لما ربنا يكون معاك... مفيش مستحيل! لما قلبك يتعلق بربنا، كل حاجة حواليك بتتغير! سيدنا يونس في ظلمة بطن الحوت، وظلمة البحر، وظلمة الليل، ربنا خلّى الحوت غواصة أمان، لما قال: "لا إله إلا أنت سبحانك إني كنت من الظالمين". وسيدنا موسى، لما كان البحر قدامه وجيش فرعون وراه، والناس حواليه بيقولوا: {إِنَّا لَمُدْرَكُونَ}. قال بيقين وثقة: {كَلاَّ إِنَّ مَعِي رَبِّي سَيَهْدِينِ}. ربنا شق له البحر طريق في لحظة! وسيدنا إبراهيم، لما رموه في النار، وقال: {حَسْبُنَا اللَّهُ وَنِعْمَ الْوَكِيلُ}. ربنا خلّى النار {بَرْداً وَسَلاماً} عليه! علّق قلبك بربنا؛ لأنه هو مصدر القوة، والعِزّة، والغِنى الحقيقي.