🍃قِصٌصٌ💥 مَبِتّعٌدِيِّنِ🌹 عٌنِ أّلَعٌأّلَمَ🌍 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* القراءة غذاء الروح والعقل🧠 *✧┅ׄ┉֢┅ׄ┉֢┅ׄ┅ׄ┉֢┅ֶָ୨M୧ׄ┉֢┅ׄ┅ׄ┉֢┅ׄ┉֢┅ׄ✧* *❴📖❵↵*زواج.مصلحة.tt *❴🔢❵☟الـــبـــــــــــ❴الثاني ❵ــــــــــــارت☟* 〰️〰️〰️〰️〰️〰️〰️〰️〰️〰️ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ 🍃💥مبتعدين🌹 عن🔥 العالم🍃🌍 https://whatsapp.com/channel/0029VaFcFDSHrDZp5tqeeu23 ☞  𝓜𝓿𝓫𝓽𝓪𝓮𝓲𝓭𝓲𝓷 🇸🇾𝓔𝓝 🇸🇾 𝓪𝓵𝓪𝓵𝓪𝓶 ☜ 〰️〰️〰️〰️〰️〰️〰️〰️〰️〰️ وصلو ع الغرفة كانت كتير مرتبة وانيقة... فاتت روح وفي جواتا غصة... ما كنت متوقعة بيوم من الأيام اني اتزوج زواج مصلحة... كل بنت بتحلم تتزوج زواج صحي وتأسس عيلة.. كانت عم تحاول تتناسا شو رح يصير بعد ما تخلص هالأتفاقية.. خاصة انو حكي الناس ما بيرحم بينما مرهف كان شارد وحاسس بكتير مشاعر ملخبطة... من شهر كان رافض فكرة الزواج رفض قطعي... وليوم هوي عريس وب ليلة الدخلة اللي مارح تكون الا ذكرى ولا معنى... صحاه من شرودو صوتا. مرهف: ما فهمت شو كنتي عم تقولي روح: عم قلك بدي فوت غير واخد شاور ممكن تطلع لبرا مرهف: لوين بدي اطلع.. شو نسيتي انو نحنا قدامن منحب بعض... المفروض تكون ليلة دخلتنا زورتو ومشت اخدت غراض وفاتت ع الحمام...وهوي غير تيابو واتسطح ع التخت... بعد وقت قصير طلعت وشافتو متمدد... هاد شو عم يعمل ع التخت مو اتفقنا انو ما بشاركو مع حدا.. قربت وبلشت تصحيه روح: مرهف قوم مرهف: شبك ليش عم تفيقيني روح: عفوا شو ليش عم فيقك... ليش نايم ع التخت مرهف: ع فكرة هاد تختي وين بدي نام لكن روح: مابعرف وين نحنا اتفقنا انو ما بتشارك معك التخت مرهف: وانا ماني قايم روحي نامي ع الكنباية روح: بالله شو بدك ياني انا نام ع الكنباية مرهف: اي ليش شو بينقص منك انسة روح.. اتطلعي فيني نحنا قدامن منحب بعض ومتفاهمين. بس هون بيختلف الحكي.. يلا حلي عني روح: وهيي معصبة ماشي يا مرهف اساسا انت واحد كذاب قلب لتاني جهة وهوي عم يضحك.. اخدت المخدة والغطا ونامت ع الكنباية... _____________ تاني يوم صحيت روح ع دقة الباب... ركدت لعند مرهف اللي كان بسابع نومة حاولت تصحيه لكن من دون فايدة... راحت فتحت الباب لبنى: صباح الخير يا عروس صباحية مباركة روح: صباح النور مرت عمو الله يبارك فيكي لبنى: يلا فيقي مرهف الفطور جاهز روح: يلا رح فيقو وننزل وهيي نازلة طرقت عينا ع الكنباية والمخدة... كملت طريقا وهيي عم تمتم لعما هالبنت ليش نايمة ع الكنباية ليكون في مشكلة بيناتن... صحاها من شرودا صوت عدنان عدنان: شبك عم تحكي مع حالك لبنى: لك طلعت لفيق العرسان بس انتبهت ع شغلة كل واحد نايم بجهة عدنان : بكونو مستحيين من بعض معن معن بيتعودو تركين ع راحتن لبنى: طيب متل مابدك بعد وقت قصير اجتمعو الكل ع الفطور عدنان : الف