قالت : كان شيخي وحفظت معاهُ ربع القرآن، و فجأة قال إنه اعتزل تحفيظ النساء! و نقلونا أنا وكل زميلاتي لِمعلمة، و المعلمة دي كانت والدته والشيخ مشى من المقرأة كلها وانقطعت أخباره تماماً لدرجة نسيناهُ كلنا .. وبعد عشرة شهور ختمت أنا وزميلاتي واتعمَلت لينا حفلة خِتام كبيرة جداً ويوم الحفلة ساقتني معلمتي بعيد عن زميلاتي وقالت لي : في شاب داير يخطبك . و حكَت لَي كل مواصفاته وأدّيتها تلفون أبوي . إتواصلوا مع أبوي، وبعد يومين انتظرناهم و اتفاجأ إنه معلمتي وزوجها وولدها اللي هو كان شيخنا قبل عشرة شهور وحفظنا معاهُ ربع القرآن! صراحة من الصدمة ما قدرت أتمالك أعصابي ولمن جاء وقت الرؤية الشرعية قال لي : انا لمن حسيت إنه اتفَتَنتَ بيكِ، عرفت إنه باب من الشيطان حيتفتِح! ف بـ إعانة ربنا قرّرت إنه أعتزل تحفيظ النساء كلهم . عشان ما أخلي للشيطان ولو مدخل بسيط، و خلّيت أي حاجة بتقرّبني ليك، لأني عارف إنه أنا ما جاهز للارتباط حالياً! عشان كده ابتعدت؛ عشان ما أفسد قلبي و ديني و افسدك، لكن لمّن خليتك، خليتك مع أأمن مخلوق بالنسبة لَي على الأرض ♡ خليتك مع أمي و وصّيتها عليك بِحجة انك طالبة متميزة وبتحتاجي الإهتمام عشان تطلعي معلمة مُتقِنة .. وكنت بتابع مسيرة حفظك أول بأول، و فى الوقت ذاتُه كنت بسأل ربنا وبلِح عليهُ عشان يطلّعك من قلبي أو يقربك لَي بالحلال 🌸 و مع مرور الوقت كنت داير أنساك، لكن اتعلّقت بيك زيادة ومن هنا قررت إنه أتقدم ليك للزواج .. وأنا فى طريقي إنه أفاتِح أهلي، لِقيت أمي عازماني حفلة ختامِك .. وقالت لَي إنه بعد أسبوع ف قرّرت تأجيل موضوع الخطوبة لحدي تمام يوم ولادتك بحفظ كتاب الله ♡ و كنت بتمنى أشارك في تتويجك لكن خُفتَ إنه موضوعي يتكشِف وأفسد عليك قلبك و إنه ما يتيسّر لي الزواج ب ذنب زي ده! وبعدها فاتحت أبوي وأمي في الموضوع، و كانت أمي مُرحّبة جداً جداً وفرحت فرح شديد لمّن عرفت إنك العروس ♥️ قالت : تصدّقي إنه أنا من الفرحة بكيت، رغم إنه كل الكلام ده كان قِدّام أبوي و أمي و أخواتي وأهله! كان بيتكلم بكُل قوة وجُرأة، تمت الموافقة عليهُ بفضل ربنا وفي خلال أسبوع تمّ العقد ما خطوبة بس . كان عقد الزواج الجمعة اللي قبل رمضان، و بدينا رمضان ك زوجين و كل يوم يعدّي علَي يسوقني المسجد عشان أصلّي وراهُ صلاة التراويح .. ما قادرة أوصف ليك فرحة قلبي طول الصلاة، و فرحتي و أنا بسمع الناس بتثنّي عليهُ وعلى تلاوته وخشوعه فى الصلاة . ولا بقدر أوصّف ليك المحبة اللي وضعها ربنا في قلبي اتجاهُ، لكن عارفة إنه المحبة جزاء ليهُ؛ لأنه اتقى الله فيني وفي قلبي .. فاللهم بارِك اللهم لك الحَمد"♡ *فاللهمّ رِفقةً صالحة تطِِيب معها الحياة و تزدهِر، أن تُغدق حياة الصابرين جبراً و فرحاً و راحة بال .* *ممكن نصلّ على الحبيب!*وحط قلب يشبهك*