Rhaposdy Cebuano Fri Jun 13 2025 PAGBAROG NGA LIG-ON—AYAW PAGKOMPROMISO Sa diha nga ikaw magaubog sa mga tubig, ako magauban kanimo; ug sa mga kasapaan, kini dili magalapaw kanimo: sa diha nga ikaw magalakaw latas sa kalayo, ikaw dili masunog, ni ang kalayo mosilaub diha kanimo (Isaias 43:2). Mahimo nimong makaplagan ang imong kaugalingon nga gihampak sa mga pagpit-os ug mga paglutos sa tanang bahin tungod sa Ebanghelyo; ayaw pagkawalay paglaum. Ang imong ginabuhat kay adunay umaabot. Ang inyong paghago diha sa Ginoo kay dili makawang; kini adunay katuyoan ug walay katapusan. Ang Dios wala gayud misaad nga ang tanan mahimong hapsay o walay mga hagit. Siya misulti kanamo nga adunay mga kalisdanan, mga pagsulay, ug mga kaaway. Apan taliwala niining tanan, Iyang gipasaligan kita sa Iyang presensya ug kadaugan. Hinumdomi ang atong nabasa sa atong pangbukas nga kasulatan; Wala siya moingon nga walay bagyo o sunog. Ang saad dili ang pagkawala sa mga hagit kondili ang kasiguroan sa Iyang presensya ug panalipod alang kanimo taliwala sa mga kalisdanan. Makatabang kini kanimo nga masabtan ang rason nga Siya miingon, “Ihapa nga bug-os nga kalipay kon makaagi kamo sa nagkalainlaing mga pagsulay” (Santiago 1:2). Ang Biblia nagsulti kanato diha sa Daniel 3 mahitungod kang Sadrach, Mesach, ug Abednego, tulo ka batan-ong mga lalaki kinsa mibarog nga lig-on sa ilang pagtuo bisan pa sa grabeng oposisyon. Ang ilang istorya kanunay nga mahinumduman tungod sa nagdilaab nga pugon ug sa ilang milagroso nga pagluwas, apan adunay labaw pa niini. Sa wala pa sila itambog ngadto sa kalayo, nag-atubang sila sa pagkondenar, pagsalikway ug bakak nga mga akusasyon. Ilang giagwanta ang pagdumot ug pagsupak tungod lang kay sila midumili sa pagkompromiso sa ilang pagtuo. Ang 2 Corinto 4:17 nag-ingon, “Kay ang among magaan nga kagul-anan, nga sa makadiyut lamang nagabuhat alang kanamo ug labaw pa gayud nga kahalangdon, sa walay katapusang kabug-aton sa himaya.” Mao nga, adunay mga butang nga kinahanglan nimong atubangon, agihan, barugan og batok ug atubangon aron makapuyo ka sa kinabuhi nga balaan nga gihatag sa Ginoo kanimo. Tingali adunay mga kaaway sa matag kilid, apan taliwala nilang tanan, ikaw labaw pa sa usa ka mananaug. Ang 2 Timoteo 3:12 nag-ingon, “Oo, ug ang tanan nga buot magkinabuhi nga diyosnon diha kang cristo Jesus mag-antos sa paglutos.” Labaw pa Siya nga anaa kanimo kay Kaniya nga ania sa kalibutan (1 Juan 4:4). Iyang gipasalig sa Mateo 28:20 (NIV), "Ug sa pagkatinuod ako magauban kaninyo sa kanunay, hangtud sa katapusan sa kapanahonan." Ibutang ang imong mga mata sa umaabot ug sa Iyang himaya. Pagdumili nga malinga sa temporaryo nga mga hagit. Pagsalig nga bisan unsa pa, Ang Iyang Pulong mopatigbabaw sa imong kinabuhi, ug ang Iyang himaya igapadayag kanunay diha ug pinaagi kanimo. Prayer / Confession Nagbarug ko nga lig-on sa hugot nga pagtuo, bisan unsa pa ang mga hagit o mga oposisyon, tungod kay ang Usa nga labaw sa tanan nagpuyo kanako. Ang imong Pulong nagbutang kanako sa matag pagsulay, ug ako naglakaw sa walay katapusan nga kadaugan. Salamat sa imong presensya, sa imong proteksyon, ug ang imong Pulong nga dili mapakyas, sa Ngalan ni Jesus. Amen Further study 1 Corinto 15:57-58; Roma 8:31-37; 2 Corinto 4:17 1-year bible reading plan Mga buhat 4:1-31 & 2 Cronicas 16-19 2-year bible reading plan Lucas 1:26-38 & Deuteronomio 11 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F