طبعا انت شوفت خمستلاف بوست عن عشر ذي الحجة .. التايم لاين مليان ما شاء الله ركز بس معايا هقولك على كام حاجة تمشي عليهم وتخرج من الأيام دي حالك متبدل 180 درجة للأحسن إن شاء الله أول حاجة تتوب توبة صادقة لأن الذنوب بتمنع التوفيق للطاعات الصلاة فالمسجد (ومنهم الفجر .. ها الفجر اللي انت بتنام عنه ده فرض والله) ولو في صلاة ملحقتهاش فالمسجد صليها فالبيت بس اوعى تخرجها عن وقتها علشان متبقاش كبيرة من الكبائر تبعد عن الذنوب خالص وبالذات ذنوب الخلوات (أنك تبعد عن الذنوب ده فرض عليك وأولَى من الطاعات الزيادة) يكون ليك نصيب من قيام الليل (حتى لو ركعتين وتختم بركعة وتر) تصوم الأيام دي حتى لو فطرت أيام عادي بس صوم اللي تقدر عليه افتكر أن طول فترة الصيام بتاخد أجر إن شاء الله وطبعا أهم يوم هو يوم عرفة لأن لو صومته ربنا يغفر لك ذنوب سنة راحت وسنة جاية تحافظ على السُنن الرواتب وتقرأ قرآن كتير تذكر ربنا دايما متوقفش أبدا ذِكر وصلاة على النبي ﷺ وده من أهم الأعمال في الأيام دي تصدق ولو بعشرة جنيه كل يوم والرجالة اللي عليهم مذاكرة وشغل انووا بمذاكرتكم وشغلكم ده نفع الإسلام والمسلمين وليكم الأجر بإذن الله. افتكر ان الأيام دي أفضل أيام عند ربنا سبحانه وتعالى اجتمع فيها الصلاة والصيام والحج والصدقة والأضحية وكل الخير ده متنساش تعرف غيرك الحاجات دي وصحابك وأهلك.. الدال على الخير كفاعله.