صباح الخير يا رفاق ♥️🫶🏻 ركزوا كويس... دي شوية نصائح وتريكات مهمة جدًا لازم تكونوا عارفينها قبل الامتحان 👇🏻🌸 ✅ نام كويس قبل الامتحان بلاش تروح "مطبق"، لأنك ببساطة هتنام في اللجنة ومخك مش هيعرف يشتغل. ✅ افطر حاجة خفيفة ومغذية المخ محتاج جلوكوز علشان يقدر يفكر ويحل. ✅ صلّي ركعتين قضاء حاجة قبل ما تنزل وادعي من قلبك إن ربنا يوفقك ويجبرك وييسّر لك كل صعب. ✅ خُد معاك إزازة مياه الجو حر، والوقت طويل، وجسمك لو نقص مية تركيزك هيقل. ✅ بلاش أي دواء بينيم زي الكونجستال هيخليك في مود نوم وانت مش ناقص ده وقت الامتحان. ✅ سيبها على الله أنت عملت اللي عليك، ووصلت لليوم ده بستر ربنا، وهو أرحم بيك من نفسك. ✅ لو معندكش ساعة، اسأل المراقب عن الوقت كل شوية عشان الوقت ما يضحكش عليك. ✅ أول ما تستلم الورقة، قول "بسم الله" وابدأ بهدوء سيبك من الدوشة حوالك، ركّز بس في ورقتك. ✅ متغشش ولا تغش مش هتفيد نفسك، اللي جاي أهم، وربنا شايفك وهيجزيك على نيتك. ✅ لو وقفت في سؤال… قول: > "حسبي الله لا إله إلا هو، عليه توكلت وهو رب العرش العظيم. اللهم ذكّرني ما نسيت، وعلّمني ما جهلت، وافتح عليّ فتوح العارفين." واستغفر واهدأ... وربنا هييسرها بإذن الله 💗 ✅ لو السؤال مش راضي ييجي، كمّل باقي الأسئلة ممكن ترجعله تلاقيه سهل فجأة. ✅ بعد ما تخلص، قول: > "اللهم إني استودعتك إجاباتي، اللهم وفّقني لما فيه خير." ✅ استغل الوقت للآخر راجع، عدّل، فكّر… كل لحظة لها قيمة. ✅ أوعى تقلل من نفسك دلوقتي مش وقت جلد ذات… أنت قدّها وربنا هيكرمك، خليك واثق وهادئ، وإن شاء الله تبقى فرحان بالنتيجة. --- 💌 رسالة من القلب… متنسونيش من دعائكم، ولكم بالمثل وزيادة إن شاء الله 🩷✨ يارب كل قلب فيكم يطلع مجبور الخاطر 🙏🕊️