🍃قِصٌصٌ💥 مَبِتّعٌدِيِّنِ🌹 عٌنِ أّلَعٌأّلَمَ🌍 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* القراءة غذاء الروح والعقل🧠 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* *❴📖❵↵*بين.ماضي.وحاضر.tt 🙂 *❴🔢❵☟الـــبـــــــــــ❴1️⃣ ❵ــــــــــــارت☟* 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🍃💥مبتعدين🌹 عن🔥 العالم🍃🌍 https://whatsapp.com/channel/0029VaFcFDSHrDZp5tqeeu23 ☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ 〰️〰️〰️〰️〰️〰️〰️〰️〰️〰️ سرايا كبيرة وساحات واسعة وشجر كبير وعالي وخدم وحشم كتار كلهن سمعو صوت الباشا الكبير وهو عم يصرخ عابن ابنو الباشا الصغير وهو اصلا مو صغير. الباشا الكبير : انت متى بدك تكبر متى بدك تعقل حاجتك ولدنة اركز واعقل انت باشا ومالازم تكون بهيك منظر كون جدي اكتر. طارق بس انا ياجدي ماني صغير ضل حدا ماسمعك وانت عم تبهدلني كيف الناس بدها تحترمني ازا انت مو محترمني بالأساس. الباشا الكبير : لانك ماعم تستوعب علي وبتضلك عطول صايع. طارق : جدي انا ماعدت صغير انا عمري 32 سنة يعني صرت رجال. الباشا الكبير : كبرت بالعمر بس بالعقل لأ. طلع طارق من عند جدو زعلان ومعصب. طارق شاب حلو كتير عفوي وبحب يعيش شبابو وحياتو الله عاطي كل الجمال اللي بالدنيي لطارق عيون واسعات وشعر اسود برجعو لورا دايما وطول وعضلات وجسم حلو كتير. كان في رجال كبير بالعمر وبيشتغل عند الباشا بتنضيف حديقة السرايا اسمو ابو سليمان قلو شايف ياابو سليمان شايف الباشا الصغير رح يضلو صغير ومارح يكبر بنوب. ابو سليمان : عدم المؤاخذة ياباشا انت كتير قسيت عليه للباشا طارق يعني لازم تستوعبو اكتر من هيك وبضلو وحيدك. الباشا الكبير : اي ولأنو وحيدي،بدي دير بالي عليه كتير منيح هو مو شاطر غير بالسهر والطلعات والبنات والمسخرة تبعو . ابو سليمان : برضو ياباشا مابصير تعاملو هيك صار رجال ولازم تشوف حالك فيه عواض ماتصرخ عليه. الباشا الكبير : لا هاد بدو ترباية من اول وجديد.....انت بنت بنتك شو كان اسمها. ابو سليمان : بدور. الباشا : بدي جوزها لطارق شو قلت. ابو سليمان : ااااااه بدك تجوز، بدور للباشا . الباشا : اي عندك مانع. ابو سليمان : لا ياباشا مو القصد والله بس كيف هيك يعني الباشا الصغير ماجاب هيك سيرة . الباشا الكبير : وانا قلت والا مابكفي... هلا شو رأيك انت. ابو سليمان : مابعرف شو بدي قلك ياباشا خليني اسأل، البنت بالاول. الباشا: مابدي تسألها ناديلي عليها واتروك الباقي علي . ابو سليمان راح لبدور وقلها: جدو الباشا بدو اياكي بدو يحاكيكي بموضوع روحيلو عغرفة المكتب.. بدور: بدو اياني انا خير جدي شو في. جدها : مابعرف قلي بدو يحكي معك. راحت بدور وكانت مرعوبة ليه ليطلبها الباشا مافي بالعاًة. دقت الباب ودخلت وقت سمعتو قلها تفوت. بدور : مساالخير ياباشا . الباشا: اهلين تعي بنتي تعي اقعدي هون. بدور : مابصير ياباشا الباشا: بلاها هالفزلكات واقعدي. قعدت بدور وداد خوفها لما شافتو كتير معصب. الباشا: انتي ليه لهلأ ماتجوزتي.. مع انك حلوة كتير. بدور : النصيب ياباشا. الباشا : طيب انا بدي جوزك لابن ابني طارق بتعرفي الباشا الصغير مو. بدور : .......