🍃قِصٌصٌ💥 مَبِتّعٌدِيِّنِ🌹 عٌنِ أّلَعٌأّلَمَ🌍 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* القراءة غذاء الروح والعقل🧠 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* *❴📖❵↵*بين.ماضي.وحاضر.tt 🙂 *❴🔢❵☟الـــبـــــــــــ❴2️⃣ولاخيررر❵ــــــــــــارت☟* 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🍃💥مبتعدين🌹 عن🔥 العالم🍃🌍 https://whatsapp.com/channel/0029VaFcFDSHrDZp5tqeeu23 ☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ 〰️〰️〰️〰️〰️〰️〰️〰️〰️〰️ بدور : يعني الواحد احيانا بيكون راقي بفكرو مو بس بأصلو . الآغا : حلووو معك حق والله . كانت عم تركز اهتمامها ونظرها بطارق وهو كمان ماعم يقصر كل شي فيها تفحصو بدقة . طارق : تفضلي عادل قلي انك بدك خدمة مني . بدور : اي ياباشا . طارق : تفضلي وان شاء الله اقدر ساعدك. بدور : مافي حدا غيرك بيقدر يساعدني ياباشا . طارق : طيب منيح تفضلي عم اسمعك . بدور بلعت ريقها بالأول واحمرو خدودها قبل لتحكي اتطلع كارق ونادر ببعض انو ليه هيك متلبكة وخجلانة تحكي . طارق : شو كل هالقد الموضوع برعب لحتى خجلانة وخايفة تحكي. بدور : بصراحة ياباشا.....انا جاية لهون لحتى لحتى ...... طارق حس انها مابدها تحكي قدام الآغا . طارق : انتي خجلانة تحكي قدام الآغا ماا. بدور: لانو الموضوع بخصك كمان ياباشا. طارق : بخصني الي ....شو هالموضوع هاد شووبدو يكون وازا بخصني احكي قدام الآغا لأنو بيعرف عني كل تفاصيل حياتي . بدور : كل شي كل شي . طارق : اي كل شي . بدور : اي ماشي الحال...باشا انا بدي تعطيني حريتي . طارق صفن شوي وضحك : حريتك !ليش انا آسرك عندي هون ليه انتي عصفور بدو حريتو. نادر : طارق اتركها توضح كلامها . بدور اتطلعت بنادر وبطارق وقالت : قصدي بدي .....اتطلقني لأقدر ارجع لعند جدي . طارق بحلق عيونو وقت قالتلو هيك واتطلع بنادر ورجعلها : طلقك !من مين ؟ بدور : انت اتطلقني منك . طارق : شو انتي جاية تتبليني ..وانا لما شفتك قلت باين عليكي محترمة وآدمية بس يبدو انو المظاهر احيانا خداعة . بدور : لأ ياباشا لا والله انا مو جاية اتبلاك ولا شي . طارق عصب وعلي صوتو عليها وبدور نشف دمها وحست بدوخة من كتر الخوف . نادر : طول بالك طارق خلينا نفهم من البيت عن شو عم تحكي . طارق : شو بدك تفهم مو سمعان شو عم تحكي انا من وين بعرفها لتقلي طلقني انا اول مرة بشوفها . نادر : طيب روء وخلينا نفهم من البنت ليك كيف خافت وجمدت . عفوا ياانسة انتي من وين بتعرفي للباشا لتحكيلو يطلقك . بدور وخي مرعوبة : عطيني الأمان بالأول ياباشا . طارق 😡😡😡😡: عليكي الأمان . بدور : انا اجيت لهون من تسع شهور معك ياباشا وقت انكتب كتابنا بسراية الباشا الكبير . طارق : انتي شو عم تحكي . بدور : خدني بحلمك ياباشا .. انتي مو تجوزت من تسع شهور بسراية الباشا الكبير من خدامةةعند جدك . طارق صفن فيها : انتي شو عرفك بهالحكي . بدور : كيف شو عرفني بهالحكي ماانا هي البنت اللي كتبت كتابك عليها انا بعرفك بس انتي مابتعرفني . نادر : معلش رتبيلنا الأحداث شوي شوي لتقدر نربطها ببعض . طارق : انت شو عم تحكي نادر هي بتعرف بموضوع جوازتي وجايي تبتزني . نادر : طارق هدي اعصابك خلينا نفهم منها شو اللي عم تحكي ومن وين عرفت وشو بدها . بدور : لا ياباشا انت فهماني غلط انا مو جاية لا ابتزك ولا هددك ولا اي شي من اللي بيخطر ببالك انا جاية بس لحتى تعطيني حريتي وانا بعرف انك ناوي تحرقني وقت تشوفني بس انا والله (وصارت تبكي )والله مابدي منك شي ورح روح وريحك مني عطول . طارق :هلأ بدك تحكي شو بتعرفي عن هالموضوع والا بخليهن يقلعوكي . بدور : رح قلك كل شي من البداية ...بالبداية طلب مني الباشا الكبير انو اتزوج منك واجيت الصبح مع جدي عصالة الأنتظار وكنت موجود حضرتك والباشا الكبير والشيخ والأنسة صوفيا كانت وابوها الآغا بدر الدين ....