♦️کتاب ءِ نام:مِھلبیں آتار لچہ کار: جی آر مُلّا اولی چاپ:2017 شنگکار:سید ھاشمی اکیڈمی گوادر ♦️مُلّا ءِ شائری یک ھنچوشیں زمانگے ءِ شائری اِنت کہ یک دراجیں دورے ءِ لگتمالی، شزاری، ایردستی ءِ بژنے آئی ءِ تھا سھرا بیت۔ بلے گوں اے شزاری، ایردستی ءُ لگتمالیانی ھواری ءَ آئی ءِ شَئرانی تھا اُمیت ءُ ایوکیں وشیں روچانی رُژن ءُ شھم ھم پہ شری مارگ بیت۔ پہ ھرچ شائری ءَ ھژ دری اِنت کہ آ وتی وھد ءُ زمانگ ءِ آدینک بہ بیت۔ وھد ءُ زمانگ آیان ھر چی دَنت آ ھمایاں وتی جبزگ واھگ ءُ گالانی پد ءَ زمانگ ءَ واتر کن اَنت۔ پمشکا یک نیمگے آئی ءِ شَئر لگتمالی، بزّگی واری ءُ شزاری مان اِنت دومی نیمگ ءَ جُھدان ءَ نشان دنت کہ مھلوک اش گلائیش اَنت۔ بزاں اِیردستی (مھکومی) ءِ اولی بکش ءُ جُھد ءُ کوشستانی گُڈی نکش آئی ءِ شائری پڑ اِنت بزاں اولی بھر جُھد ءُ کوشست ءِ تھار ءُ دراج ءُ دمبر ینوکیں شپ ءِ بژن ءُ درد ءِ مارگ اِنت دومی بھر جُھد ءُ ایوکیں وشّیں روچانی اُمیت اِنت “ مُلّا” ءَ شائری گوں مئے دور ءُ زمانگ ءِ جاوراں سیادی کنت، پمشکا ورنایاں آ دوست بیت “مُلّا” ءِ شائری تھا درس ھم ھست۔ بلے ایدگہ مُلّایاں پنت ءُ نسیت ءَ گوں ھکلّ ءُ گُر ءَّ نہ کنت، بلکیں گوں یک جوانیں رنگے ءَ وتی زرد ءِ باھنداں گالانی زبان ءَ گیشّین اِیت۔ ھرچ مردمے ءَ آئی ءِ شائری ءِ تھا یک ناں یک پیمے وتی درد گندگ ءَ کاینت۔ 🖋 منصور بلوچ برای خرید این کتاب، با ما در ارتباط باشید 🥰✨📩 🔁راه های ارتباطی: 📌@ragambooks on IG 📬 🔗https://www.instagram.com/ragambooks?igsh=MWdxYmVhZ25mdjQ0dg== 🟢 +98 905 545 0195📩 "بیھ مَہ شَموش کہ زُبان تئی باھوٹ اِنت”