🍃قِصٌصٌ💥 مَبِتّعٌدِيِّنِ🌹 عٌنِ أّلَعٌأّلَمَ🌍 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* القراءة غذاء الروح والعقل🧠 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* *❴📖❵↵*زواج.مصلحة.tt *❴🔢❵☟الـــبـــــــــــ❴الاول ❵ــــــــــــارت☟* 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🍃💥مبتعدين🌹 عن🔥 العالم🍃🌍 https://whatsapp.com/channel/0029VaFcFDSHrDZp5tqeeu23 ☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ 〰️〰️〰️〰️〰️〰️〰️〰️〰️〰️ بقلمي Batoul_HN ببيت بسيط هادي ورايق بلشت الشمس تفوت ع الغرفة وتتغلغل بوجه بطلتنا الحلوة.. فتحت عيونا ومسكت موبايلا لتشوف اديش الساعة.. لك اوووف تأخرت كتير.. قامت بسرعة وركدت ع الخزانة اخدت منشفة وفاتت بوجها ع الحمام اخدت دوش سريع وطلعت.. لبست بنطال جينز ديق مع قميص ابيض واسع وبوط ابيض حطت ميك اب خفيف لتبرز ملامحا رفعت شعرا لفوق اخدت جزدانا وطلعت من الغرفة. بالمطبخ كانت أم روح عم تجهز الفطور مشان تفطر هيي وبنتا روح : ماما انا طالعة تأخرت بدك شي ليلى : حبيبتي كليلك لقمة قبل ما تطلعي لاحقة ع الشغل روح :ماما ما بقدر ما بتعرفي مدير المطعم اديش مأنزع هلا بيخصملي من راتبي.. بس مع هيك رح اكل كم لقمة مشان ما تزعلي.. اكلت كم لقمة وودعت اما وطلعت وتوجهت ع مكان شغلا __________ خلوني عرفكن ع بطلتنا الحلوة.. اسما روح عمرا 23 سنة دارسة تجارة واقتصاد.. بيضة متل شق اللفت بشعر طويل لأسفل الضهر دهبي متل لون الدهب ولون عيونا شهل وشفافا متل حبات الكرز وعندا غمازة حلوة كتير.. جسما كتير حلو ومتناسق كل اللي بشوفا كان ينبهر بجمالها.. بتشتغل بمطعم بعد ما خلصت دراستا حاولت كتير تلاقي شغل بمجالا بس للاسف ما لاقت. أم روح ليلى مرة خمسينية.. كانت لا تقل عن جمال بنتا.. اتوفى زوجا من 10 سنين .. بتشتغل بالخياطة ماكان عندا قرايبين لان تزوجت ابو روح غصبا عن أهلها كانت حياتن بسيطة كتير بس مع هيك مبسوطين ___________ بمكان تاني مختلف كليا بقصر كبير... فخم بكل معنى الكلمة.. مبين عليه التقل والرتابة... بغرفة كبيرة حيطانا امتزجو باللون الأسود والأبيض..كان نايم البطل... لما رن المنبه فتح عيونو بتكاسل وطفاه ورجع نام بهالاثناء بتدخل عليه امو.. ماما مرهف قوم يلا جهز الفطور مرهف: ماما خليني نايم شوي لسا لبنى : حبيبي يلا قوم ابوك ناطرك كمان مرهف: طيب يلا لاحقك نزلت لبنى لتحت.. بينما مرهف اخد شاور سريع لبس تيابو كانو عبارة عن بنطال جينز مع قميص اسود وبوط اسود .. رش نص قنينة العطر ع حالو وسرح شعراتو ونزل __________ نزل لتحت كانو الخدم عم يحطو الفطور ع الطاولة وباين ع أبوه الانزعاج