ومارفعت عينك ومااتطلعت انت فيني وطلبت من السواق ياخدني بسيارة تانية ورحت انت بسيارتك . طارق : كل اللي قلتي مزبوط بس مو انتي البنت اللي انا اتزوجتا . بدور : عفوا كيف مو انا ياباشا لكان مين . نادر : كيب عندك دليل انك هي نفس البنت . بدور : وقتها لما اجيت لهون اجى لعندي واحد من الخدم واخد شناتيي عغرفة الخدم واجى الريس عادل ووصلني وعطاني ورقة منك (وقالتلو شو مضمون الرسالة). طارق : كل اللي قلتي مزبوط بس مو انتي هي البنت مووانتي . بدور : كيف مزبوط ومو انا كيف يعني . طارق : انتي شو اسمك . بدور : اسمي بدور مصطفى اسعد . طارق اتطلع فيها وقال لنادر: نفس الأسم طيب معك هوبة شي يثبت انك انتي البنت اللي انا انبليت فيها . بدور طالعت هويتها وعطتو اياها . شافها وضل مصدوم وعم يقول : كيف هيك بس انتي مو هيك شكلك مو هيك . بدور جنت : كيف يعني مو هيك شكلي ليش انت بتعرفني . طارق قام ليجيب ورقة عقد الزواج ليتأكد من الأسم . ولما رجع بدور خافت ورجعت لورا . طارق : ليه هيك خفتي واصفريتي . بدور : جبت ميةةالنار لتحرقني ما هيك والله ياباشا انا مابدي شي بس بدي ارجع لعند جدي وقلت مابصير روح من هون بدون ماخبرك واطلب منك اتطلقني . طارق : انتي من وين جايبتيها هي اني بدي احرقك شو قالولك عني سفاح . بدور : هيك قالتلي الأنسة صوفيا . نادر : صوفيا .....لحظة لحظة طارق قلبي حاسسني انو في لعبة بالموضوع بماانو في شي ماعم يتفسر بقصتك . طارق : لعبة ! لعبة شو ؟ نادر : استنى خلينا نفهم منها شو قالتلا صوفيا بالأول ....شو قالتلك صوفيا بالزبط . بدور : اجت لعندي الأنسة صوفيا يوم الكتاب وقالتلي انو ارفض لأنك ياباشا مو موافق عليي وانو هي رح تساعدني وتساعد جدي وانو رح تاخدنا لعندهن ونشتغل انا وجدي عندهن وانا كنت خايفة كتير من الباشا الكبير وقررت انو وقت يسألني الشيخ انو ارفض وقول اني مابدي ....لكن طارق : كملي بدور : لكن وقت كتب الكتاب تزكرت جدي ومابدي الباشا الكبير يقطع عنو الدوا نسيت كل كلام الأنسة صوفيا ووافقت وهي لما شافتني وافقت اخدتني عجنب وبهدلتني وقالتلي انك تحلفتلي ازا بتشوفني الا تحرقني بمية النار وتشوهلي وشي وقالتلي انو انت مابدك تشوفني وطلبت مني اني ما ورجيك وجهي بنوب لأنك غير تحرقني ولهيك انا كنت هالفترة بعيدةةمع اني من زمان كنت بدي اجي وقلك اني بدي ارجع لعند جدي . نادر : وشو بأكدلنا انو كلامك مزبوط وانك ماعم تتبلي عصوفيا كمان . بدور : لا والله ماعم اتبلى عليها حتى هي وعدتني تلاقيلي حل وقالتلي انها رح تتصل فيني ولهلأ ماحاكتني وانا لو بعرف رقمها كنت حاكيتها من زمان . طارق : طيب انا بعطيكي رقم صوفيا تحكي معها هلأ وقدامي وهلى مسمعي . بدور : اي موافقة مو لشي بس لتتأكد اني ماعم كزب عليك . عطاها الرقم ودقتلها بدور من رقمها واخد طارق سماعةةوحطها بأدنو وبدور السماعة التانية بأدانها صوفيا : الو بدور : صباح الخير انسة صوفيا . صوفيا : اهلين مين معي . بدور : هي انا بدور ياخانوم اللي تزوجت من الباشا من تسع شهور . صوفيا : اهااااا هي انتي واخيرا ولك انتي وينك . بدور : انا بسراية الباشا الصغير ياخانوم انتي اللي عأساس تحاكيني وقلتيلي رح تلاقيلي حل مو هيك وانا لساتني ناطرتك لهلأ . صوفيا : هلأ اهم شي طارق شافك . طارق اشرلها براسو انو تقول لأ . بدور : لا ابدا ياخانوم انا مابسترجي خلي يشوفني مو قلتيلي متوعد الا يحرقني ازا بشوفني . صوفيا : اي امبلى والله ليشوهلك وشك الحلو ازا بشوفك قد مابتقدري خليكي بعيدة وماتخلي يشوفك والله ليشلوطك شلوطة . بدور اتطلعت بطارق : طيب ياخانوم قلتيلي رح تساعديني وانا لهلأ خايفةةوناطرة تحاكيني او انك تجي لهون وبالموت لقدرت جيب رقمك . صوفيا : خلص خلص بدور ولا يهمك انا رح اجي بأقرب فرصة ورح طالعك من السرايا بدون مايشوفك طارق اي . بدور : وكيف بدي اطلع بدون مايطلقني مابصير . صوفيا : انتي ماعليكي انا رح خلي يطلقك وبتشوفي كيف وقولي صوفيا ماقالت بس المهم اتتي ماتخلي يشوفك نهائيا ماشي . بدور : اي ياخانوم ماشي الحال . وسكرت بدور الخط مع صوفيا . طارق عصب كتير : الله لايوفقك ياصوفيا ولك كيف وحدة متل هي .....