مبروك يا ولاد بالرفاه والبنين انشالله مرهف: الله يبارك فيك بابا ويطولنا بعمرك روح: الله يبارك فيك عمو مرهف: شو وينا لولو ماما لبنى: طلعت من بكير قال عندا محاضرات مهمة مرهف: اي ماشي... انا طالع بدكن شي عدنان : لوين طالع وتارك عروستك انت عريس هلأ مابصير تروح مرهف: بابا عندي شغلة بخلصا وبرجع يلا باي لبنى: لا تزعلي حبيبتي هني هيك الرجال شو بدك تساوي روح: لا عادي مرت عمو ما زعلت... خلصو فطور وطلعت روح ع غرفتا... هفف لأيمت بدي ضل مكملة بهالتمثيلية من أولتا تعبت... الله يمرق هالفترة ع خير __________ منروح عند معتز ومرهف اللي كانو محتارين وين بدن يروحو يقعدو معتز : طمني كيف الحياة بعد الزواج مرهف: لك تضرب بشكلك اي ع اساس مابتعرف البير وغطاه معتز: هههه عم نهز الورد لنشمو ولو مرهف: لمهم هلأ ما قلك لؤي شو هالشغل اللي عندو معتز: لا ولله ما قال مرهف: غريب طيب وين بدنا نروح معتز :مابعرف انت قرر خلينا نغير ولو مرهف: بتعرف في كافيه جنب بيتنا حلوة كتير خلينا نجربا معتز: اي موافق يلا نمشي ___________ بكافيه قريبة من لبيت كان قاعد لؤي وليليان عم يتسايرو لؤي: حبيبي خلينا نخبر اهلك وأهلي شو رأيك ليليان :ولله حاسة انو بكير بعدين لسا ما اتخرجت لؤي: حبيبتي منخطب هلأ وبس تتخرجي منتزوج ليليان :ولله مابعرف لؤي : ليليان انتي بتحبيني ليليان: طبعا حبيبي شو هالسؤال لؤي: معناتا ليش خايفة.. أنا حاسس حالي مو مرتاح وخصوصا اني رفيق مرهف.. مابدي ياه يفهمني غلط او يعرف من حدا غيري ليليان : طيب متل مابدك حبيبي رح خبر اهلي لؤي:لك يقبرني الله انا ليليان : وهيي عم تضحك يخليلي ياك يا روحي ___________ وصل مرهف ومعتز ع الكافيه وقعدو معتز: اي شو بدنا نطلب مرهف: قبل ما نطلب دقلو لهالغبي لؤي نشوف اذا خلص ولا لا معتز: يلا رح دقلو حمل جهازو ودق للؤي...سمعو صوت رنة موبايل التفت مرهف ومعتز ع الصوت .. ليتفاجئو بالشي اللي شايفينو... لؤي قاعد مع ليليان وماسك ايدا وعم يضحكو سوا كانت ضربة لمرهف وحس بخيانة من اعز صحابو... حمل حالو مرهف وراح ع الطاولة وبلش يسفق... ومعتز. وراه حاطط ايدو ع وجهو... بينما لؤي وليليان مصدومين وخجلانين بنفس الوقت مرهف: برافوو برافووو رفيقي واختي مع بعض ومن ورا ضهري لؤي: مرهف خليني فهمك مرهف: خررراااااسسس وضربوو كف متل فراق الوالدين لؤي: وهوي حاطط ايدو ع وجهو... عم تضربني يا مرهف مرهف: بضربك وبضرب اللي خلفك وبكسر راسك لؤي: مرهف لا تجن انا واختك منحب بعض وبدنا نتزوج ليليان : اي اخي انا بحبو وبدي ياه مرهف: انتي خرسي ولا حرف حسابك بعدين... وانت فشرت عينك تطول ضفرا وجهك ماعد بدي شوفو بحياتي.. واذا بسمع انك عم تحكي معا....