⛔️☢️صباح المساء ☢️⛔️ اسكندريه والزلازل والتسونامي ..واشياء أخرى اظن بقى واضح لكل دارس ومتعلم تعليم جامعي او متوسط او دبلوم او فني او حتى محو اميه...ان كلامي بخصوص يجب عليكم بدء التثقف والاهتمام بأمر الارض وثباتها ده مبقاش رفاهيات....ليه !!علشان ميتلعبش بيكم في ترندات ⛔️ اي حد هتكلمه عن الوضع التكتوني للارض هيقولك ياعم ما لسكندريه غرقت قبل الميلاد قبل كده ..طب هل هيشرح الظروف ليك وانها اتضربت ب ٢٢ زلزال في كام سنه ياعم!!! في ٢٢ سنه ياعم الحج اه والله من ١٣٠٠ حتى ١٣٢٠ تقريبا بمعدل كل سنه زلزال...حتى غارت الارض وبدات تنزلق في البحر اصدمك واصدم اي حد يتحداني ان اي بحث علمي بيتكلم عن غرق اسكندريه لم يذكر الضرب بالزلازل اصلا!!!!!! بل بالخسف او الغور في الارض وفق دراسه اتعملت بمنتهى الجديه والاحترافيه زادت نسبه الانهيارات الارضيه في اسكندريه من ١ الى ٤٠ في العام الواحد مع زحف المياه المالحة إلى أسفل أساسات المدينة، وعلى مدار العشرين عامًا الماضية، دُمر 280 مبنى بسبب تآكل السواحل، مع تعرض 7000 مبنى آخر لخطر الانهيار في المستقبل وبحلول ٢٠٣٠ هيكون اجزاء كبيره من السواحل تحت خط الماء وعلى عام ٢٠٥٠ تلت المدينه!!!! تلت اسكندريه تحت الماء يبقي انت فهمت ان في انزلاق تكتوني بيحصل واساسات بتضربها الماء المالح والتربه الرمليه ف تلقي بالمدينه شيئا فشيئا نحو الماء كأنها تنزلق ⛔️التحدى التاني ان في ناس عملت افتراضات بسميها زوبعه سنمائيه لزوم الريتش وهي وضع افتراضات ان لو حصل زلزال قدرته كذا هيحصل تسونامي ارتفاعه كذا هيدمر المدينه في كذا وكذا!!!!! ماذا تعاطون؟ زلزال مينامار وصل ٨ ريختر وتم اطلاق تحذير من تسونامي وهوب محصلش حاجه زلزال تهوكو الياباني الشهير عام ٢٠١١ بلغ ٨.٩ ريختر بردو وصلت ارتفاع موجاته ل ١٠ امتار طيب اي الفرق!!! الفرق في طبيعه الموجات يا عزيزي..الحركه نفسها في قاع البحر عملت اي ودامت قد اي وحصل ازاحه كبرى ولا لا فمبنفعش تيجي تقول لو حصل زلزال قدرته كذا هيعمل تسونامي كذا ده عبث! ممكن زلزال ٤ ريختر ع الساحل يعمل انهيار بسيط يغرق الدلتا والساحل الشمالي كله😀 ازاي اجدع ! هقولك زلزال بسيط عمل ازاحه لحته ارض تحت الماء كانت بتتلكك وتوقع فوقعت ف عملت ازاحه ضخمه فعملت تسونامي مرعب وممكن زلزال ٩ ريختر ميمعملش اي تسونامي لانه ببساطه له نمط حركي معين ببساطه مسببش ازاحات تحت الماء تعمل موجات ارتداديه 🙃 طيب هل خلاص كده!! لا يافندم مخلصش في عوامل اخرى تقاس وتؤخذ في الحسبان في قضيه التسونامي ☢️ بنعتبر الزلازل السبب الرئيسي لـ 72% من حالات التسونامي، خاصة تلك التي تحدث في مناطق الاندساس (انزلاق صفيحة تكتونية تحت أخرى) زي ما قولنا علشان (نفترض نموذج مثالي ) لزلزال يعمل تسونامي فعندنا مجموعه عوامل مهمه زي - أن تكون قوته 6.5 درجة أو أكثر على مقياس ريختر . - أن يحدث على عمق ضحل (أقل من 70 كم تحت قاع البحر) . - أن يتسبب في حركة عمودية لقاع البحر، مما يزيح كميات كبيرة من الماء . وده وضحته فوق🙃 2.الانهيارات الأرضية والزلزالية - ودي يا سيدي هتشمل: - الانهيارات تحت الماء: مثل انهيارات الرواسب على حواف المنحدرات القارية، والتي تدفع الماء بشكل مفاجئ . -الانهيارات البرية: مثل سقوط كتل جليدية أو صخرية في المحيط، كما حدث في خليج ليتويا بألاسكا عام 1958، حيث وصل ارتفاع الموجة إلى 520 مترًا . وزي انهيار ستوريغا في عصور الارض الاولى والي ردم كل اوروبا بالماء حتى المتوسط 3.