بتضحك عليي ولك انا طارق صوفيا تضحك علي وتستغفلني هيك . نادر : لعبتها منيح مو بس عليك وعلى هالمسكينة كمان. بدور : وانتي بشو لعبتها عليك ياباشا ؟ نادر : قالتلو لطارق انك بشعة كتير وبتخوفي وسمينة كتير وسودة فحمة وقصيرة وشعرك مفلفل وانك مرعبة لهيك طارق كرهك كتير وماسأل عنك بنوب . طارق مصدوم باللي صار : يعني لولا مااجيتيني لهون والا كملت الكلبة صوفيا لعبتها علي لك لك قريب السنة وهي مستغفليتني والله مابتروحلها . نادر : بتعرف شو هي شافتها حلوة كتير غارت منها لهيك قالتلها اوعك تورجي وجهك وخليكي بعيدة عنو وخوفتها انك متوعدلها تحرقلها وجها . طارق اتطلع ببدور وكانت خايفة كتير قرب لعندها وقلها سامحيني مابعرف انو هيك الموضوع صوفيا كزبت عليكي متل ماكزبت عليي يعني ضحكت علينا تنيناتنا بس وحياة دموعك وخوفك هاد الا بكيها دم هالكلبة . بدور : لأ ياباشا انا مابدي شي بس بدي اتطلقني لختى ارجع لعند جدي ومارح خلي الباشا الكبير يشوفني اتطمن ومارح خلي جظي يخبرو اني رجعت لعندو . طارق: ليش مين جدك . بدور : جدي ابو سليمان . طارق : ابو سليمان اللي بكون دايما مع جدي. بدور : اي ياباشا . طارق : انا لو بعرف انك حفيدتو لابو سليمان ماكان صار اللي صار . بدور : وليش شو بتفرق ياباشا . طارق : ماكنت سدقت صوفيا من وقتا لاني بعرف ابو سليمان مع كبر عمرو الا انو رجال حلو وشخصية. بدور : اللي صار صار ياباشا وهلأ انا صار لازم ارجع لعند جدي وبدي منك تخليني روح من بعد ازنك . طارق اتطلع فيها : هلأ انسيلي موضوع الطلاق شوي لحتى اخد حقي وحقك من صوفيا . بدور : قلتلك ياباشا انا مابدي شي بس بدي عيش بأمان وكمل حياتي عادي . طارق : انتي مابدك بس انا بدي مو وحدة متل صوفيا تستهبلني واسكتلا لاوالله مابتروحلا وانتي اجليلي شغلةةالطلاق شوي شو صرلك استعجلتي هيك فجأة . بدور : لا ابدا مو استعجلت بس .... طارق سرح بعيونها الحلوين وقال بصوت واطي كلو حنية : خلص لكان انسيلي اياه هلأ اي . بدور خجلت كتير من نظراتو وماعرفت شو بدها تقول . قامت لتروح وقفها وقلها : لوين رايحة . بدور : صار لازم روح عندي شغل . طارق : بدي اسالك في حدا بيعرف عن موضوعنا . بدور : لا ياباشا ولا مخلوق من طرفي بيعرف . طارق : طيب لكان خلي الموضوع بينا مؤقت اي . بدور : امرك ياباشا . راحت بدور ورجعو طارق ونادر يحكو مع بعض بالموضوع وانو كيف صوفيا ضحكت عليه. نادر : هلأ عطبني رأيك وبصراحة شو رايك بالبنت . طارق ضحك وقلو : بدك الصراحة من قبل لا اعرف مين بتكون والبنت عجبتني وخاصة هلأ بس عرفت انها ملكي ولألي انسحرت فيها وبطيبة البها . المسا حاولت بدور تنام وماعرفت ضلت تتقلب وتتزكر الباشا وخصوصي وقت قرب منها ليسمع المكالمة بينها وبين صوفيا وشمت ريحة عطرو وانفاسو كانت قريبة منها وانو قاعد جنبها هالشي اللي كانت ابدا مو متخيلتو وعشوي كانت رح تقلو انها بتعشقو . تاني يوم راحت عشغلها وحاول معها عادل بدو يعىف شو كانت بدها من الباشا ومارضيت تقلو . المسا وهنن لسا عم يشتغلو راحلها عادل معصب كتير وقلها : هلأ بدك تفهميني شو كنتي بدك من الباشا . بدور : هو هو علينا شوباك عادل قلتلك خدمة خاصة وماحد بيقدر يخدمني غير الباشا شووكل يوم بدي عيد جوابي عشرين مرة انا . عادل : طيب وليه بعت وراكي . بدور : شو كني نسيت اني انا اللي طلبت شوفو مو هو . عادل : ماعم احكي عن مبارح عم احكي عن هلأ . بدور : شو هلأ . عادل : بعت وراكي هلأ بدو يشوفك . بدور : جد عم تحكي جد عادل . عادل: اي من شوي حاكاني وقلي ابعتلي بدور تجيني على غرفتي وبدو اياكي تروحيلو . بدور عم تحكي مع حالها : بجوز جد شي بالموضوع . عادل : اي موضوع وشو الي جد . بدور : اه لا ولا شي لا تاخد ببالك رح روح شوف شو بدو . راحت بدور وكان البها عم يخفق بسرعة انو رح تشوفو