اعتبرو اخر يوم بعمرك... اخدا وهيي عم تبكي ومشيو.. بينما معتز ضل عند لؤي عم يهديه ويلومو كيف خبى هيك شي بالسيارة كان قاعد معصب كتير... وليليان عم تبكي ومنهارة مرهف: انتي من ايمت بتخبي عني ليليان: ولله كنت بدي احكي اخي حتى من شوي كان عم يقلي خبري اهلك مرهف: ما فشر بعينو... إذا بسمعك عم تحكيه ما تلومي الا نفسك فهمتي _______________ عند روح كانت قاعدة ومالة... لما دخل مرهف وماكان شايف قدامو حدا اخد منشفة ودخل ع الحمام ... لعما شبو هاد مبين معصب كتير بعد شوي طلع واتسطح ع التخت... بعد صمت طويل روح: شبك شو صاير معك مرهف: ما شبني شي روح: مبين معصب ومو ع بعضك مرهف: شي ما بيعنيكي روح: وهيي منغاظة وليش هيك عم تحكيني انفلق اخر همي بسرعة البرق كان مرهف عندا وماسكا من ايدا وحاشرا بالزاوية...انتي ما خصك فيني عم تفهمي... لتكوني مصدقة حالك مرتي روح كانت شاردة فيه شاردة بعيونو... شاردة بتعابير وجهو... بشعرو الكثيف الناعم... بشفايفو ... حست دقات قلبا تسرعت ونفسسا يطلع وينزل... بينما مرهف صفن فيا وبجمالا...بعيونا العسليات ورموشا الطوال... بشفايفا اللي متل حبات الكرز... قرب منا وصار وجهو مقابيل وجها.. اللي بدورا غمضت عيونا.. للحظة أتراجع وبعد عنا مرهف: وهوي متلبك صارت معي قصة زعجتني ما اكتر انتي مايهمك روح: طيب ماشي انا نازلة لتحت ____________ بالمطعم عند رؤى وهيي عم تودي طلبات.. رن موبايلا رقم غريب معتز: مرحبا انسة رؤى رؤى: يا هلا مين معتز: انا معتز رفيق مرهف رؤى: هلا استاذ معتز.. كيفك معتز: هلا صرت منيح بسماع صوتك رؤى: بخجل.. تسلم استاذ معتز معتز: ممكن تناديني معتز حاف بلا استاذ رؤى: طيب اوك معتز :فيني اعزمك ع فنجان قهوة ونحكي شوي رؤى: طيب مافي مشكلة ع الساعة 5 منيح معتز: ممتاز... بشوفك _____________ ليليان كانت منهارة وكل الموجودين بالبيت لاحظو هالشي...وهيي قاعدة اندق الباب وفاتت روح.. بتسمحيلي فوت ليليان : تفضلي روح روح: شو صاير معك ليش هيك عيونك مورمة ليليان :................... روح : اعتبريني رفيقة او اخت.. فيكي تحكيلي كل شي بدون ما تفكري ليليان: ما تحملت وانفجرت بالبكي... وحكتلا كل شي صار روح: ليليان روقي حبيبتي... اللي عملتيه كان غلط.. كان لازم تخبري اخوكي من الاول اكيد كان رح يوقف جنبك ليليان : كنت رح خبر الكل ولله بس كان بدي شوية وقت لأتاكد من صحة مشاعري... بس مابعرف ليش هيك صار روح: طيب انتي روقي هلأ ولا بقا تبكي.. وأهم شي انك ما تحكي مع لؤي مشان ما تكسري كلمة مرهف... وانا رح احكي معو بس يجي ليليان: طيب... عنجد مارح انسا معروفك معي انتي اختي وحضنو بعض _____________ منرجع عند معتز ورؤى اللي قاعدين ومتلبكين... حاول يدارك الوضع ليفتح حديث معتز: انتي شو بتدرسي رؤى: انا مخلصة تاريخ وانت معتز: شو هالصدفة وانا مخلص جغرافيا وموظف رؤى: حلو كتير معتز : رؤى حكيلي عنك رؤى: عمري 24 بابا