عفوا ياباشا انا ات ات اتجوز، الباشا انتي عم تمزح مااا. الباشا عصب عليها : انا من متى في مزح بيني وبينك لأ ماعم امزح. بدور : اسفة كتير، ياباشا بس انا ماعم سدق انو الباشا الصغير رح يتزوج خدامة عندو. الباشا : بس طارق مابيعرف انو بدي زوجو. بدور انصدمت انو كيف بيطلبها لابن ابنو وهو مابيعرف بالموضوع. الباشا: شو قلتي. بدور، : بس ياباشا افروض انو الباشا ماوافق انا كيف بدي اعطيك رأيي مو لتعرف رأيو هو بالاول. الباشا: انتي ما دخلك برأيو انتي هلأ وافقي وخلص. بدور : صعب... صعب وافق هيك عطول بلكي هو مارضي انا شو موقفي وقتها. الباشا : انتي شو بدك بهالحكي مو عكيفو بدو يوافق غصب عنو وانتي كمان رح توافقي غصب عنك. بدور، صارت تبكي وهي خايفة : وليش لتجبرني انا شو دخلني وليش انا مو غيري. الباشا : هيك انا بدي وحدة حلوة لحتى اكسرلو عينو مابدي وحدة بشعة يصير، يعترض فهمتي ليش انتي مو غيرك . بدور : بس انا ما بتجوز حدا غصب عنو ازا ماكان بدو اياني من كونو وبرضا مارح اخدو. الباشا : لا تعارضيني هالشي مو لصالحك وصالح جدك. بدور وعم تمسح دموعها : وشو دخل جدي. الباشا : ازا مابتوافقي بقطع الدوا عن جدك وانتي بتعرفي شو يعني اقطع الدوا عنو. بدور : لا ياباشا الله يوفقك كل شي ولا ادوية جدي انتي بتعرف انو الدوا اللي هون مو جايب معو نتيجة. الباشا : انتي حرة القرار الك يابتوافقي عزواجك من الباشا الصغير او بقطع الدوا عن جدك.... بعدين في وحدة عاقلة جاييتها هيك فرصة تكون مرت الباشا وبتقول لا انتي كيف بتفكري اه. بدور : عم فكر بكرامتي انو رح اتزوج من واحد مابيعرفني وبجوز مايوافق علي مابتهمني المصاري والجاه بهمني عيش بكرامة مع رجال يكون حاببني وكون عاجبتو ومقتنع فيي كزوجة الو. الباشا : هاد الحكي حكي فلسفة وما بيمشي حالو معي قرري ورديلي جواب. بدور عم تبكي وفكرت بجدها مو بحالها واخيرا جاوبت وهي محروقة على حالها 😥: متل مابدك ياباشا..... بس لا تقطع الدوا عن جدي. الباشا : اكيد لأ بماانك وافقتي فتأكدي انو رح يستمر علاج جدك....ويكون بمعلومك بك، ة الصبح رح ينكتب كتابكون وتروحي معو عالسرايا تبعو يعني جهزي حالك من بدري ماشي. طلعت بدور من عندو عم تبكي ومحروق قلبها انو رح تتزوج من رجال بجوز مايقبل فيها وازا قبل غصب عنو يعني مو عن قناعة. دخلت لعندًجدها وشافها عم تبكي سألها : خير بنتي ليه عم تبكي شو صار معك شو بدو الباشا. بدور اخدت نفس عميق وتمالكت حالها : عرض عليي اتزوج الباشا الصغير مابعرف ياجدي ليه هيك بدوالباشا وقال انو بجوز يجبر الباشا عليي ازا ما وافق شو رأيك انت. جدها : ازا مو مقتنعة ومابدك ماتوافقي وازا حتم الامر بنترك الشغل هون المهم انتي ماتكوني زعلانة. بدور اتزكرت كلام الباشا وانو رح يقطع الدوا عن جدها فضلت انها تعيش مع رجال مابحبها ومو قبلان فيها ولا انها تخسر جدها اللي رباها واللي بتحبو اكتر من اي شي بالدنيا. بدور : لا جدي انا ماعندي مانع وعلى قول الباشا معو معو بيتعود عليي ورح يحبني. جدها : يعني بنتي انتي اكبد موافقة والا في شي مخبيتي عليي. بدور : لا جدو حبيبي ماتهكل همي انا منيحة وموافقة خلص الباشا قلي بكرة كتب الكتاب بس اللي مزعلني اني بكرة رح روح مع الباشا عسرايتو وانا مابدي اتركك. جدها: لا بنتي معروف انو الوحدة بس تتزوج بتتبع زوجها لو بروح عالصين لازم تروح معو. المسا اجا الباشا طارق وبعت ورا جدو وقعدو وحكو شوي وبعدين قلو انو بدو يجوزو. طارق : نعم جدي مين قال اني بدي اتجوز هلا انا مومفكر بالموضوع حاليا بدي لحتى لاقي البنت اللي اختارا انا وحس انها عم تكملني بكل شي الشغلة مو لعبة. الباشا : وانا قررت وخلصت واخترتلك العروس ومشي الحال وانتي بتعرف قراراتي مابتراجع فيهون صح. طارق : بس ياجدي هاي حياتي انا وانا اللي بقرر متى اتزوج ومين اتزوج. الباشا: يعني بدك اطلع ولد قدام الجماعة. طارق : كمان صرت متفق ومخلص كل شي. الباشا عصب زيادة لانو طارق