عن قريب مرة تانية . وصلت لعند باب غرقتو ودقت الباب . طارق : تفضل . فتحت بدور الباب بعد مااخدت نفس طويل . بدور : مساالخير ياباشا . طارق اتطلع فيها وابتسم لما سمع صوتها وغص البو لما شافها لابسة تياب الشغل . بدور حست عليه انو مو طبيعي . بدور : خير ياباشا صاير شي . الآغا نادر كان موجود وفهم عرفيقو شو سبب قلبان وشو . نادر : مافي شي بس هو اتدايق لأنك لابسة هيك . بدور : انا اسفة ياباشا بس لأني كنت بشغلي وماحبيت اتأخر عليك بعتذر . طارق : مرة تانية لبقى تيجيني بهاللبس ماشي . بدور : حاضر ياباشا امرك ....عفوا ياباشا الريس عادل قلي انك عايزني خير في شي . طارق : اي اقعدي بالأول . بدور : كيف اقعد بتياب الشغل . طارق: عادي مافي مشكلة اقعدي . قعدت بدور وصار الباشا يحكي معها ويسألها عن اللي صار بينها وبين جدو الباشا الكبير وعرف انو ماكانت كمان موافقة عليه لأنو هو مابدو اياها وانجبر عليها وحس انها انسانة مو وصولية وطماعة على عكس اي بنت بتصحلها هيك فرصةةمين ماكانت . طبعا طارق ماكان عندو شي يحكي بس حب انو يشوفها مرة تانية وتحجج بالقصص اللي فتحهن معها وهيك انفتحت كذا سيرة ودار حديث طويل عريض بينهن واكتشف انها متحدثة متكلمة مثقفة فهمانة وواعية هاد غير الجمال ياللي بتملكو . تاني يوم المسا رجع بعت وراها عن طريق عادل وجن جنانو عادل بدو يعرف شو بدو منها الباشا واخر شي قالتلو انها بدها منو يسفرها هي وجدها من البلد ويروحو للسويد . جن جنانو عادل انو ليه بدها تسافر وتترك البلد وقالتلو انووالوضع ماكتير منيح ومشان علاج جدها ومن هالحكي . مرق اسبوع وطارق يبعت ورا بدور لحتى يشوفها واخر شي قلها انو مابدو اياها تشتغل خلص . بدور : طيب ياباشا رح اجي معك انو ماااشتغل طيب انا قدام الكل هون قاعدة بدون شغل بصفتي مين وليش قاعدة ازا مابدي اشتغل . طارق : اعملي حالك زحلقتي وانا رح اتفق مع دكتور رفيقي انو يقول بدك راحة شي عشر ايام . بدور : وخلصو العشر ايام وبعدها . طارق : بنقول انو الدوا اللي كنتي تاخدي لما زحلقتي عمللك دوخة ومابتقدري تشتغلي وبتقعدي بالفراش كمان عشر ايام تانيين . بعدين انا مابدي اياكي اتضلي مع حدا بنفس الغرفة . بدور : مافهمت ياباشا كيف يعني . طارق : يعني انتقلي على غرفة لحالك وبلاها جميلة عادل وكل يوم يستنطقك انو شو بدي منك بس للاقي حل لموضوعنا . بدور : ووين بدي اقعد ازا بدي انتقل . طارق : تعي معي . كانو قاعدين بغرفتو اخدها من ايدها وكان في صورة كبيرة كتير على طول الحيط مصنوعة من السجاد مرسوم عليها صورة ابو لطارق زاح الصورة وكان وراها باب مصعد فتحو وطلع مع بدور بالمصعد كان صغير مابيسع لأكتر من تنين . وقت ركبو بالمصعد واجى ليضغط على الزر لمس بدور وكان قريب كتير منها ولزقها كمان خجلت واجت عيونها بعيونو وضلو عم يتطلعو ببعض لوقف المصعد . كان المصعد نازل فيهن للطابق الأرضي على غرفة فيها كل شي . بدور : لمين هي الغرفة ياباشا . طارق : هي الغرفة كانت لأبي الله يرحمه كان كل مايمل من اللي حواليه والمسؤولية وحياة الباشا يجي يقعد بهي الغرفة لحالو وماكان ولا حدا بيعرف فيها لحتى كبرت انا وخبرني عنها وهاد المصعد بيطلع لغرفتي وبينزل لهون بس وماحدا بيعرف انو في مصعد اصلا ،فوق مخبى بصورة ابي وهون مخبى بهي المكتبة الصغيرة لحتى ماحدا يشتلق عليه. بدور : اي وبعدين . طارق : ولا قبلين وهي رح تكون غرفتك من هلأ ورايح وماتخبري اي مخلوق عن المصعد الموجود هون ماشي هيك بصير بنزل لعندك بدون مايحس علينا حدا وبتطلعي لعندي بدون مايشوفك حدا منيح هيك . بدور : اي والله ياباشا هيك احسن لأن عادل كتير مجنني بيضل يسأل انو ليه كتير بيطلبك وبتروحيلو وحسيتو ماعم يقتنع بالحجج ياللي عم طلعها . خلص لكان من بكرة بتجيبي اغراضك بحجة انو مابدك تقعدي بالغرفة هديك لحالك وانا رح خلي عادل هو اللي يقلك عن هي الغرفة. بدور : بس انتي قلتلي انو ماحدا بيعرف عن هي لغرفة غيرك . طارق : اي بس رح قول لعادل عنها انو ازا بيحتاجوها بس انتي لا تخبري حدا عن المصعد عم قلك فهمتي . بدور : امرك ياباشا حاضر . انتقلت بدور عالغرفة اللي قلها عنها الباشا بعد مااعطاها لعادل وبطريقتو قدر يقنع عادل انو ينقل حدا عالغرفة وهالحدا كان بدور . بعد اسبوعين كان في حفلة كبيرة بالسرايا عاملها طارق لضيوف من طرف جدو الباشاوكانو الضيوف من اهم الضيوف بالنسبة لطارق ولجدو الباشا. بلشت الحفلة وكل اللي بالسرايا اشتغلو ماضل حدا ماطلع يساعد ويقوم بواجب الضيوف عدا بدور طبعا اللي ماخلاها طارق . بالحفلة مشاريب وبوفيه مفتوح وحلويات وكل شي ،،،بنص الحفلةةطلب واحد من الضيوف انهن يحطو اغاني وسأل طارق انوومافي حدا يغني ومافي فرقة موسيقية متل ماعمل الآغا بدر الدين بالحفلةةاللي عملها بالفيلا تبعو . طلب طارق من عادل انهن يحطو اغاني وقلو الضيف انو بدهن حدا يغني قام واحد من اللي بيشتغلو بالسرايا قلو للباشا قدام الضيف انو في صبيةةصوتها كتير حلو وبتغني بشكل حلو وانو بتقدر تغني عربي واجنبي وهندي، قلو الضيف انو خليها تجي وتغني . طلب طارق انو تيجي هالبنت ويحطولها موسيقى وتغني بصوتها وتلبس مرتب كتير . فجأة طفت كل الأضاءة اللي بالحفلة وتركزت الأضاءة على مدخل طلعت منو البنت اللي بدها وكانت هالبنت بدور لكن طارق ماكان بيعرف انها هي . كانت بدور لابسةةفستان اسود باكلس طويل من ورا وقصير من قدام وعاملة شعرها كيرلي ولابسة صندل كعب اسود ومكياج دهبي واسود واكسسورات دهبية يعني طلعت متل المطربات واحلى . كانت عاطية ضهرها للضيوف وقت بلشت الموسيقى على غنية هندية كانت بدور من كتر مابتحضر هندي حافظة كتير مع اللحن والحركات والرقصات . بلشت بدور بموال صغير عالغنية ووقت بلشت الغنية ضوت الساحة عند الضيوف وطفت الأضويةةعندها ونزلت بدور تغني بعد ماسحبت وردة وعملتها متل المايكريفون مع انهن حطولها مايك صغير بفستانها لكن كانت هي مجرد حركات بس للأستمتاع ،هي ونازلة عم تغني طارق ركز وانتبه انها بدور اتطلع بنادر وضل صافن وشاف انو كيف الكل مندمج معها عالغنية واللحن وصوتها الحلو وقت خلص المقطع الأول كانت بدور عم تمشي باتجاه الباشا لما لمحتو وين قاعد . وقت راحت لعندو كانت مبلشة بس الموسيقى قلها طارق :بدور هي انتي . بدور : انتي اللي طلبتني غني ياباشا . طارق :قالولي في بنت بتغني حلو بس ماقالولي انك انتي . بدور : انا استغربت قلت ليش هيك بدو الباشا ...هلأ شو اعمل ... طارق:مابعرف . ووقتها بلش المقطع التاني من الغنية تركتو بدور وكملت الغنية مع حركات حلوة كتير وعفوية ورقصات خفيفة سحرت الكل بأسلوبها وصار الكبير والصغير يتطلع فيها بأهتمام وبأخر الغنية كان مقطع بيحكي عن العشق والجنون كانت عم تغني وهي رايحة لعند طارق وكأنها عم تقلو اللي عم غني وقولو الك انتي واخدت وردة عن الطاولة وعطتها لطارق واخر شي غمزتو وضحكتلو وصارت بنهاية الغنية اتدور وهي فاتحة ايديها لخلصت الغنية . قام الكل وبلش التسفيق واصوات الضيوف تعلى وابدو اعجابهن بالغنية والصبية اللي غنت .. راحت بدور وكانت كتير خجلانة وخايفةةتكون خبصت لكن ارتاحت وقت سمعت الضيوف سقفولها كتير. طارق بعت واحد من الخدم وقلو يحكي لبدور ماتطلع من غرفتها ولا لأي سبب لحتى يقلها هو . بعد شي نص ساعة راح طارق لعند بدور عالغرفة ومسكها وقلها: انو ليه هالحركات الملفتة . بدور : والله ماقصدت شي ياباشا بس كانت هي حركات عاديةةمع الغنية بعتذر ازا دايقتك . اتطلع فيها وعلقو عيونو عليها وانفتن بشكلها انها كانت المرة هي مميزة غير عن كل مرة وقرب منها ومسكها وضل يقرب منها لحتى صارت لزقو كتير وكان البها رح يفز من مطرحو طبع بوسة على خدها ورفع عينو فيها لقيها مغمضة عيونها وموحاسة على شي وعلى شوي كانت رح توقع بين ايديه وبهاللحظة رن موبايلو وكان جدو الباشا عم يدقلو اضطر يترك بدور وراح للضيوف وحاكاه جدو وقلو انو بجوز يجي عالحفلة ازا خلص شغلو بكير ،طارق تمنى انو