وماما منفصلين... كل واحد شاف حياتو واتزوج.. انا ساكنة مع بابا ومرت ابي عندي اخوات صبي وبنت من بابا.. بشتغل بمطعم... وماعندي رفقات غير روح.. وانت حكيلي عن حالك معتز: انا خلصت جغرافيا واتوظفت عمري 29 ساكن لحالي اهلي مسافرين بكندا عندي 3 شباب وبنتين رؤى: حلو كتير الله يخليلك ياهن معتز : الله يسلمك ... بصراحة انا معجب فيكي كتير من لما شفتك بالطلبة وانتي ببالي.. عندك مشكلة انو نتعرف ع بعض اكتر رؤى: بخجل.. بصراحة وانا معجبة فيك معتز: بفرح.. يعني مافي مشكلة رؤى: لا 😊 معتز : دخيل ربك انا يلا امشي عازمك ع احلا وجبة شاورما ______________ المسا كانت قاعدة روح وناطرة مرهف... لحتى واخيرا اجا مرهف: مسالخير روح: مسالنور وين كنت طولت كتير مرهف : ليكي نحنا بالغرفة مافي داعي تمثلي كمان هون روح: ومين قال عم مثل... من حقي أسألك وين كنت.. ومع مين مرهف : ههههه انتي اكيد مجنونة... كذبتي الكذبة وصدقتيا روح: مرهف انا ماعم بمزح... نحنا صح اتزوجنا زواج مصلحة.. بس هاد ما بيعني تتركني قاعدة ليل نهار لحالي هون.. وانت الله واعلم وينك ومع مين.. بدك تحترمني وتحترم اني مرتك مرهف: صح انتي مرتي ع الورق.. ومارح تصيري بحياتك اكتر من هيك مابتعرف روح ليش حست احساس بشع كتير خاصة لما حكالا هالجملة.. بينا وبين حالا ما كانت بتنكر اعجابا فيه روح: تمام بس شو مشان ليليان.. لبنت منهارة مرهف: لا تدخلي بشي ما بيعنيكي روح: فينا نقعد ونتناقش ك تنين واعيين لمرة وحدة بس مرهف : طيب قعدي لشوف آخرتا معك روح: مرهف ليليان من حقا تحب وتنحب.. من حقا تختار شريك حياة مناسب الها... لا انت ولا اي حدا بالكون بياخد قرار عنا... هيي ممكن تكون غلطت لما خبت عنك... بس هيي كانت بحاجة وقت لتتأكد من مشاعرا... وواضح لؤي اديش بحبا واديش هيي بتحبو... حرام توقف بطريقن وخصوصا انو هني جديين بعلاقتن مرهف: لؤي رفيقي من زمان كتير ونحنا منحكي كل شي لبعض... يمكن لو اجا قلي انا معجب بأختك وبدي ياها كنت رح اتقبل...بس اني شوفن قاعدين بكافيه لحالن ماعم تزبط معي روح: هني غلطو لما خبو بس هي بضل اختك من لحمك ودمك... ولؤي بضل رفيقك اللي انت وياه عشرة عمر... لا تخسرن وتخلين يخسرو بعض... كون انت السند الن ولعلاقتن مرهف: مابعرف انسي الموضوع مو حابب فكر بشي هلأ روح:متل مابدك بس لو سمحت فكر بشكل منطقي للحظة صفن فيا.. اديش حكيا حلو ومريح... حسا كتير قريبة منو... صفن بعيونا العسليات الوساع.. حس بشعور غريب وصارت دقات قلبو تعلا كتير... اتجاهل كل شي حاسس فيه وطلع تارك روح وراه عم تتخبط هيي وأحاسيسا ماكانت بتعرف شو الشعور اللي عم تحس فيه اتجاه مرهف هالفترة ______________ بعد وقت حملت موبايلا ودقت لرؤى....