عم يجادلو وقلو : انا قلتلك انو قراري مافيو رجعة. طارق : وانا ماني موافق. الباشا: ماشي الحال لا توافق بس لا تحلم يبقالك شي عندي. طارق : كيف يعني ماعم افهم. الباشا : يعني سرايتك مارح تبقى ملكك ورح احرمك من كل شي. طارق جن جنانو : ليش ياجدي مشان شو كل هاد ليه هيك عم تعاقبني على شو انا بشو ازنبت. الباشا: بس مخالفتك الي هي لحالها رح تكلفك كل شي بقى كيف وانتي مولدن وطايش وماعم تعرف مصلحتك ومركزك كباشا صغير وخليفة لألي. طارق : ماعم سدء انك عم تعامل حفيدك الوحيد بهي الطريقة انت بتعرف منيح انو انا كلو بهون قدام زكرياتي بالسرايا مع امي وابي واخي الله يرحمهن ليه بدك تحرمني وتبعدني عنهن. الباشا: مشي معي متل مابدي وكل شي بدك اياه رح يضل الك وعطول وزيادة كمان. طارق كان الو زكريات مع امو وابو اخو بالسرايا تبعو وماحب انو يخسرهن وهلد اللي كسرلو ضهرو مو مشان الورتة او اي شي تاني بالعكس هو بحب جدو الباشا كتير كتير. الباشا: اي.... شو طلع معك. طارق: .....خليني فكر. الباشا : انتي حر فكر براحتك بس احسب حساب انو رح يختفي كل شي بس بكلمة لأ منك.... اما ازا قلت اي كل شي رح يكون ملكك بكرة الصبح مع العروس. طارق : بكرة.... بهالسرعة هي. الباشا : اي وبكرة بعد الكتاب رح تاخدها معك عسرايتك. طارق ساكت ومقهور ماعم يعرف شو بدو يقول. طارق : طيب مسموحلي فكر لبكرا والا لأ . الباشا: متل مابدك بس للصبح. راح طارق على غرفتو وكان مزعوج كتير من موقف جدو وما توقع انو ممكن يجبرو على هيك شي ابدا . وهو قاعد بغرفتو عم يفمر بالموضوع اتصل فيه رفيقو الاغا نادر وحكالو طارق على كل شي. الآغا نادر كان زكي كتبر كتير يعني زيادة عن اللزوم وفوق هاد كمان دارس علم نفس ..نصحو وقلو لطارق انو يوافق على طلب جدو الباشا ومايعمل معو مشاكل لحتى مايخسر كل شي بحبو وخصوصي زكرياتو بالسرايا وانو بس يتزوج بعد فترة بيتركها للعروس بحجة انهن ماتفاهمو مع بعض . اقتنع طارق من الآغا لان بيوثق برفيقو كتير . مع هيك طارق ماعرف ينام بنوب ورن موبايلو مرة تانية وكانت صوفيا بنت آغا كبير بكون صديق الباشا الكبير وبتحبو لطارق كتير وهو ماكان يطيقها بنوب . طارق : اي صوفيا . صوفيا : كيفك حبيبي شو لساتك سهران لهلأ والا عم تفكر بالعروس . طارق عدل قعدتووبالسرير : اي عروس . صوفيا : الباشا حكىى لبابا كل شي وقال رح تتزوج بكرة مزبوط هالحكي . طارق رجع راسو لورا مخنوق ومتدايق وفوق منها اجتو صوفيا لتسملو بدنو بتعليقاتها ومسخرتها السخيفة . طارق : طيب صوفيا صح عرفتي شو بدك هلأ . صوفيا : اللي عرفتو انك متدايق وحبيت خفف عنك شوي طيب جدك ليه هيك عم يعمل فيك باينو خرفن مو هيك . طارق : صوفيا احترمي حالك اللي عم تحكي عنو بكون جدي وهو كل شي لألي بالدنيا فهمانة وما بسمح لأي حدا انو يغلط بحقو . صوفيا : مع انو بدو يجوزك غصب عنك . طارق : انتي مادخلط اطلعي منها وكل شي بينحل اي . وسكر الخط بوجه صوفيا ورجعت رنت مرة واتنين ومارد عليها . الصبح فاق طارق عصوت جدو عم يفيقو وكان متدايق ومو نايم منيح وقلو يجهز حالو لأن الشيخ صار بالسرايا. بدور كانت عم تجهز حالها ودموعها ماعم تفارق عيونها لكن انحطت تحت الأمر الواقع . اندق باب غرفة بدور ودخلت لعندها صوفيا وكانت اول مرة بيلتقو ببعض صوفيا انصدمت وقت شافت بدور انها حلوة كتير وفيها كل الصفات ياللي بتخلي اي رجال يعجب فيها . صوفيا : صباح الخير ياعروس . بدور : عفوا مين بتكوني . صوفيا : انا بنت الأغا بدر الدين جيت لحتى باركلك انك رح تتزوجي رجال متل الباشا طارق طبعا هي فرصة اجتك على طبق من دهب . بدور حست انو في شي من الحقد والغيرة بكلامها ونظرةوخبيثة كتير . كملت صوفيا : انتي شو اللي خلاكي توافقي على هيك جوازة . بدور : هيك الباشا الكبير بدو وانا ماقدرت قلو لأ لأن في اتفاق بيني وبينو . صوفيا : اي قصدك مقايضة يعني انتي بتعطي شي وهو بيعطيكي شي مقابيلو مو هيك ......