مايجي لحتى مايسألو عن بدور . خلصت الحفلة وكانت روووعة كتير وقالولو انهن انبسطو كتير خصوصي وقت الغنية وتمنو لو انها تغنيلن غنية تانية لكن طارق طالعلهن حجة انو مابتقدر تغني مرة تانية . كان الوفت متأخر كتير وطارق كان متوقع انو رح يقضي سهرتو مع بدور ويستمتع بجمالها لكن تجري الرياح بما لا تشتهي السفن ... تأخر عندو كم ضيف وضلو لوقت متأخر كتير وراح لعندها قريب الفجر لقيها نايمة بقي قاعد حدها شوي وبعدين طلع على غرفتو . تاني يوم مارنلها بنوب ولا بعت وراها ولا حتى نزل لعندها انشغل بالها وكانت حابة تطلع تشوفو لكن ماكان عندها الجرأة الكافية لأن بالعادة لما بدو يشوفها يابقلها تطلعلو او بينزللها هو . بعد العصر دخلت بدور عالحمام لتاخد دوش بارد كانت مشوبة كتير وهي طالعة من الحمام تفاجأت بباب المصعد عم ينفتح ودخل طارق شافها لافة المنشفة على حالها وشعرها مبلول على كتافها راح لعندها وقلها: صرت داقلك عموبايلك شي خمس مرات وينك ماعم تردي. بدور خجلت من شكلها لأنها نص عريانة وقالتلو : كنت عم اخد دوش وتلفونو بالشحن مو سامعتو . صار يتطلع فيها من فوق لتحت ويدقق بكل تقاسيم جسمها وقرب منها كتير وحط ايديه على خصرها وصار يشم بريحتها وقرب منها وباسها وقلها انو مشتاقلها وكان حابب يسهر معها قبل بليلة لكن تأخرو ضيوفو كل هاد وهو ماسك فيها ماعرفت تنطق ولا بكلمة حست حالها مربطة مو بس بأيديه وكمان بلسانها وعقلها وتفكيرها وتركيزها استجمعت قوتها وبعدت عنو وقالتلو انو بدها تلبس تيابها . طارق قعد عالتخت ومدد حالو وقال : طيب البسي مين كامشك . بدور : كيف بدي البس وانت قاعد ياباشا. طارق : وين المشكلة صح انا جوزك وعادي لو لبستي قدامي موهيك . بدور خجلت وقالتلو : الله يوفقك ياباشا خليني البس او بروح عالحمام . ركض لعندها وكمشها منيح وقلها : مافي تلبسي بأي مكان رح تلبسي هون وقدامي .....بتعرفي انو شكلك وانتي خجلانة مني هيك ووشك احمر عم يغريني كتير . بدور : ......... اخر شي صار يضحك بصوت عالي وقلها : طيب خلص رح اتركك تلبسي براحتك رح اطلع فوق عشر دقايق بتكوني خلصتي ازا بنزل وانتي مولابسة مابطلع مرة تانية ماشي ....رجع لعندها باسها مرة تانية وقلها مارح اتأخر عليكي اي 😉. لبست بدور بسرعة ويادوبا عم تلبس ورجع طارق لعندها . طارق ضرب ايديه ببعض : ياخسارة كنت مفكرك لسا مولابسة كنت رح استغل فرصة تعزيبك وخليكي ..... بدور صار وشها احمر ،راح لعندها وحاوطها بأيديه وقلها : بتعرفي مبارح قديه كنت غيران عليكي وقت كنتي عم تغني لكن كنتي متل القمر واحلى صحي انك لفتي انتباه الكل لكن عجبتيني وقت قربتي لعندي وغنيتيلي وعطيتيني الوردة وغمزتيني هديك الغمزة كان ....كان عبالي اخدك واهرب فيكي وماخلي حدا يشوفك غيري ويسمعك غيري ويقرب منك غيري بدور انااااا اناا عم دوب فيكي كيف وليش مابعرف عم جن لحتى شوفك وقرب منك بدي عطول شمك وضمك بدي ضل معك عطول شو رأيك . بدور عم تسمع والبها رح ينفجر بحبو وكانت عم تدوب بكلامو وخصوصي انها بين ايديه ماعاد طلع الحكي معها . طارق : بدور ...بدور انتي معي ...سامعتيني . بدور هزت راسها انو اي بس ماعم تقدر تحكي . طارق ضحك : طيب سمعيني صوتك قولي حابة تبقي معي والا بدك تطلقي متل ماقلتي . بدور عم تهز براسها انو لأ . طارق : لك شو بك ماعم تحكي شو ....(فتحلها تمها وقلها )ليكو لسانك بتمك ليه ماعم تحكي . بدور واخيرا : اي اي ياباشا انا معك . طارق : هههههههههه لك وينك ليش ماعم تحكي شو صرلك . بدور : ياباشا عم تحكي جد بدك تبقى معي والا شووو. طارق مسكها من ادنها وقلها: شو شايفتيني ولد لحتى احكي حكي ماالو طعمة او امزح بهيك امور انا بدي كون معك والك بيني وبينك وقدام الناس قدام الكل امشي معك واتباهى فيكي وقلون انو هي مرتي ملكي ووووو. بدور : وشو . طارق : وحبيبتي اللي حبيتا من لحظة اللي شفتا قبل مااعرف انها مرتي . بدور : ........ طارق : بدور بحبك بحبك بدي اعلن زواجنا وبدي اعمللك عرس ماصار رح خلي الكل يحكي فيه بدور عم تبكي ومبسوطة بنفس الوقت فرحانةةانو اللي حبتو واخيرا داب بحبها وكلو لانها كانت سادقة معو ومااستغلت انو باشا وهي خدامة وصارت مرتو . طارق كمل :وبدي كيد الحقيرة صوفيا ... صحي عسيرة صوفيا مو اخدت بتاري وتارك منها . بدور 😧: كيف شووعملت بس ماتكون اذيتها حرام . طارق : ولك بدور انتي كيف فيكي تكوني طيبة كل هالقد وحدةةاستغلت اني ماشفتك وخوفتك مني وكرهتني فيكي وصورتك الي كأنك شي غولةوبعدتني عنك تسع شهور ....لك تسع شهور وكل هالحلا عندي ومابعرف ولسا عم تقولي حرام البك الطيب هاد خلي لغير ناس . بدور : انا مابعرف احقد مابعرف اعمل متل صوفيا انا مافيي أأذي حدا مابعرف ليكني حبيتك من وقت انكتب كتابنا ومع هيك ماحاولت قرب منك مع انك صرت جوزي بس مافيي افرض حالي عليك ولا ارمي حالي عشخص مابدو اياني ومافيي اأذي حتى صوفيا اللي عملت كل هالشي كرمال تبعدني عنك . طارق : لحظة ...لحظة شو قلتي بالأول قلتي حبيتيني من وقت انكتب كتابنا . بدور استحت ونزلت راسها 😔. طارق : احكي بدور مشان الله احكي شو قلتي قلتي انك حبيتيني لك احكي مااتضلي ساكتة هيك ...ورفعلها راسها . بدور : اي ياباشا حبيتك من يوم اللي ارتبط اسمي باسمك مع انك ماكنت بدك اياني بس مو بأيدي ماكان فيي الا حبك وموت فيك . طارق : ياعمري ياروحي ياالبي انتي وليه ماقلتيلي هالشي من قبل . بدور عم تبكي : صعب ياباشا مافيي قلك وانتي كارهني ماكان بدي اجرح كرامتي اكتر اهون عليي تبعد عني وتتركني ولا قلك اني بحبك وانت مابدك اياني وما بتطيقني وفوقها تكسفني . طارق مسحلها دموعها و ضمها لصدرو وقلها : انا مستحيل اكرهك مستحيل بعد عنك مافيي عيش بدونك ياعيون الباشا انتي . بعد شوي قعدو مع بعض وقلها انو كيف نفذ انتقامو من صوفيا : بتعرفي شو عملت فيها خليتها بالأول تجن وتسدق كزبتها وبعدين دمرتها عالأخر . بدور : شو عملت بس ماتكون أذيتها . طارق : انا أذيتها بس مو جسديا نفسيا حطمتها. بالأول قلتلها اني شفتك ومشيت معها بكزبتها انك بتخوفي يعني متل وصفتك الي بالأول وهي جنت انو انتي مو هيك وانو كل هالأوصاف من تأليفها وسدقت بعدين وقالت بحالها انو بجوز يكون في وحدة بتشتغل بالسرايا بهيك مواصفات وانو انا فكرتها انتي وبعدين قلتلها انو كنت بدي اخطبك ياصوفيا من ابوكي الأغا وخلصت كنت ناوي على هالشي وهي فرحت وكانت رح تجن من فرحتها لكن نكستها وقت قلتلها اني عزلت الفكرة عنك وقت التقيت ببنت احلى من القمر وبدي اياكي تقنعيلي جدي يخطبلي اياها قلتلها صوفيا ماالي غيرك يساعدني انتي الوحيدةةاللي دايما بتعيني بكل مشاكلي وحل هالمشكلة عندك . بدور : اي وبعدين . طارق :بالأول صارت تبكي اني بطلت عنها وقلتلها بس اللي بحب التاني بيتمنالو الخير والسعادة ماهيك وهي عملت حالها مضحية كتير كرمال انها اتضلها كبيرة بعيني ووعدتني تساعدني وقلتلها رح ارجيكي صورتها وتعطيني رايك فيها وارجيتها صورتك وقلتلها انو هي البنت بتشتغل بالسرايا عندي وانا بدي اتجوزها وبدي تساعديني لنقنع جدي فيها . بدور مصدومة 😮. طارق : ولو شفتي شو صار فيها وقت شافت صورتك تخربطت ملامحها وما طلع الحكي معها . قلتلها بالاخر شو رايك فيها حلوة ماهيك . قالتلي اي بتجنن كتير حلوة . قلتلها يعني عجبتك مو .لكان ليه شوهتيلي صورتها يوم كتب عليها وماخليت كلمة تعتب عليي ماقلتلها اياها وهددتها الا احكي لأبوها الأغا ولجدي وخليها تنزل بعيون الكل وصارت تترجى فيي وتقلي انو عملت كل هالشي بس لانها بتحبني ....