الانفجارات البركانية - تؤدي الثورات البركانية تحت الماء أو بالقرب من السواحل إلى: - انهيار جزئي للبركان في البحر، مما يولد موجات كبيرة (مثل ثوران كراكاتوا عام 1883 في إندونيسيا الذي قتل 120 ألف شخص) . ده واحد من اكثر انفجارات العالم رعبا واعلى صوت انفجار مسجل - تدفق الحمم البركانية أوالتيارات البيروكلاستية التي تدفع المياه بعنف . 4. تأثيرات النيازك والأجسام الكونية - يُعتبر سقوط نيازك كبيرة في المحيطات نادرًا، لكنه قد يسبب تسونامي هائلًا بسبب الطاقة الكبيرة المنبعثة من الاصطدام . 5. الخصائص الجغرافية للمنطقة - عمق المحيط: في المياه العميقة، تتحرك موجات التسونامي بسرعة تصل إلى 800 كم/ساعة، لكن ارتفاعها لا يتجاوز مترًا واحدًا. عند اقترابها من السواحل الضحلة، تقل السرعة ويزداد الارتفاع إلى 30 مترًا أو أكثر . - شكل الخط الساحلي: الخلجان الضيقة أو المنحدرات الحادة قد تزيد من تركيز طاقة الموجة، مما يرفع ارتفاعها . 6. التغيرات المناخية والجليدية - ذوبان الأنهار الجليدية أو انهيار الجروف القطبية قد يسبب إزاحة مفاجئة للمياه، خاصة في المناطق القطبية . أمثلة من ناريخنا طيب على كلامك ياعم الحج توضح تأثير هذه العوامل: اوي اوي عنيا - تسونامي المحيط الهندي 2004: ناتج عن زلزال بقوة 9.1 درجة تحت البحر، أزهق أرواح 230 ألف شخص . - تسونامي اليابان 2011 : نتج عن زلزال بقوة 9.0 درجة، ووصلت أمواجه إلى 40 مترًا . ☢️ يبقي لما حد يقولك ده حكومات العالم مصنفه اسكندريه انها هتغرق ده مش حرب يافندم ولا هما هيغرقو المدينه لان التقرير ذكر اكتر من ٣٠ مدينه ساحليه معرضه للغرق زي اسكندريه بالظبط منهم نيويورك وبالي وطوكيو وفينيسيا وومكسيكو وامستردام وبانكوك والبصره ونيو اورلينز وريو دي جانيرو والهند كلها🙃 اه والله العظيم الهند مهدده اننا نصحى منلاقيهاش ع الخريطه ...يبقي ده حدث كوني علمي له اسباب علميه الاعمى لامحها ق ميجيش انا علشان أثير الجدل اقول ده العالم كله ينتظر غرق اسكندريه... 🔻🫠الخلاصه ؟ ☢️كفايه هلك ورزع ☢️مفيش تسونامي ٧٠ متر في بحر مقفول زي المتوسط ☢️مش اي وزلزال يعمل تسونامي ☢️اسكندريه مهدده بالغرق كطبيعه جغرافيه لارض بتغور في البحر والبحر بيعلى عليها بيلتهمها ومشكله لسكندريه في اساستها وانهيار معمارها ع ارض شبه اللادن وشرحت قبل كده ☢️وارد كل ده ميحصلش عادي جدا في مشيئه للخالق ووارد بكره نتفاجئ بتسارع كل العوامل ....من سنتين كانت الناس هنا متعرفش يعني اي زلزال في مصر وخيال علمي ☢️الاحترار وارتفاع مستوى البحر عالميا عامل مهم مهم مهم للقلق اهم من اي زلزال او تسونامي او بركان لو هنركز وناخد احتياطات ☢️حتى الان مفيش اي مشكله تواجه اسكندريه لا زلازل ولا براكين ولا اي بتنجان ..مع العلم انها مشكله ساحل كامل ودلتا مصر مهدده بنفس التهديد بس لقيو اسكندريه بتاكل مع الناس ف خلوها لبانه بقى .....اي الزهق ده اما اقوم ارزع اسكندريه في جمله مفيده في سياق علمي حلزوني ⛔️ لما بنقول بلد ساحلي هيغرق ده هيكون انزلاق مقدر ب امتار او سنتيمترات او اميال ...مش موجه قد الجدار الناس تصحى تلاقيها بتبوسهم من الدور العاشر ....واجهو الحقائق بشجاعه وتسليم لان تخبطكم تحت مسمى الخوف بيسمح لاي حد يشتغلكم ويستغل خوفكم في ترويج اي رزع تشاو🔺