نطرت شوي بعدا ردت رؤى: لك اهلين ياروحي اشتقتلك روح:وانا اشتقتلك كتير شو اخبارك رؤى:مبسوطة كتير روح: شو سر هالسعادة هاتي لنشوف حكتلا رؤى عن معتز كل شي.... اللي بدورا باركتلا وتمنتلا الخير رؤى: بس انتي شبك مو ع بعضك شو صاير روح: مابعرف رؤى مو مرتاحة مو مصدقة تخلص هالاتفاقية رؤى: ايا اتفاقية حست روح ع حالا غلطت وزلقت بالحكي... لكن استسلمت للأمر الواقع وقررت تحكيلا كل شي لرؤى... بعد شوي رؤى: انتي عنجد عم تحكي كيف بتقبلي تتزوجي هيك روح: هيك صار... لمشكلة عم حس بشعور غريب رؤى: ولي لتكوني حبيتيه روح: مابعرف بس لما بشوفو قلبي بصير يدق بسرعة رؤى: ولله شكلك وقعتي وما حدا سمى عليكي روح: يمكن ______________ بعد فترة لؤي وليليان :كانو منهارين وحاسين بالعجز.. ماعد اتواصلو احتراما لرأي مرهف معتز ورؤى : علاقتن عم تقوا كتير وبلشو يوصلو بعلاقتن للمراحل الجدية وراح طلبا من أهلها وكتبو الكتاب مرهف وروح: علاقتن ملخبطة يوم بيحكو ويوم ما بيحكو... وكل واحد بيرمي للتاني بسمار.. روح كانت حاسة بأعجاب كبير اتجاه مرهف... ومرهف نفس الشي... لكن كبريائن خلاهن يتناسو الشي اللي عم يحسو فيه رهف: كان سكوتا وهدوئا يعتبر هدوء ما قبل العاصفة عم تفكر بكتير قصص لتفرق روح ومرهف.. يا ترى شو رح تعمل عدنان ولبنى : كانو عم يستنو بفارغ الصبر يسمعو شي خبر يفرحن عن حفيد جاي ع الطريق ______________ بعد يومين ع الساعة 11 للصبح كانت روح عم تجهز حالها... لبست فستان حفر طويل باللون الزهر مع صندل ابيض وجزدان أبيض...اكتفت بشوية تنت زهر ع الخدود والشفايف وشوي مسكرة... رشت من عطرا الساحر وتركت شعرا الناعم ع راحتو... بهاللحظة بيدخل مرهف بصوت همس شو هاد اللي شايفو قدامي... شو هالجمال...معقول هي مرتي انا....انتبه انو الفستان حفر حس انو الدم جمد بعروقو... حس بغيرة مابدو حدا يشوفا غيرو. مرهف: شو هاد اللي لابستيه روح: ليش مو حلو مرهف: حلو بس حفر ليكي كيف كتافك مبينين بعدين لوين رايحة روح : بدي امرق لعند ماما شوي بعدين متواعدة انا ورؤى مرهف: وانا اخر من يعلم يعني لك انا زوجك لازم اعرف كل شي روح:ليك نحنا بالغرفة ومافي داعي تمثل هون كمان مرهف: مين قال اني عم مثل.. من حقي أسألك لوين رايحة ووين جاي روح: ههههه عنجد مجنون انت.. كذبت الكذبة وصدقتا مرهف: روح انا ماعم امزح.. صح نحنا تزوجنا زواج مصلحة.. بس هاد ما بيعني تتركيني قاعد لحالي هون.. وانت الله واعلم وينك ومع مين.. بدك تحترميني وتحترمي اني زوجك روح: صح انت زوجي ع الورق.. ومارح تصير بحياتك اكتر من هيك للحظة اتذكر الحديث اللي دار بيناتن من فترة وحس بنفس الشعور اللي حست فيه روح لما قلا هيك اتمالك حالو مرهف: اتطلعي فيني بدك تطلعي ماعندي مشكلة بس بتلبسي جاكيت فوق الفستان.. وانا بوصلك وانا برجعك غير هيك لا روح: وهيي حاسة بفرح اوكي مافي مشكلة ______________ وصل مرهف روح لعند أما طلع سلم عليا ومشي... وهوي عم يتفتل بالسيارة رن موبايلو بأسم لؤي... نفخ بعصبية ومارد... بعد كذا محاولة قرر يرد لؤي: مرحبا مرهف كيفك مرهف: اهلين خير الك عين تتصل فيني لؤي: مرهف نحنا لازم نحكي لو سمحت عطيني هالفرصة بس مرهف: هففف طيب لاقيني بعد ربع ساعة بكافيه **** لؤي: اتفقنا...