مرهف: صباح الخير لبنى : صباح الخير حبيبي يلا قعود عدنان : صباح النور كنت خليك لسا نايم مرهف: بابا مبارح كنت سهران مع رفقاتي لهيك اضطريت نام متأخر عدنان : لك انت شو.. بدل ما تكون عم تنزل معي ع الشركة وتتعلم الشغل ع أصولو.. بكرا بس موت مين بدو يستلم محلي مرهف: بعد عمر طويل بابا ليش هالحكي.. بعدين انا ما بحب لا الشركات ولا الشغل لبنى: طيب ماما خليني اخطبلك ولله رح موت لشوف ولادك مرهف: ماما مابدي اتزوج كم مرة صرت قايل هالحكي عدنان: لك لا زواج بدك تتزوج.. ولا شغل بدك تشتغل قلي شو بدك مرهف : بضيقة خلق بابا خلص كل يوم هالموشح ولله مليت عدنان: سماع ولاه معك مهلة شهر اذا ما بتتزوج قسما بالله لا انت ابني ولا بعرفك ومحروم من كل الورتة مرهف: شو هالحكي شو الشغلة بالأجباري اذا ما تزوجت بدك تحرمني من حقي عدنان : ولله هاد الموجود وقد اعذر من أنذر سحب حالو وطلع لبنى: ماما حبيبي ابوك بدو يفرح فيك ويشوف ولادك متل ما انا عم بحلم بهالشي... نحنا كبرناكن ودرسناكن وقدمنالكن كل شي بتتمنوه من حقنا تردولنا ولو شي بسيط غصت بكلمتا اليوم عايشين بكرا يمكن.. وقبل ما تكفي كلمتا ركد مرهف وحضنا... بعيد الشر عنكن يا روحي الله يطول بعمركن وتضلو فوق راسنا لبنى: مشان هيك يا ماما خود كلام ابوك ع محمل الجد هالمرة ماعم يمزح ابدا ..ولله بنت خالتك الله يرحما بتحبك وبدا ياك مرهف: ماما الله يخليكي لا تكملي انا رهف ما بشوفا الا اخت الي.. خلص رح فكر بالموضوع انتي لا تشغلي بالك لبنى: الله يرضا عليك يا روحي وهني عم يتسايرو نزلت صبية من فوق ليليان : صباح الخير يا حلوين.. شو هالحب والأحضان من الصبح انا بغار لبنى: اهلين ماما صباح الورد... لك انتي الأصل يا روحي مرهف: صباح النور اختي شو لوين ليليان: وهيي عم تاكل ع الجامعة مابدك توصلني بطريقك مرهف: اي تكرم عيونك شو كم لولو عندي انا خلصو فطور وطلعو من القصر وكل واحد راح بمكان ___________ خلوني عرفكن ع هالعيلة الحلوة عدنان: هوي الأب الحنون الصارم بنفس الوقت.. اشتغل كتير بحياتو لحتى جمع هالمصاري واشترى هالأملاك كلها عندو مصانع دهب.. وشركات بالبلد وبرا البلد لبنى: الأم الحنونة العاطفية الرقيقة حلوة كتير و قلبا طيب كتير وبتحب تعمل خير اسست جمعيات خيرية وبتساعد الناس مرهف: عمرو 30 دارس أدارة أعمال طويل أسمر بعضلات مفتولين شخصية كتير بس شايف حالو وبيكره الشغل ليليان : عمرا 20 بتدرس رياض أطفال شعرا كيرلي اسود بيضة بعيون سودة قلبا طيب كتير وحنونة وبتحب الخير ______________ عند روح كانت عم تودي طلبات ل الطاولات.. قعدت وهيي تعبانة.. اجت رفيقتا رؤى من وراها... ليوم كتير عجقة ليش هيك ولله هلكنا