیکس کٹوتی سے روک دیا تھا۔ انہوں نے موقف اختیار کیا کہ تعلیم کے شعبے کو ٹیکس سے استثنیٰ حاصل ہے، حالانکہ اس سلسلے میں کسی قسم کا باقاعدہ نوٹیفکیشن جاری نہیں ہوا تھا۔ اعلیٰ حکام کی جانب سے جب یہ معاملہ نوٹس میں آیا تو فوری کارروائی کرتے ہوئے ناصر اقبال وڑائچ کو 5 جون 2025 کو معطل کر دیا گیا۔ ذرائع کے مطابق اگلی کارروائی کا امکان ڈپٹی ڈسٹرکٹ ایجوکیشن آفیسر جھمرہ کے خلاف ہے۔ محکمہ تعلیم کے افسران کی طرف سے ٹیکس قوانین کی خود ساختہ تشریحات اور ان پر عمل درآمد کو چیلنج کرنا حکام بالا کو ناقابل قبول قرار دیا گیا ہے، جس کے نتیجے میں یہ اقدام اٹھایا گیا۔