امممممممم فهمانة عليكي اكيد اي وحدة زكيةةمتلك رح تقبل بهيك عرض ومارح ترفض هيك شي بكفي انك رح تكوني مرت الباشا الصغير حسبتيها صح انتي ماا. صارت صوفيا تتفتل حوالين بدور وتتطلع فيها من فوق لتحت وصارت تخوفها : بتعرفي انو طارق ناوي يشوهلك وشك الحلو هاد لأنو كتير حاقد عليكي لأنو جدو الباشا جبرو عليكي . بدور خافت وقالتلا : شو قصدك كيف يعني رح يشوهلي وشي . صوفيا بنظرة خبث : هو حالف بس يشوفك الا يحرقك بمية النار لهيك اوعك تبيني عليه بنوب وازا بدك رأيي ماتوافقي من الاساس عالجوازة ومارح ينقص عليكي شي واللي بدك اياه انا بساعدك فيه بس اناي قولي للشيخ انك مو موافقة . بدور : والباشا الكبير والاتفاق اللي بيني وبينو بخاف ينتقم مني ومن جدي اني كسفتو قدام الشيخ والموجودين . صوفيا : ماتخافي انا بوعدك الا ساعدك وازا قلعكو انا بشغلك عندي وانتي حرة اختاري اما حريتك واما بتضلك اسيرة عند طارق ويحرقك . بدور خافت كتير وقررت تعمل متل ماقالتلها صوفيا وقالت انو مالازم تتجوز من رجال مابدو اياها وانو وعدتها صوفيا الا تساعدها . بعد شوي اجا جدها لبدور وقلها انو الباشا ناطرها بصالة الاستقبال . راحت بدور مع جدها للعند الباشا ولمحت الباشا طارق قاعد وحاطط راسو بالأرض وكانت صوفيا موجودة والأغا بدر الدين والباشا الكبير والشيخ . دخلت بدور ورجل قدام ورجل ورا وحست كانها داخلة على اعدام مو على جواز . بلش الشيخ وبدور رفعت عينها واتطلعت بطارق ياللي ماكلف حالو وعطاها لو نظرةةوحدة ليتفحص شكلها . اجى وقت الشيخ ليسأل طارق وقال انو موافق وعينو عجدو عم يستعطفو انو يغير رأيو بس ابدا مافي مجال وسأل بدور وتوقعت انها رح تقول انها مو موافقة وتزكرت كلام الباشا وقت قلها عن ادوية جدها وخافت على جدها كتير واخيرا قالت انها موافقة . هون صوفيا جنت لما سمعت موافقة بدور وزورتها لكن بدور فكرت بجدها اول شي . طلعت بدور من الصالة ولحقتها صوفيا ومسكتها من ايدها : انتي مجنونة شوواللي عملتي . بدور : انا اللي عملتو كرمال جدي . صوفيا : انا قلتلك اني رح ساعدك بس انتي وحدة غبية واستغلالية يلا القي ازا بتلقي ياحلوة شو رح يعمل فيكي طارق . راحت صوفيا لعند طارق وصارت تحشي براسو كلام وقالتلو : انتي شفتها لعروستك . طارق : صوفيا مشان الله مووناقصك انا حلي عني كرمال الله ماشفتها ومابدي شوفها . صوفيا : يعني مالمحت ولو بالصدفة . طارق عصب وقلها : قلتلك لأ لأ ماشفتها ولا لمحتها لشو بدك توصلي . استغلت صوفيا هالشي لصالحها وقالتلو : انا شفقانة عليك انو جدك جوزك لوحدة بشعة وعبدة وخدامة متل هالبنت . طارق : ليش انتي من وين شفتيها . صوفيا : شو باك طارق ماانا كنت موجودة معكن وقت الكتاب......