روح : اي ولله ما شالله رؤى: مابدك تجي لعندي ليوم بعد الدوام روح: مابعرف بشوف واذا مافيني اجيت انتي بتجي ومنقعد ع السطح رؤى: اوك اتفقنا اجا المدير من وراهن... شي حلو ولله العالم مليانة برا وانتو قاعدين.. بسرعة روح طلعي لمي الكاسات الفاضية ع الطاولة رقم 6.. وانتي رؤى خدي 2 قهوة سادة ع الطاولة رقم 10.. وحسابكن بعدين لأن قاعدين طلعو وهني مرعوبين لان المدير ما بيفوت فرصة الا وبيخصم من راتبن ____________ ع الساعة 4 كان مرهف عم يسوق السيارة وهوي عم يفكر... لعما لك انا كيف بدي اتزوج وبشهر كمان اووف منك بابا اووف... وبدو يحرمني كمان من الورتة... بلحظة حس حالو خبط شي فتح عيونو ونزل فورا من السيارة.. مرهف: يا انسة صرلك شي روح : اخخ لك انت اعمى شي ماعندك عيون لتشوف قدامك كنت رح تروحني مرهف: ع اساس انتي أنظم ماشية وماعم تطلعي حواليكي روح : لك اصلا مو الحق عليك الحق ع اللي عطاك شهادة السواقة مرهف: استغفر الله العظيم ليكي انا ساكتلك لأنك بنت روح : بالله تعا عملي كفين قال فوق حقو دقو حل عني يا ومشت مرهف: وهوي عم يطلع عليا لعما ما افجرا.. بس شو بدنا بالحكي حلوة صحي ع حالو والسيارات عم يزمرولو طلع بسيارتو وتوجه ع لبيت _____________ بمكان تاني كانت ليليان قاعدة بكافيه الجامعة وعم تشرب قهوة.. فجأة بتتلفت حواليها وبتشوف رهف جاي بأتجاها... ييي استغفر الله العظيم شو جاب هالدبقة هلأ رهف: بمياعة هاي لولو اشتقتلك وبلشت تبوسا ليليان : وهيي مكشرة وانا اكتر رهف: شو كيفو مرهف كتير اشتقتلو ليليان: ولله مرهف مشغول هالأيام مو فاضي لحدا.. انا رايحة بدك شي رهف: يي لوين استني رايحة معك اشتقت لخالتو ومنو بتغدا معكن ولحقتا رهف بنت حلوة نوعا اتوفت أما من فترة وأبوها مسافر بتدرس ادب انكليزي... خبيثة ومايعة كتير وبتفرض حالا ع لكل واذا بدا شغلة بتعمل المستحيل لتحصل عليا... بتحب مرهف بس طبعا مرهف ما بطيقا _________ وصلت روح ع البيت.. بلشت تشم روايح اكل فتحت عيونا ع الآخر وقالت ملوووخية وركدت ع المطبخ روح : لك يقبرني الله انا اي شو هالروايح الطيبة ليلى: عملتا مخصوص الك يا روح امك روح : لك الله يخليلي ياكي وما انحرم من هالايدين ليلى: ويخليلي ياكي يا ماما يلا فوتي غسلي وغيري تيابك شوي وبصير الأكل فاتت اخدت شاور ولبست بجامتا وضبت شعراتا وطلعت لتجهز السفرة مع اما وهني قاعدين ع الغدا روح : ماما شبك ليوم حاسستك مو ع بعضك ليلى : مافي شي ماما عادي روح: حبيبتي ماما لا تخبي عليي اذا في شي احكي ليلى: بصراحة دقولي من البنك قال اذا مارح ندفع الأقساط المتراكمة رح يحجزو ع لبيت وبلشت تبكي... قامت روح لعندا ماما روقي اكيد في حل انا مستحيل