صدقوني اي حد دلوقتي ومراكم هيدفع التمن غالي قدام والله اعتقد ده مش وقت مراكمة ولا استهبال قالوا لينا زمان "من لم يذق مر التعلم ساعةً، تجرع ذل الجهل طول حياته " ولا تشتري لذة يوم بعقاب الف يوم ويفوز باللذات كل مغامر ويموت بالحسرات كل جبان ابوس دماغك ياخويا انت وهي انا زي اخوك الكبير وبقولك والله المستقبل للمتراخي صعب واللي اتعود ع الكسل هيعاني لما يكبر بالله عليك حس بابوك وامك اللي طفحانيين الد.م عشانك حس بنفسك لما تكبر، هتندم علي كل قرار اخدته غلط او لحظة ضيعتها غلط وانت صغير وكل مر سيمر والثانوية مش مر المر الحقيقي هو الذل قدام نفسك واهلك وانك فعلا مش قد المسئولية اتقوا الله في اهاليكم شوية الفترة دي مش عايزة نوم اصلا عايزة شخص شجاع يعافر عشان يفوز بالسبق لسه المر الحقيقي قدام في مطحنة الشغل والجواز ومسئولية البيت والأسرة والجمعيات والديون وخبطات الحياة اللي انت فيه ده مايجيش شعرة في دقن المستقبل الحقيقي والمر الحقيقي