يييييييي الله يعينك شلون بدك تتصبح وتتمسى بهيك شوفة الله يكون بعونك . طارق : ليش شو بها . صوفيا : عد معي سودة متل الفحم وقصيرة كتير ومكعبلة متل الطابة وشعرها متل الفلفل شو بدي قلك لألك . طارق ضل مصدوم انو شو هالعقاب ياللي استحقو من جدو . طلع طارق بسيارتو وطلب من السواق ياخد بدور بسيارة تانية ويلحقو عالسرايا تبعو . كانت المسافة طويلة شوي بين السرايتين . ضل طارق طول الطريق سايق وما وقف ولا مرة وبدور ورا بالسيارة التانية . وقت وصلو سراية طارق كانت حلوة كتير بس اصغر والخدم فيها اقل وكل شي فيها كان بسيط وحلو . نزل طارق وراح عالسرايا وترك بدور لحالها . نزلت بدور من السيارة واجى واحد من الخدم واخد شناتيها واجى ورا رئيس الخدم (عادل) اتطلع ببدور وقلها شرفي معي . راحت بدور مع عادل على طابق للخدم ودخلت على غرفة فيها سراير تنين عطاها عادل رسالة وقلها هي من الباشا طارق . راح عادل وضلت بدور لحالها بالغرفة وكانت خايفة تفتح الرسالة لتعرف شو فيها واخيرا استجمعت قوتها وفتحتها وكان مضمون الرسالة ......... ليكي ازا مفكرة انك ملكتيني بتكوني غلطانة كتير انا مارح كون الك لا هلأ ولا بعدين وازا بلمحك مارح ارحمك بنوب شو فهمتي انتي انفرضتي علي وانا مابحب الناس اللي متل العلق عم يمصو بدم الناس والغرفة اللي انتي هلا فيها رح تكوني مكانك على طول ورح اتضلي خدامة بسراية جدي وهون كمان .....واياكي تخبري حدا باللي بيربطني فيكي وياويلك ازا بسمع حكي من حدا . بدور كانت عم تقرأ وتبكي وحمدت ربها على كل شي عم يصير معها . قضت يومها كلو عم تبكي على حظها وانو ليه هيك عم يصير معها ..... المسا اجت البنت يالللي بتشاركها بالغرفة تعرفت عليها وكانت حبابة كتير . تاني يوم اجاها عادل ليقلها انها لازم تبلش بالشغل وعطاها تياب الشغل وعطاها محلها وانو وين لازم تكون عم تشتغل. راحت بدور مع عادل وكان شخصية ملتزمة والكل بيحسبلو حساب شخصية قوية جامد مع كل الخدم ماعندو مزح بالشغل مابيتهاون مع حدا ازا بيغلط بيضاعفلووالشغل وقتها ونبه على بدور وقلها على كل شي من البداية وهي خبرتو انها بتعرف بالتعليمات وبالشغل لأن كانت بتشتغل بسراية الباشا الكبير. عادل اسمر شعرو خروبي عيونو حلوين كان وسيم كتير وكانت قسوتو باينة عليه . عادل : انتي ليش تركتي سراية الباشا الكبير . بدور : هيك بدو الباشا مع اني كنت حابة كون مع جدي بس هيك صار ومافيي قلو ليش ولأ . كان عم يتفحصها عادل بكل تقاسيم جسمها . بلشت شغل وتعرفت على كل اللي بيشتغلو معها من شباب وبنات وكان الكل حباب وودود معها وحذروها انو تغلط بأي شي لأن شغلها رح يتضاعف من عادل بجوز الباشا مو متشدد متل عادل . مرق اسبوع والتاني والتالت وبدور اخدت عالوضع وتعودت عكل اللي معها وحفظت كل شي لكن كان عادل عينو على طول عليها . بدور : وفاء بدي اسألك . وفاء : اي بدور شوفي . بدور : هاد الريس عادل ليه هيك عم يراقبني كل الوقت . وفاء : عادي الريس عادل وقت بيجي حدا جديد لهون بخلي تحت المراقبة وقت . بدور : يعني لأيمت رح ابقى تحت المراقبة هيك الي اكتر من تلات اسابيع وهو على هالحال حاسستو عم يربطني . وفاء : ليكي معك حق انو بيراقب بس مافي بالعادة تقعد المراقبة اكتر من عشر ايام بس انتي طولت شغلتك الله اعلم شو السبب ..... بدور : هو متجوز والا شو حالتو . وفاء : لأ مو متجوز . بدور : طبيعي مايلاقي وحدة تقبل فيه عالعقدة اللي بين عيونو مارح يلاقي عنزة تقلو اي . صارو البنات يضحكو وحس عليهن عادل وراح لعندهن . عادل : ضحكوني معكن .... بدور : ااااه لا مافي شي بس قلتلها نكتة لوفاء والا الحكي ممنوع كمان بالشغل . عادل زورها لبدور انو كيف بتحاكي بهالطريقة . عادل : لأ مو ممنوع بس وقت بدكن تضحكو يااضحكو بهدوء يا ضحكو الكل معكن اي ست بدور . بدور : اي ماشي الحال المرة الجاي....