خلين ياخدو بيتنا رح دبر المصاري من تحت الأرض ليلى: من وين بدك تدبرين لك امي وانتي راتبك يا دوب عم يكفينا حق اكل روح: ماما انتي لا تشغلي بالك الله بدبرا.. هلأ كلي ولا تفكري بشي بعد ما خلصت اكل وجلت الجليات دقت لرؤى لتجي لعندا مشان يلاقو حل لهالمصيبة خلوني عرفكن ع رؤى بنت حنطية بشعر احمر كتير طيوبة دارسة تاريخ عمرا 24 هيي الصديقة المقربة ل روح كانو متل الأخوة وأكتر __________ بالقصر عند مرهف كان عازم رفقاتو المقربين ع الغدا.. ولسوء الحظ كانت رهف عازمة حالا لعندن.. ع طاولة اجتمعتو الكل وقعدو يتغدو لؤي: يسلم ايديكي خالتو عنجد الأكل بشهي معتز: اي ولله الاكل كتير طيب ع قبال ما نفرح بمرهف قريبا وغمزو لبنى: من تمك لباب السما يارب هاد يوم المنى ولله عدنان: رفيقكن معو حساسية من الشغل ومن الزواج بس الاكل الهوا والمسخرة والضحك والتمثخر روح قلبو غص مرهف بالأكل وصار وجهو أحمر وبلش يلعن معتز بينو وبين حالو لؤي بهاللحظات ما شال عيونو عن ليليان اللي بدورا كمان عم تطلع فيه وتبتسملو رهف: عنجد ميرسي خالتو كتير تيب الأكل مو هيك مرهف... عمل حاولو مو سامع شي ...بينما لؤي ومعتز وليليان مبلشين الضحك ع الصامت بعد الغدا طلعو الشباب ع التراس وقعدو يشربو شاي مرهف: لك انت ضروري تتغالظ وتحكي هيك تحت لبابا واقفلي ع دقرة لؤي:لك ولله معو حق يا زلمة انت صار عمرك 30 من حقن يفرحو فيك مرهف: لكن لقلكن اخر المستجدات.. وبلش يسردلن شو حكا ابوه عن المهلة وشو كان قرارو لؤي: يعني اخيرا رح نحضر عرس ولله لنرقص للصبح معتز : كان لازم من زمان يعملا انت ما بتجي غير ب العين الحمرا مرهف: لااا انت ليوم مو مصلى ع النبي وقام بلش يضربو هوي ولؤي خليني عرفكن ع لؤي ومعتز لؤي: عمرو 29 مهندس اتصالات وبيشتغل بشركة شخصية وحلو واعي كتير ورزين معتز: عمرو 27 دارس جغرافيا وموظف شخصيتو مرحة وفرفوش وحلو _____________ عند روح كانت قاعدة هيي ورؤى عم يشربو متة واركيلة ويفصفصو بزر وعم تحكيلا عن القرض روح: مابعرف شو بدي اعمل لاقيلي حل رؤى: ما الك لا تاخدي سلفة ع راتبك روح: تضربي هداك الجربان بدو يعطيني سلفة هاد اذا عض الكلب بكلبو رؤى: هههههه شو هالتشبيه.. بس انتي رح تاخدي سلفة يعني رح تشتغلي فين ما بتوقع ما يوافق روح: مابعرف خايفة ولله رؤى: لك انتي شو خسرانة بتحكيلو بكرا مشكلتك ومنشوف روح: هوي هيك ماشي ___________ بصباح يوم جديد صحي مرهف ع رنة موبايلو.