Rhapsody Xitsonga Sat Jun 14 2025 MATIMBA YA XIVONO NI SWIFANISO SWA MIANAKANYO Kutani Yakobo a tsema minkhavi ya murhi wa nsihani ni wa “alimondi” ni wa xirhomberhombe, a yi kwamula byewu, a siya minkhwati-nkhwati yo basa (Genesa 30:37). Xitori xa Yakobo eka Genesa 30 na 31 i xikombiso lexi hlamarisaka xa matimba ya xivono ni swafaniso swa mianakanyo. Loko Yakobo a pfumela ku tirhela Labani, a tshembisiwa ku nyikiwa swifuwo tanihi hakelo. Kambe Labani a a tshamela ku cinca switshembiso no kanganyisa Yakobo. Hambiswiritano, hi vutlhari lebyi humaka eka Xikwembu ni mianakanyo yo tumbuluxa, Yakobo u kote ku hundzula xiyimo lexi. Yakobo u tseme minkhavi ya murhi wa nsihani ni wa “alimondi” ni wa xirhombe-rhombe, a yi kwamula byewu, a siya minkhwati-nkhwati yo basa. U veke minkhavi leyi laha swifuwo swi nwaka mati kona. Loko swifuwo swi hlangana hi ndlela ya ntumbuluko ku tumbuluxa vana emahlweni ka minkhavi leyi, swi velekile vana lava Yakobo a a lava vona. Endzhaku ka nkarhi, Yakobo a nga ha bohekangi ku tirhisa minkhavi leyi. U hambanise swifuwo leswi ntsongo, leswi nga ni swika, ni leswi nga ni swikoti, kutani a swi veka emahlweni ka tihomu leto tiya. Hi ndlela leyi, u tumbuluxele swifuwo xivono, naswona swi velekile ku ya hi leswi a swi swi vona. Ndlela leyi Yakobo a yi tirhiseke, yi humesela erivaleni vuswikoti na matimba ya xivono. U tirhisile matimba ya swifaniso swa mianakanyo yakwe ku cinca leswi humaka eka xiyimo xexo. Loko tihomu leto tiya ti tika, Yakobo u veka minkhavi emahlweni ka tona, ku tiyisisa leswaku ti veleka vana lava tiyeke no tsakisa. Loko ku tika swifuwo leswo tsana, a nga tirhisanga minkhavi, kutani leswo tsana a swi ri swa Labani. Loko nkarhi wu ri karhi wu famba, swifuwo swa Yakobo swi kurile, swi tlhela swi tiya no andza, kasi swa Labani swi sele swi tsanile. Ku humelela ka Yakobo a ku ri hi ku hlavuteriwa hi vukwembu. Eka norho, u vone swiphongo swi khandziya ntlhambi swi ri ni mavalavala, naswona swi ri ni minkhwati-kwhati. Ntsumi yi tiyisise xivono lexi, yi ku: “...Tlakusa mahlo u vona: Swiphongho hinkwaswo leswi khandziyaka ntlhambi i swa mavalavala ni swa minkhwatinkhwati…” (Genesa 31:12c) Xana leswi swi ni nkoka hikwalaho ka yini ke? U ni vuswikoti bya ku tumbuluxa vumundzuku lebyi u byi lavaka hi ku kongomisa mianakanyo ya wena eka leswi u lavaka ku swi vona . Tumbuluxa xivono lexi u xi lavaka hi mianakanyo ya wena. Hi Rito ni matimba ya Moya lowo Kwetsima la tirhaka eka wena, u nga tumbuluxa no aka ntiyiso lowu voniwaka wa wena emisaveni. Aleluya! Prayer / Confession Tatana la rhandzekaka, ndzi khensa ku nyikiwa vuswikoti byo vona no tumbuluxa vumundzuku lebyi ndzi byi tsakelaka hi matimba ya xivono ni Rito ra Wena, loko ndzi ri karhi ndzi tirhisa mianakanyo ya mina, ndzi leteriwa hi Moya wa Wena, ndzi aka vutomi bya mina byi xaxamela na ku navela ka wena ka vukwembu, ni ku hlula ni ku ndlhandlamuka eka matlhelo hinkwawo. Ndzi tiyisiwile ku kucetela misava ya mina ni ku humelerisa rendzo ra mina, hi Vito ra Yesu. Amen. Further study Genesa 13:14-17; Habakuku 2:2; Vaefesa 3:20 1-year bible reading plan Mintirho Ya Vaapostola 4:32-5:1-11 & 2 Tikronika 20-22 2-year bible reading plan Luka 1:39-56 & Dueteronoma 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F