ورجعت ضحكت هي ووفاء . راح عادل وضل عم يراقب بدور مو لأنها جديدة بس لأنها كانت عم تعجبو كتير . مرق الوقت بسرعة وبدور صارلها شي خمس شهور بالسرايا والباشا ما سأل عنها ولا مرة وهي بلشت تنسى انها مرت الباشا وتعودت على هالشي . عادل : اي بدور شو مابدك تطلعي عالجمعية . بدور : امبلى بدي روح ليش بدك شي . عادل : لأ بس كنت حابب نطلع انا واياكي نشرب شي برا شو رأيك . بدور : بشوف ازا بخلص بكير بنروح . عادل : ماشي الحال بس حاولي ماتتأخري كتير اي وازا اتعرضلك هاد الزفت حسام حاكيني عطول اي . بدور : عادل ليه حاطط حطاطو لحسام والله كتير مؤدب الشب ومابدايقني متل ماعم تحس انتي . عادل عصب وحس انو صوتو عالي تلفت حوالي وقرب منها وقلها بصوت واطي : امبلى انا حاسس انو عم يتوددلك وواضح هالشي عليه انتي بريئة كتير ومابتعرفي كيف الشباب بتفكر بس انا فاهمو منيح . بدور : والله عم تزيدها كتير انت . عادل : خلص بدور انتي بتعرفي اني مابطيق حدا يتطلع فيكي ولا حدا يقرب منك ....يااختي هيك عقلي . بدور : طيب واخرتها عادل . عادل : قلتلك اخرتها وانتي ماعم تقبلي قلتلك بنتجوز وانتي اللي رافضة ليش مابعرف . بدور : وانا قلتلك اني ماعم فكر بالجواز هلأ مابدي ارتبط من هلأ واحمل مسؤوليات فوق طاقتي . عادل : وانا شو ساوي بحالي بدي كون معك وقريب منك بدي كون الك بدي المسك وضمك (اتطلع فيها بنظرة قشعرتلها بدنها ) ولك بدور بحبك بعشقك بدي اياكي الي لحالي مابدي حدا يشوفك ويتطلع عليكي . بدور : حيلك حيلك لهيك انا مابدي اتزوج هلأ لأن بعرف كيف الرجال بفكرو خلص بس تصير الوحدة ببيتو بتبطل تاخد نفس وبتصير محرمة عليها الفوتة والطلعة مو هيك سيد عادل . عادل : ولك هاد كلو من حبي الك . بدور : اي وشو هالحب اللي بدك تحبسني فيه . عادل : هلأ انتي هيك حسبتيها ليه مابتاخديها بطريقة ايجابية اني بدي ريحك من الشغل وكل شي بدك اياه بكون عندك وتحت امرك . بدور : اي مو هلأ قلتلك خليني عصفورة طيارة مابدي ارتبط بعمر صغير . عادل : اااااااااخ منك طيب هلأ متى حتطلعي . بدور : اتركني روح البس لحتى اطلع والا رح يروحو البنات وانا لأ . عادل : ماشي حبيبي ماتتأخري علي . راحت بدور وهي ماشية ندهلا عادل التفتتلو وعطاها بوسة عالهوا . وهي عم تلبس اتزكرت لهفة واهتمام عادل فيها ونظرات حسام لألها وكيف انو الباشا مافكر حتى يسأل عنها سؤال ويقلها شووبدك او شو ناقصك . بكت بدور لتورمو عيونها ...اخدت نفس طويل وغسلت وشها وراحت مع البنات عالجمعية لتشتري اغراض لألها وبعدين حاكاها عادل وقلها انو ناطرها بالكافيه اللي جنب الجمعية . بدور : مساالخير زمان الك ناطرني . عادل : انا من زمان ناطرك . بدور : عادل .....انا عم احكي عن هلأ . عادل : وانا عم احكي عن اول مرة شفتك فيها وقت اجيتي من سراية الباشا الكبير. غصت بدور وقت سمعت بالسيرة وبان عليها انها اتدايقت . عادل : شو حبيبي انا حكيت شي دايقك انا اسف ماقصدت . بدور : لا عادل مافي شي بس اشتقت لجدي كتير الي خمس شهور ماشفتو . عادل : طيب ليه مابتروحي تزوريه . بدور : اااااااه لا صعب شوي انت بتعرف انو مو سهل الواخد يروح لهونيك صح . ماعرفت بدور شو بدها تقول لعادل انو كيف بدها تروح لهونيك ويشوفها الباشا الكبير ويسألها عن طارق ومن هالحكي . شربو القهوة وبدهن يرجعو عالسرايا ..وهنن بالطريق اتفشكلت بدور بحجر ووقعت عالارض . عادل : ياساتر شو صرلك بدور . بدور عم تبكي موجوعة اخدها عادل عالمستوصف القريب من السرايا شافها الدكتور وطلب صورة لرجلها مع انو متأكد انو بس رضة الا انو عادل اصر عالصورة ليتطمن على بدور وسلامة رجلها . وقت طلعت الصورة كانت رضة بس قوية كتير اجى الدكتور ليربطلها رجلها ومسك رجلها وطار عقلو عادل لأنو الدكتور مسكها قلو خلص انا بربطلها اياها قلو الدكتور انو هي مو شغلتو ولازم تنربط بشكل معين يكون مناسب لوضع رجلها . بقي عادل واقف على جنب والغيرة عم تاكلو وهو شايف الدكتور ماسك برجل بدور وعم يحكي معها ويتطلع فيها ..