اي معتز شو بدك من الصبح معتز: قوم جهز حالك بدنا نروح نفطر هلأ حكيت مع لؤي كمان مرهف: طيب يلا نص ساعة بكون جاهز.. سكر قام اخد شاور سريع ولبس وطلع ____________ بعد ساعة بالمطعم كانو قاعدين الشباب وهني عم يتسايرو معتز: ما قلتلنا شو بدك تعمل بقصة جوازتك مرهف: شو بعرفني لمشكلة انا شايل الموضوع من راسي كلو لؤي: سماع انا عندي حل شو رأيك تتزوج زواج مصلحة فتح مرهف عيونو هوي ومعتز... كيف يعني زواج مصلحة لؤي: يعني بتتزوج بنت لفترة وبعدين بتطلقو ع اساس ما اتفقتو هيك بتضمن انو ما تخسر حقك بورتة أبوك معتز: بتعرف لك مرهف ولله فكرة مرهف: لك انتو مجانين بعدين حتى لو وافقت انا مين البنت اللي رح تقبل بهيك اتفاقية.. أنا ما عجبتني كل القصة لؤي: لك صدقني مافي غير هالحل سماع مني يا زلمة معتز: انا رأيي من رأي لؤي هيي اتفاقية وبعدا بكم شهر بتطلقا مرهف: خلص بفكر بالموضوع انا قايم غسل لبين ما يجي الفطور بعد ما خلص غسيل وراجع ع الطاولة سمع حديث عم يدور بين بنت وزلمة اتطلع لمكان الصوت وتفاجئ مرهف: مو هي هيي البنت اللي ضربتا مبارح بالسيارة بس ليش عم تبكي عند روح كانت عم تبكي وتترجى صاحب المطعم ليعطيا سلفة روح: لو سمحت استاذ انا كتير مضطرة ع هالسفلة البنك رح يحجزلنا ع البيت المدير : وانا شو بعملك شو انا قاعد ع بنك لأقعد اعطي سلف للعالم روح: وهيي عم تبكي استاذ انا ما الي حدا غير الله بترجاك ساعدني بوعدك اشتغل احسن وخصملي من الشهور الجاي المدير :انا ماعندي وقت ضيعو معك روحي ع شغلك يلا وروحي شوفي حدا تاني يعطيكي وتركا ومشي وهيي منهارة من البكي عند مرهف كان مزعوج كتير بعد ما سمع الحديث اللي دار بين روح والمدير رجع ع الطاولة وكل الوقت شارد عم يفكر فجأة لمعت ببالو فكرة خلصو فطور وراح كل واحد بجهة بينما مرهف ضل قاعد بالسيارة ناطر روح ع الساعة 4 طلعت روح من الشغل وهيي ماشية سمعت حدا عم يناديلا مرهف: يا انسة ممكن لحظة روح: عفوا مين انت مرهف: ما تذكرتيني انا اللي ضربتك بالسيارة مبارح روح:اي اتذكرتك كيفك مرهف: الحمدلله كيف صرتي روح: بخير الحمدلله انا بالاذن بدي امشي مرهف: لحظة بس حابب احكي معك بموضوع اذا ممكن فيني اعزمك ع فنجان قهوة نص ساعة ما بأخرك روح : طيب مافي مشكلة ______________ كانت طالعة ليليان من الجامعة وبدأ تروح ع لبيت فجأة بتوقف قداما سيارة لؤي: كيف ليليان شو اخبارك ليليان: اهلين لؤي تمام انت كيفك لؤي: رواق شو لوين رايحة خلصتي محاضراتك ليليان : اي ولله ورايحة ع لبيت لؤي: طيب خليني وصلك يلا ليليان : وهيي خجلانة مابدي عزبك لؤي: لك عذابك راحة طلعي وهني بالسيارة شغل لؤي اغنية وبلش يغني معا ويطلع فيا وهيي خجلانة عندك خبر شو حلوة انتي يا روحي انتي.. نيالو شعرك بضلو جنبك.. نيال المي يلي ع شفافك.. مايهمك يا حياتي.. أنا ع حسابك حياتي.. وطى الصوت واتطلع فيا لؤي: ليليان انا بصراحة معجب فيكي ليليان : بصراحة فاجأتني