*د والدینو درناوی – د انسان ستر مسؤلیت* *والدین زموږ د ژوند بنسټ دي. همدوی دي چې موږ یې نړۍ ته راوستلي، زموږ پالنه، تربیه او روزنه یې کړې. له ماشومتوبه تر ځوانۍ پورې یې هر ډول ستونزه او کړاو زغملی، خو زموږ د نېکمرغه راتلونکي لپاره یې هیڅ شکايت نه دی کړی.* *اسلام موږ ته امر کوي چې د والدینو درناوی وکړو. الله تعالی په قرآن کریم کې فرمایي:* *"وَقَضى رَبُّكَ أَلّا تَعبُدوا إِلّا إِيّاهُ وَبِالوالِدَينِ إِحسانًا"* *(ستاسې رب فیصله کړې چې یوازې د هغه عبادت وکړئ، او د والدینو سره نېکي وکړئ.) – الاسراء: ۲۳* *رسول الله صلی الله علیه وسلم فرمایي:* *"رضا الله في رضا الوالد، وسخط الله في سخط الوالد."* *(د الله رضا د والد رضا کې ده، او د الله قهر د والد قهر کې دی.)* *نن سبا ځینې ماشومان خپل مور او پلار ته بې ادبي کوي، غږ پرې لوړوي یا یې خبرې نه مني. دا نه یوازې بې ادبي ده، بلکې ستره ګناه هم ده. راځئ چې خپل مور او پلار ته مینه، درناوی او خدمت وکړو، تر څو د الله رضا، د دنیا برکت او د اخرت کامیابي ترلاسه کړو.🤲*