د سعودي عربستان د بهرنیو چارو وزارت د یوې اعلامیې په خپرولو سره پر ایران د اسرائیلو وروستي بریدونه غندلي او دا یې د ایران د حاکمیت او امنیت ښکاره نقض او د نړیوالو قوانینو خلاف عمل بللی دی. بلخوا د ملګرو ملتونو سر منشي انتونیو ګوتریش هم په یوه اعلامیه کې په منځني ختیځ کې هر ډول پوځي کړکېچ غندلی او له ایران او اسرائیلو یې غوښتي چې له پوره زغم څخه کار واخلي او د جګړې له زیاتېدو مخنیوی وکړي.