كتير لؤي: انتي شو رأيك فيني ليليان: ماشالله عنك مرتب كتير ومحترم واي بنت بتتمناك لؤي: وانا بدي ياكي.. فكري ع ألف مهلك ورديلي خبر وانا بنطرك العمر كلو ليليان : طيب ماشي... من جواها كانت كتير مبسوطة وحاسة بشعور حلو _____________ وصلت روح ع لبيت وهيي شاردة فاتت بدون ما تحكي اما اللي لاحظت شرودا.. وبلشت تناديلا لحتى وعت ع حالا ليلى:شبك ماما وين شاردة صاير معك شي روح: لا ماما مو صاير شي.. مشان القرض انا دبرت المصاري بكرا بجيبن ليلى: ومن وين دبرتيين روح :اخدت سلفة من المطعم انتي لا تشغلي بالك بشي ليلى: الله يرضى عليكي يا روحي ويفرحني فيكي.. يلا روحي بدلي تيابك بكون حطيت الغدا..هزت راسا وفاتت ع غرفتا وهيي عم تتذكر اللي صار رجعت ذاكرتا لقبل بساعة فلاش باك وهني قاعدين بالكافيه عم يشربو قهوة.. لحتى اتجرأ وحكى مرهف :انا سمعت حديثك مع مدير المطعم اليوم بالصدفة كنت بالحمام وانتي صوتك مسموع أنا رح ساعدك و ادفلك أقساط البنك كلا روح: بس انت ليش لتساعدني مرهف : فيكي تقولي بحب اعمل خير كتير روح: شكرا الك بس انا مافيني اقبل مساعدتك مرهف: خلينا نكون واقعيين انتي طلبتي سلفة بس ماعطاكي.. وراتبك يا دوب يكفيكي كيف بدك تدفعي الأقساط.. مو احسن ما يروح بيتكن وتصفو بالشارع روح: مابعرف شو قول بس انا كيف بدي رجعن مرهف: هلأ فيكي ترديلي المعروف اللي رح اعملو معك روح: كيف مرهف: انك تتزوجيني روح: وهيي متفاجئة... شوووو انت مجنون شي مرهف: روقي رح احكيلك كل القصة وبالفعل حكالا عن ابوه وعن الشرط وانو ناوي يحرمو من كل شي بعد مدة من الوقت... شو قلتي روح: خليني فكر وبردلك خبر مرهف: اوك معك لليوم المسا فكري ورديلي خبر باك رجعت لوعيا ... معقول انا اتزوج بهيك طريقة... طيب شو اعمل.. ماعندي غير هالحل... مافيني اترك البيت يروح منا ونصفى بالشارع.. يارب دخيلك ساعدني ما الي غيرك وبلشت تبكي _____________ عند ليليان كانت قاعدة ع التخت والفرحة مو واسعتا كانت حاسة بشعور غريب مسكت موبايلا وفاتت ع ايميلو... صارت تقلب بالصور... لك دخيل هالشخصية... وانا كمان معجبة فيك لؤي... ويمكن بحبك ______________ المسا عند مرهف كان قاعد وشارد.. معقول تقبل ... او معقول ترفض.. بس انا رح ساعدا المفروض توافق... لك انا شو كان بدي بصرعة الزواج.. لك تضرب يا معتز ع هالحل الغبي اللي جبتلي ياه... فجأة رن موبايلو ورد روح: مسالخير استاذ مرهف مرهف: اهلين روح كيفك روح: تمام... حاكيتك مشان اعطيك جوابي مرهف: اي شو قررتي روح: انا موافقة مرهف: اي تمام شكرا الك عنجد انو عم تساعديني بهالموضوع روح: بس عندي كم شرط مرهف : هه بلشنا قولي شو هني روح: اول واحد انو زواجنا يكون