بشوفك ____________ بعد ربع ساعة كان قاعد لؤي ومرهف بمكان عام... لؤي كان متلبك كتير وماعم يطلع لحكي معو.. بعد صمت طويل مرهف: شو جايبني لهون لتسكت لؤي: مرهف انت رفيقي من زمان كتير وبتعرف اديش غالي ع قلبي انا ما ممكن اغلط معك او مس بشرفك عرضك عرضي مرهف: اي مزبوط لهيك كنت عم تلتقى بأختي بالسر لؤي: انت اكتر واحد بتعرف انو ما الي حركات مع لبنات ولما بحب بعطي من قلبي... أنا اختك من زمان معجب فيا وبحبا.. ولله كنت ناوي خبرك مرهف: وليش ما خبرتني لؤي: بنفس اليوم اللي شفتنا فيه كنت رح خبرك واخد منكن موعد... مرهف انا بحب ليليان كتير ومافيني عيش بدونا.. الموت أهون بالنسبة الي.. خود روحي بس لاتاخد ليليان مني حس مرهف من كلام لؤي اديش بحبا.. وانو ما لازم يوقف بوجه سعادتن مرهف: انا مارح وقف بوجكن الله يهنيكن اذا انتو رايدين هالشي بس اصحك بيوم شوف دمعة نازلة من عيون اختي والا قسما بالله لأدفنك بأرضك ما صدق لؤي حكي مرهف وهجم عليه ضمو من الفرحة كسرلو ضلوعو مرهف: لك شبك يا زلمة كسرتلي ضهري لؤي: من الفرحة ولله بوعدك انو خلي ليليان اسعد بنت بالعالم وماخليا تحتاج شي وانا موجود _____________ بمكان تاني معتز ورؤى قاعدين عم ياكلو معتز: اي حبيبي كيفا روح لكن مبسوطة مع مرهف رؤى: مابعرف بس حاسة انو هيي عنجد معجبة فيه معتز: معقول كمان مرهف يكون معجب فيا رؤى: احتمال كبير... أنا حاسة انو لقدام رح يصيرو يحبو بعض معتز: بتعرفي نحنا لازم نتحرك ونجمعن اكتر رؤى: كيف بدك تجمعن اذا هني متزوجين في اكتر من هيك قرب معتز: شو رأيك نجهز طلعة نطلع فيا كلنا بنهاية الاسبوع... وبعدين انا بعرف كيف قربن من بعض رؤى: وانا موافقة يلا لازم نمشي بقا روح ناطرتني معتز: اي يلا امشي بس اصحك تخبريا شي رؤى: اوكي ____________ منروح عند ليليان اللي قاعدة مكتئبة وماعم تاكل منيح كل الوقت عم تفكر ب لؤي... صحاها من شرودا صوت رسالة ع الموبايل من لؤي مكتوب فيا.. حبيبي ردي انا كنت مع مرهف وحلينا المشكلة... ما صدقت فورا رنتلو ليليان: لؤي انت شو عم تقول عنجد كنت مع مرهف لؤي: يا روحو ل لؤي اخخخ شو اشتقت لهالصوت ليليان : وانا اشتقت لصوتك واشتقتلك الك يا روحي.. فهمني شو صار لؤي: من شوي كنا انا ومرهف مع بعض حلينا القصة وقلي مارح وقف بوجه سعادتكن ليليان : يالله مو مصدقة واخيرا خفت انو ماعد شوفك واحكي معك خفت تنتهي علاقتنا هيك لؤي: لك انا مستعد موت كرمالك.. ليكي بتروحي هلأ بتاخديلي