ها شو رايك ولسا لأعمل فيها اكتر من هيك لسا انتقامي ماخلص اصلا هي البداية بس . بدور: لا ياباشا خلص بكفيها لهون بكفي انك عشمتها انك كنت رح تتزوجها وفرحتها وبعدين كسرت بخاطرها هي لحالها كفيلة انها اتدمرها. طارق : بتعرفي احيانا بزعل منك على طيبة البك واحيانا بفرح انك ماعندك خباثة ولآمة بعض الناس . مرقو ايام تانية وعادل ماعاد شاف بدور متل الاول وصار يراقب فيها وشك انو في شي بينها وبين الباشا لحتى حست بدور عليه وخبرت طارق بشو حاسة وطارق مسكو لعادل وهو عم يراقب فيها وقلو انو بدور بتكون مرتو من وهي عند جدو الباشا الكبير وانصدم عادل صدمة عمرو وقلها لبدور انوليه خلتو يحبها ويتعلق فيها وقالتلو انو هي ماعملتلو شي وحتى ماوعدتو بشي وكانت دايما تقلو انها مابدها تتزوج وانو يشوف حياتو مع وحدة تانية وهي كانت ترفضو لانها متزوجة ومافيها تقول لحدا هالشي هاد . بيوم الصبح اجا الباشا الكبير وطلب من طارق انو بدو يشوف بدور ويتطمن عليها . طارق نادى لبدور وطلب منها تلبس فستان راقي كتير واجت لعند طارق والباشا الكبير . الباشا الكبير : ماشاء الله عليكي شو هالحلا كلو . خجلت بدور وراحت قعدت جنب طارق وقربت منو كتير. الباشا الكبير : شو طارق ماقلتلي شو رايك بالعروس . طارق اتطلع فيها ومسك ايدها وباسها وقلو : الله يخليي اياك ياجدي انك جبرتني اتجوز هالعسل هاد . الباشا: ماكنت بدك لا انت ولا هي وبالأخر شوفو كيف صرتو مع بعض ااااخ منكن هيك جيل مابيعرف مصلحتو . بدور : اي ياباشا طمني عن جدي كيف وضعو اخر مرة حكيت معو من يومين وقلي انو منيح بس حابك انت اتطمني عنو لسا عم تجيبلو الدوا . الباشا : جدك منيح كتير وهاليومين بيوصلو الدوا تبعو وصيتلو عليه. بدور : كنت خايفة انك ماتجبلو اياه . الباشا: بعرف شو بتقصدي انو كنتي خايفة ماجبلو الدوا ازا ماوافقتي تتجوزي من طارق موهيك . بدور : اي والله ياباشا ماكان بدي تقطع الدوا عن جدي . الباشا : حتى لو ماوافقتي عطارق انا مستحيل اقطع الدوا عنو جدك هاد رفيق عمري انا بس قلتلك هيك بس لحتى اضغط عليكي لتوافقي . طارق : جدي بدي اطلب منك طلب . الباشا: اي حبيبي شو بدك . طارق اتطلع ببدور وقلو : بدي اعلن زواجي عبدور قدام كل الناس وبدي اعمللها عرس ماصار . الباشا: اي شو عليه واحلى عرس واحلى ليلة كمان وحياتكن لخلي الناس تحكي فيه سنة بحالها. بعد اسبوع جهزت بدور حالها ولبست فستان العرس وكانت متل الاميرات وصارلهن عرس ماصار لحدا . طارق حملها وسلم عالكل ورمت بدور باقة الورد عالضيوف واخدها وراحو على الجناح تبعهن . طارق : اخيرا صرتي ملكي قدام الكل اخيرا صار فيي ضمك وبوسك وووووو. بدور حطت ايدها عتمو وقالتلو خلص ماتكمل بخجل من هالحكي انا . طارق : لا يااا ليكي بهالليلة مافي خجل ومافي خوف ومافي تعارضيني وازا بتعزبيني ياويلك مني واللي بقلك عليه بتعملي بدون نقاش وبتقليلي امرك ياباشا شووو. ضحكت بدور بخجل وضمتو وانتهت معناتهن وبلشو مع بعض حياة جديدة وجريئةقدام الكل. *☆آلَــنِــٓـهّــٓـ{ͳḫẻ}ــٓـآيَــٓـ{end}ــٓـةّةّ☆*~ ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ 🦋قُصّـ📚ـصّ مًبًتٌعٌدٍيَنِ🐉عٌنِ آلَعٌـ🌏ـآلَمً ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ┄ׅ━ׄ 🎀══════ آنِِرتٌٌمًً قُُنِِآهّّ مًًبًًتٌٌعٌٌدٍٍيََنِِ لََنِِشُُر أفُُضلََ قُُصّّصّّ 🎀══════ 🔱لََقُُنِِوٌٌآتٌٌ أّلََمًَشٍُتٌّرګةّّ 🔱 ════════════ قُنِآةّ وٌآتٌسِآبً لَلَمًلَصّقُآتٌ🦋🤎: https://whatsapp.com/channel/0029VaGVrAoKgsO0ZokZz72K قُنِآةّ وٌآتٌسِآبً لَلَقُصّصّ🦋🤎: https://whatsapp.com/channel/0029VaFcFDSHrDZp5tqeeu23 قُنِآةّ وٌآتٌسِآبً لَلَتٌيَآبً 🦋🤎: https://whatsapp.com/channel/0029VafM7Uz0VycNCW8pgX3H قُنِآةّ وٌآتٌسِآبً لَلَأقُتٌبًآسِآتٌ🦋🤎: https://whatsapp.com/channel/0029VadtUJoLo4hfVXykIi2z قُنِآةّ وٌآتٌسِآبً آسِلَآمًيَةّ 🦋🤎: https://whatsapp.com/channel/0029Vae7ue66BIEadanrDT3d قُنِآةّ وٌآتٌسِآبً نِکْتٌ 🦋🤎: https://whatsapp.com/channel/0029Vaj6zUj8F2pJVAuppw0B قُنِآةّ وٌآتٌسِآبً سِتٌوٌريَآتٌ 🦋🤎: https://whatsapp.com/channel/0029VadzZ9VJUM2gZmDItU00 قُنِآةّ وٌآتٌسِآبً آنِآقُةّ🦋🤎: https://whatsapp.com/channel/0029VapTrOL2P59dbEHIEW16 (◕‿◕✿) قُرآءةّ مًمًتٌعٌةّ لَلَجّمًيَعٌ (◕‿◕✿) 🪴🌸═════ღღ═════🪴🌸