بس ع الورق والتخت انا مابتشاركو مع حدا مرهف: ع اساس قاتل حالي انا لنام جنبك اتطمني ع الورق روح: وهيي متنرفزة تاني شرط انو ما بتدخل فيني ابدا لا لوين بروح ولا وين بجي مرهف: هففف موافق روحي وين مابدك شو دخلني انا روح: وتالت شرط انو بعد 3 شهور بتطلقني وكل واحد بروح بحال سبيلو مرهف: يا ستي موافق وغيرو روح: بس هيك مرهف: اتفقنا انا نازل خبر اهلي وانتي روحي خبري امك روح : اوك ماشي باي مرهف: باي سكر مرهف وهوي حاسس بالنصر اخيرا قدر يعمل شي لحتى ابوه ينبسط منو.. حمل حالو ونزل لتحت.. كانو الكل مجتمعين مرهف: مسالخير عدنان اتجاهل مرهف تماما ومارد لبنى: مسالورد حبيبي ليليان : اهلين اخي شو شايفتك مبسوط مرهف: اي ولله مبسوط هاتو البشارة لبنى: بشارة شو مرهف: انا رح اتزوج فتحو عيونن ع وسعن وهني مصدومين ومو مصدقين... لبنى بلشت تبكي وهيي مبسوطة.. ليليان ركدت ع اخوا وحضنتو.. بينما عدنان كان قاعد ومو مصدق الكلام اللي نطقو مرهف عدنان: عنجد عم تحكي ولا عم تقول هيك مشان تسكتني وتنسيني الكلام اللي حكيتو مرهف: أعوذ بالله ابو مرهف لك تربايتك انا وحياتك رح اتزوج دمعو عيونو عدنان وقرب لعند ابنو وحضنو.. اي هيك ها الله يرضى عليك دنيا وآخرة.. حكيلي مين هالبنت ومين أهلها. حكالن مرهف عن روح واخدو موعد منن تاني يوم المسا كرمال يطلبوا ___________ تاني يوم ع الساعة 8 المسا كانت رؤى عند روح اللي عم تجهز حالها لبست بنطال اسود رسمي عليه بلوزة بيضة كم شيفون تحتو كعب شفاف مع ميك اب خفيف لتبرز ملامحا وتركت شعرا ع راحتو... ورؤى كانت لابسة فستان لون احمر قصير وفالتة شعراتا... بلحظتا اندق لباب وراحت ام روح ورؤى لتستقبلن...فات عدنان مع لبنى ووراهن مرهف اللي حامل باقة ورد كبيرة باللون الاحمر مع ليليان اللي حاملة شوكولا ووراهن معتز ولؤي بعد شوي دخلت روح وهيي حاملة قهوة وبلشت تضيف...لحتى وصلت عند مرهف اللي مصدوم من نعومتا.. شوي لحتى صحي ع حالو ولقاهن كلن عم يضحكو عليه.. اتمالك حالو واخد فنجان القهوة... خلصو الزيارة وقرو الفاتحة وحددو كتب الكتاب الخميس اللي الجاي والعرس الخميس اللي بعدو _مرق الاسبوع وكتبو كتابن... كانو الاهل كتير فرحانين وعم يجهزو للعرس وهني مبسوطين كتير _مرهف كان حاسس حالو عم يكذب ع اهلو وعم يغشن من زمان ما شاف الفرحة هيك ع وجوهن _كمان روح كانت عم تحس بهالشعور وهيي عم تشوف أما كيف فرحانة كانت خايفة من اللي جاي ومن الطلاق اللي رح يصير قريبا _لؤي وليليان اعترفو لبعض بالحب وعلاقتن بلشت تقوا كتير _ معتز شاف رؤى بيوم الطلبة وكتير عجبتو لكن ما كان في اي رقم يوصلو الها _رهف من لما سمعت بخطبة مرهف وهيي جانة وعم تفكر كيف