من كتر غيرتو بفكر انو ازا اي حدا بيتطلع فيها معناها حاطط عينو عليها هيك عقلو بقلو . ثامت بدور لتمشي ماعرفت تمشي لحالها سندها عادل وتعكزت عليه لوصلت للشارع واخدو سيارة وطبعا عطاها الدكتور موعد للمراجعة . وصلت بدور على غرفتها وكانت تعبانة كتير وطلب منها عادل اتضل مرتاحة وانو تاني يوم ماتنزل عالشغل . بقيت بدور وقت طويل بغرفتها لحالها وعم تفكر بطارق وصارت تبكي لأنها شافتو وقت نزلت من السيارة مع عادل كان نازل مع رفيقو الاغا نادر وداخلين عالسرايا حست بدور لما شافتو بقلبها كان رح يفز من مكانو لأن كانت بتعرف انها بتحبو وكتير كمان مع انو ماالتقت فيه ولا مرة وما شافها ولا مرة بس حست انها بتحبو ليش وكيف مابتعرف . غمضت بدور عيونهاوصارت تتخيل حالها معو وانهن مبسوطين مع بعض وانو ببادلها نفس المشاعر ويركضو بساحات السرايا ويرشو عبعضهن المي ويحملها ويدور فيها ويقلها انو بحبها كتير . فتحت عيونها وبكت كتير لما تأكدت انو حلم مو واقع . المسا رجع لعندها عادل ليتطمن عليها وكانت نايمة وقالتلو وفاء انها كانت تبكي كتير وفكرو انو من الوجع اللي برجلها لكن بكت كتير من الوجع اللي بقلبها واللي جرحلها كرامتها . راح عادل لعند الباشا لأن بعت وراه . عادل : امرك ياباشا . طارق : عادل بدي اياك تروح بكرة لعند جدي عالسرايا وتجبلي من عندو سندات الاراضي اللي بدو افرزلو اياهن هون وبطريقك بتعطي هاد الملف . عادل : ضروري روح انا ياباشا . طارق : وشو وراك سيد عادل . عادل : لا ياباشا ماوراي شي اكيد بس مشان شغلي هون لحتى مايفلتو الخدم ويقصرو بشغلهن . طارق : عادي حط حدا محلك يكون ثقة وياخد بالو من الشغل . عادل : مابيمشي الحال ياباشا. طارق : عادل شو باك انت بتعرف اني مابثق بحدا غيرك يوصل هيك اوراق ليه هيك متلبك وحاسس انك مخبي شي . عادل : خلص متل مابدك ياباشا امرك . تاني يوم من بكير راح عادل يشق على بدور ويخبرها انو رايح لسراية الباشا الكبير. ☞  𝓜𝓿𝓫𝓽𝓪𝓮𝓲𝓭𝓲𝓷 💚𝓔𝓝 💚 𝓪𝓵𝓪𝓵𝓪𝓶 ☜ بدور : جد عادل سلملي على جدي كتير وعطي هي الرسالة وان سألك عني قلو اني منيحة كتير ومبسوطة كتير اي. رن موبايل عادل وقلها انو الباشا طارق عم يدقلو . عادل : صباح الخير ياباشا . طارق : صباح النور شو شمستك عالية وينك لهلأ مو عأساس تجيني بكير وينك . عادل : على عيني ياباشا يلا دقيقة وبكون عندك . بدور كانت سامعة صوت طارق من سماعة الموبايل ودمعو عيونها ورجف البها بس من سمعت صوتو كيف لو شافتو من قريب قالت بحالها . عادل : انا بدي روح هلأ بدك شي جبلك معي شي . بدور : لأ سلامتك بس كترلي من السلام عجدي . راح عادل وانفجرت بدور بالبكى وحست قديه بتحبو للباشا وخصوصي لما سمعت صوتو . وصل عادل للسرايا ومالاقى جدها لبدور وسلم الرسالة لرجال بكون صاحب جدها وقلو يعطي اياها وقت بيرجع . بعد يومين قامت بدور تمشي شوي وطلعت عالحديقة تبع السرايا ولمحت طارق كان واقف مع عادل وكانت قريبة منو لتشوف جمالو من قريب وحست انووجمالو مغطي المكان وانو احلى من الطبيعة والورد والشجر الموجود بالمكان . كانت عم تتأملو لتحفظ ملامح وشو منيح . شافتو وهو رايح وعم يركب سيارتو كان احلى شب واحلى شخصية شافتا بحياتا. بعد كم شهر زيادة وكانت الا بسراية الباشا طارق شي تسع شهور ملت وزهقت واشتاقت لجدها كتير وكانت عم تستنى بصوفيا لتلاقيلها حل متل ماوعدتها لكن مااجت ولا اتصلت وقررت بدور واخيرا انو ترجع