موعد مع اهلك انا ماعد اتحمل كون بعيد عنك ليليان: ياروحي انت ماشي لؤي: بحبك كتير يا اميرتي ليليان : وانا بحبك كتير يا أمير قلبي ____________ بعد وقت قصير كانو روح ورؤى عم يتمشو بالمول وهني عم يتسايرو ومبسوطين رن موبايلا لروح وكان مرهف مرهف: وينك انسة روح روح: بالمول انا ورؤى عم نتمشى وبدنا نروح نقعد بمكان هون مرهف: طيب انا جاي لعندكن روح: لوين بدك تجي.. حابة اقعد مع رفيقتي لحالنا مرهف: وانا حابب اجي يلا بشوفك سكرت روح وهيي مبسوطة بينا وبين حالا مبين انو مهتم لأمرا وحابب يضل جنبا.. راحو قعدو بمكان وبعتتلو الموقع وهني قاعدين تقدم شب لعندن : مرحبا روح ورؤى: هلا تفضل : عفوا مو الأنسة روح روح: اي انا روح مين حضرتك : ماعرفتيني انا زيد.. كنت معك بالجامعة روح: لك اهلين زيد كيفك شو الاخبار شو وين صرت زيد: ولله ماصرلي يومين واصل من السفر انتي طمنيني عنك وهني عم يتحدثو وصل مرهف وشاف هديك الشوفة... روح عم تحكي مع شب وعم يضحكو ومندمجين... بسرعة البرق صار عندن مرهف: مرحبا شو مين الأخ روح: اهلين مرهف بعرفك زياد زميلي من ايام الجامعة التقينا بالصدفة مرهف: وهوي كازز ع سنانو.. اتشرفنا انا بكون زوجا مرهف ومسك ايدا زيد: اهلين فيك... برم لعندا ما كنت متوقع لاقيكي متزوجة مرهف: ليش خير انشالله شو كنت متوقع تلاقي روح: حبيبي مرهف يلا خلينا نمشي... زيد انبسطت اني رجعت التقيت فيك زيد: وانا اكتر ومد ايدو ليسلم عليا.. لكن مرهف كان اسرع ومد ايدو بدالها وشد عليا مرهف: يلا حبيبتي امشو.. مشي وهوي عم يتزورو ومعصب ____________ المسا عند روح كانت متحممة ولابسة برنص وعم تدهن كريمات ع جسما لما فات عليا مرهف متل التور روح: بسم الله ليش هيك فايت رعبتني مرهف: ليش لتنرعبي... لكن انبسطي كتير بشوفتو روح: وهيي عم تغشم حالا... لمين مرهف: لهالتافه اللي اسمو زيد روح: مافهمت شو مشكلتك انت بالضبط مرهف: ليكي لا تتباردي عليي... اللي بشوفك عم تضحكي معو بقول الله واعلم شو في بيناتكن روح: مرهف احترم حالك انا ما بسمحلك تشكك بتربيتي مرهف: انا ماعم شكك بتربيتك بس كتير استفزني هالحقير ماشفتي كيف كان عم يطلع فيكي قربت روح لعندو وهمستلو... اعترف وقول انك غيران عليي مرهف: لا ماني غيران من وين جبتي هالحكي روح: اي فكرت لان شكلك وانت هيك كتير بضحك اخيرا انتبه عليا شو لابسة وبلش يطلع فيا من فوق لتحت وهوي فاتح عيونو ع الآخر... خجلت كتير من نظراتو وكانت روح تروح بس كان اسرع منا وسحبا وحشرا بالزاوية مرهف: بصوت اشبه للهمس بتعرفي انك كتير حلوة روح:.............. مرهف: شعرك... عيونك... انفك... تعابير وجهك... شفايفك... كلن حلوين انا بحياتي ما شفت هيك جمال روح: بخجل مرهف بعد خليني فوت البس ماخلاها ورجع سحبا لنفس المكان... قرب جبينو ع جبينا ودقات قلبن صارت مسموعة قرب من شفافا واخد قبلة مطولة غرقو تنيناتن فيا وراحو لعالم تاني صحاهن صوت دقة الباب ... سحب حالو وراح فتح الباب لبنى: مسالخير ماما يلا نزلو العشا جاهز مرهف: اهلين ماما يلا حبيبتي شوي ونازلين بعد شوي نزلو ليتعشو بس من جواتن كان في شعور غريب وجديد عم يعيشوه ع العشا خبرت ليليان أهلها عن لؤي....