تفركشا _____________ اجا اليوم المنتظر اللي الكل ناطرو الا العرسان للأسف بصالة كبيرة مزينة بالورود الحمرة والبيضة كان واقف مرهف ناطر عروستو فجأة بلشت الأضوية تخف وتقوى معلنة دخول العروس... دخلو رؤى وليليان ومعن سلات ورد وبعدن مباشرة بتدخل روح اللي سحرت جميع الموجودين بفستانها الأنيق المزين بالدانتيل والتصميم اللي بياخد العقل... مشيت والورد بيترش عليها من الجهتين وصلت لعند مرهف اللي واقف مسحور من كمية الجمال والرقة مسك ايدا وسحبا وبلشو يرقصو سلو.. بعد شوي أخدا وقعدو ع الأسكة وبلش يطلع فيا روح: شبك ليش هيك عم تطلع فيني مرهف: طالعة كتير حلوة روح: بخجل شكرا وانت طالع شخصية فجأة اجت رهف وقربت ع مرهف واخدتو مباوسة.. مبروك ميمو طالع جنتل مان ليوم مرهف: شكرا رهف.. بعرفك مرتي روح... رهف : تشرفنا مرهف: أنا رح شوف الشباب وراجع مابطول روح: اوك قربت رهف ع روح رهف: شو عاملتيلو لحتى تزوجك هوي كان شايل الفكرة من بالو روح: وانتي شو خصك ما فهمت رهف: ع فكرة انا ومرهف كنا نحب بعض كتير روح: اي تمام رهف: شو تمام انتي مجنونة عم قلك كنت حبيبتو روح : انتي عم تقولي كنا يعني ماضي ... وانا ما بهمني ماضيه لأن انا الحاضر الو واللي متلك بعرفن منيح رهف: الله لا يهنيني اذا بخليكن تتهنو وبتشوفي.. تركتا ومشيت روح : يقطع عمرا شو حية.. الله يمرق هل 3 شهور ع خير ع الطاولة من الطاولات كانت قاعدة رؤى لحالا.. حست حدا قعد جنبا معتز: مرحبا رؤى: هلا معتز: انا أسمي معتز رفيقو ل مرهف المقرب رؤى: وانا اسمي رؤى رفيقتا ل روح المقربة معتز: بصراحة من يوم الطلبة لما شفتك مارحتي عن بالي ولا دقيقة رؤى: عفوا بس ليش معتز : يمكن انعجبت فيكي رؤى: بخجل امممم شكرا الك معتز : فيني اخد رقمك ونصير نتواصل رؤى: طيب سجل عندك ع طاولة تانية كان قاعد لؤي وليليان عم يتسايرو وهني مبسوطين لؤي: لك طالعة بتشلي ليوم بتعرفي ليليان: دخيل قلبك حبيبي وانت طالع كتير حلو لؤي: ليكي انا ابقا فيني اصبر بدي اطلبك من اهلك ليليان: حبيبي ع مهل شوي بس لأتخرج لؤي: اوووف أمري لالله رح استنى.. لك دخيل جمالك يا اميرتي ليليان: يا حبيبي انت قوم نرقص يلا خلصت الحفلة اللي كانت مليانة بالفرح والمزح والضحك والكل توجه ع بيتو لكن ماكانت بتعرف روح شو ناطرا 📌قصـ📚ـص مبتعدين🎀عن العـ🌏ـالم ✧═══════•❁❀❁•═══════✧ 🏠بيت بلا كتب جسد بلا روح💔 ✧═══════•❁❀❁•═══════✧ ☞ 𝓜𝓞𝓱𝓪𝓶𝓪𝓭 ☜ 🇸🇾☞ 𝓜𝓞𝓱𝓪𝓶𝓪𝓭 ☜ قُنِآهّ خَأّصٌ بِنِشٍر أّلَقِصٌصٌ وِأّلَروِأّيِّأّتّ📚 لََّسنِأّ أّلَوِحٌيِّدِوِنِ وِلَګنِنِأّ أّلَأّروِعٌ وِأّلَأّفِّضّلَ🎉 نِبِدِعٌ وِنِتّمَيِّزِّ مَهِمَأّ حٌأّوِلَوِ تّقِلَيِّدِنِأّ فَِّّسيِّفِّشٍلَوِ😎