لعند جدها وتترك السرايا تبع طارق . بيوم الصبح استجعت قوتها وطلبت من عادل ياخدها لعند الباشا طارق . عادل : مرة وحدة بدك تشوفي الباشا شو بدك منو انا بقلو . بدور : لا مابدي انت تقلو انا بدي احكي معو مباشرة . عادل : طيب فهميني شو بدك منو . بدور : عايزتو بخدمة . عادل : طيب قليلي شو هيي . بدور : هي هي علينا هلأ انت بطلع بأيدك تاخدني لعندو والا شوف غيرك . عادل شافها كتير مصرة قلها: طيب خلص بس خليني روح شوفو فاضي والا مشغول . كانت بدور مجهزة اغراضها ومو لابسة تياب الشغل كانت لابسة طقم بنطلون اسود وجاكيت اسود قصير عليه وتحتو بروتيل ابيض وكندرة سودة كعب عالي وتركت شعرها مفرود عكتافها . الشي اللي خلاها تتجرأ وتروح لتحكي مع طارق انو ماعاد بدها تبقى متخبية طول الوقت وكأنها مجرمة وهاربة وقالت بحالها انو الباشا بدو يحرقها بميةةالنار ازا شافها بس هي هلأ مو جاية لتزكرو باللي بينهن هي جاية لحتى تطلب منو انو يتركها تروح بحالها ويعطيها حريتها مع انها بتعشقو وبرضو بتحب اتضل حافظة كرامتها وقالت انو لهون وبكفي . رجع لعندها عادل بعد شوي وقلها انو حظها حلو وانو الباشا موجود عم يشرب القهوة مع الاغا نادر . بدور : قلتلو اني بدي شوفو وشو قلك . عادل : اي قلتلو في وحدة من اللي بيشتغلو هون بدها تحكي معك بموضوع ضروري وقلي خليها تجي . بدور : قلتلو على اسمي . عادل : لأ مو انتي هيك بدك . بدور : اي اي منيح . راحت مع عادل لعند طارق وكان البها رح ينفجر من كتر مادقاتو طايرة وكانت مبسوطة انو رح تشوفو وتحكي معو وحزينة لانو رح تقلو انو يتركها تروح وانو مارح تشوفو بعديها وخايفة من ردة فعلو بس يعرفها . وصلو لعند جناح طارق ودق عادل الباب وفتحو وقت سمع صوت طارق عم يقلو يدخل . عادل دخل لعند طارق وقلو انو البنت ناطرة يسمحلها تدخل لعندو . طارق : خليها تتفضل . عادل طلع لعند بدور وقلها تدخل لعند الباشا . بدور كانت رح يغمى عليها من كتر الخوف والرهبةةاللي حاسة فيهن . دخلت وصارت تتطلع حواليها ودخل عادل معها ومشيو لعند الباشا كان قاعد مع الاغا عم يشربو قهوة . بدور : ص ص صباح الخير . طارق والاغا : صباح الورد . اتطلع طارق ببدور من فوق لتحت وحس بشي غريب ناحها وكان باين من نظراتو انها عجبتو كتير . طارق اتطلع بعادل وقلو : اي عادل بدك شي البنت ووصلتها فيك تروح . طلع عادل وضلت بدور واقفة ومو شاعرة ازا الارض شايلتها والا طايرة عنها . طارق : تفضلي اقعدي . بدور : مابصير ياباشا . طارق : ليش مابصير يعني ممنوع تقعدي . بدور : لأ مو هيك بس بس مابصير اقعد قدامك ياباشا مشان مقامك . طارق ضحك وقلها : اي شو هالحكي معقول نحكي وانتي واقفة مابصير اقعدي لنعرف نحكي . قبل كل شي شو بتحبي تشربي . بدور : ولا شي سلامتك . طارق : مابصير لازم تشربي شي . بدور : اي شي مابتفرق . طارق : قهوة منيح . بدور : اي . طلب طارق القهوة لبدور ورجع اتطلع فيها باهتمام . طارق : هلأ انتي بتشتغلي هون خدامة . بدور : اي ياباشا . الآغا نادر : مو باين عليكي . بدور : عفوا يااآغا وكيف بدو يبان عليي . الآغا : لا العفو مو قصدي بس لبسك واناقتك وزوءك باللبس والكلام بيدلو انك بنت راقية. 📌قصـ📚ـص مبتعدين🎀عن العـ🌏ـالم ✧═══════•❁❀❁•═══════✧ 🏠بيت بلا كتب جسد بلا روح💔 ✧═══════•❁❀❁•═══════✧ ☞ 𝓜𝓞𝓱𝓪𝓶𝓪𝓭 ☜ 💚☞ 𝓜𝓞𝓱𝓪𝓶𝓪𝓭 ☜ قُنِآهّ خَأّصٌ بِنِشٍر أّلَقِصٌصٌ وِأّلَروِأّيِّأّتّ📚 لََّسنِأّ أّلَوِحٌيِّدِوِنِ وِلَګنِنِأّ أّلَأّروِعٌ وِأّلَأّفِّضّلَ🎉 نِبِدِعٌ وِنِتّمَيِّزِّ مَهِمَأّ حٌأّوِلَوِ تّقِلَيِّدِنِأّ فَِّّسيِّفِّشٍلَوِ😎