واخد موعد منن تاني يوم ليجو يطلبوا تاني يوم بلشو تجهيزات الطلبة وكانت ليليان عم تجهز حالها والفرحة مو واسعتا... عند روح كانت قاعدة لما فات لعندا مرهف مرهف : شو لسا ما لبستي روح: مافي داعي كون موجودة مرهف: كيف يعني مافي داعي انتي مرتي قصدي يعني مشان العالم روح: طيب ماشي مرهف: لبسي يلا ونزلي... بس لبسي شي كم لان رح يكون في عالم روح: بس انا حابة البس حفر مرهف: عض ع شفافو ليكي لا تجننيني بتلبسي كم وطويل روح: وليش يعني مافهمت مرهف: لان انتي هلا ع اسمي.. وبدك تحترمي رأيي روح : ماشي.. يلا كلا فترة وبتمر وبصير البس اللي بدي ياه حس مرهف بغصة لما اتذكر انو بعد فترة مارح تكون موجودة كان من جواتو حاسس بشي تجاها لكن ماكان يعرف يحدد شو هالشي _______________ ع الساعة 8 المسا اجا لؤي هوي واهلو والمفاجئة كانت انو زيد جاي معو بعد ماتمت الطلبة وقرو الفاتحة وكتبو الكتاب كان قاعد لؤي ومرهف ومعتز مرهف: لؤي هاد شو عم يعمل معك لؤي: هاد ابن عمي اسمو زيد جاي من لندن اجازة واجا معنا مرهف: يا حبيبي... هاد اللي كان ناقصني لؤي: ليش شبو مرهف: هاد زميل روح بالجامعة مبارح شفتو معا بس ماعجبني ابدا ماني مرتحلو نظراتو فيا شي معتز: اوووه معناتا الأخ هون غيران ولله وقعت وماحدا سمى عليك مرهف: بلا غلاظتك معتز لا غيرة ولاشي لؤي: ابن عمي ماعندو هالحركات مرهف اطمن مرهف:لنشوف شو أخرتا _______________ بالمطبخ كانت روح عم تجيب شي لما حست في حدا وراها... اتطلعت ولاقت زيد عم يطلع فيا روح: رعبتني زيد شبك زيد: روح فينا نحكي شوي من بعد اذنك روح:خير زيد شو في زيد: بتمثيل حاسس حالي مخنوق لو سمحتي خلينا نطلع ع البلكون شوي بدي احكيلك موضوع خاص فيني روح: طيب تفضل طلعو ع البلكون... وبلش زيد يمثل ويحكي ويستعطفا.. وهيي مصدقتو بعد كم دقيقة ما حست الا زيد سحبا من حصرا ولزقا فيه وقرب بدو ياخد بوسة من شفافا لكن كانت اسرع منو وضربتو كف وبعدت عنو روح: انت مجنون شي كيف بتتجرأ تعمل معي هيك زيد: روح سامحيني ولله غصب عني روح:ماعد بدي شوف وجهك فهمت انقلع من هون تركتو ومشيت بعد ما مشيت ضحك بأنتصار واتطلع لناحية تانية وشاف الشب اللي حطو ليصور كل شي صار ... رن ع رقم ونطر الرد زيد: هاي يا حلوة رهف: طمني شو صار معك زيد: ههههه ولووو صارو الصور معنا رهف: بأنتصار لنشوف شو رح يكون رأي مرهف بالصور اكيد مارح يضل معا بعد اليوم زيد: لساتك عند وعدك رهف: طبعا يلا