Rhapsody Tok-Pisin Sat Jun 14 2025 PAWA BILONG DRIMAN NA TINGTINGSKELIM Na Jekop i kisim ol han bilong grinpela diwai papla, na bilong diwai hesel na diwai sesnat; na rausim sampela hap skin bilong ol long wokim longpela waitpela mak kamap ples klia long han bilong ol diwai… (Jenesis 30:37). Na stori bilong Jekop insait lo Jenesis 30 na 31 em i narakain stori soim klia pawa bilong driman na tingting-skelim. Long taim Jekop wanbel long wok bilong Leban, em i tok promis long bulmakau olsem pe. Na olsem, Leban oltaim senisim tok na giamanim Jekop. Tasol Jekop, long god kain gutpela save na i kamapim stratigi, tanim hevi raun. Jekop kisim stik long grinpela han papla, hesel, na sesnat ol diwai, na rausim skin bilong mekim ol kamap waitpela. Em putim dispela ol stik insait long hap bilong dring wara olgeta animol kam lo dring. Taim ol animol i koap long frant bilong ol stik, ol kamapim kain kain mak animol Jekop i laikim long en. Bihain, Jekop ino moa nidim ol stik. Em separitim ol yaungpela, na kain kain mak, na olgeta animol igat kain kain mak na larim ol go bipo long olgeta strongpela bulmakau. Long mekim dispela, em kamapim wanpela driman long olgeta animol, na ol kamap wanem samting ol lukim. Na metod bilong Jekop i soim klia wanpela bilong kamapim pawa bilong driman. Em yusim piksa long tingting na pawa bilong strongim wanem lo mekim kamap. Taim ol strong bulmakau karim, Jekop putim ol stik bipo long ai bilong ol, i save olsem ol bai i karim strongpela, laikim tru pikinini. Taim ol bulmakau i wik, em i no yusim ol stik, olsem na olgeta i wik em bilong Leban. Long taim bihain, olgeta animol bilong Jekop i kamap strong na i planti moa yet, na bilong Leban i stap wik. Na gutpela ol samting bilong Jekop em long godlaip tokhait. Insait wanpela driman, em bin lukim ol sipsip man kalap long ol animol olsem igat longpela mak nabaut, makmak, na kain kain mak. Na ensel i tokaut stret dispela driman, i tok, “Litimapim ai bilong yu nau na lukim, olgeta sipsip man i kalap long ol animol ol igat longpela mak nabaut, makmak, na kain kain mak….” (Jenesis 31:12 NKJV). Na dispela em impoten! Yupela gat strong long kamapim bihain taim yupela laikim stap fokas long wanem yu laik long lukim. Kamapim driman olsem yupela laikim wantaim tingting bilong yupela. Long tok na pawa bilong Holi Spirit wok insait long yupela, yupela i ken kamapim o sepim bodi bilong yupela stret. Haleluia! Prayer / Confession Dia Papa, tenk yu long givim mi strong long lukim na kamapim tingting laikim bilong bihain taim long pawa bilong driman na Tok bilong yu. Olsem mi yusim strong long tingting save bilong mi, kamap strong long Spirit bilong yu, mi kamapim laip bilong mi go wantaim godkain laip as tingting bilong yu, wantaim ol win na igo moamoa yet long olgeta wanwan hap. Mi strong moa long karamapim wol bilong mi na inapim tru mak bilong mi, insait Jisas Nem. I Tru. Further study Stat 13:14-17; Habakuk 2:2; Efesus 3:20 1-year bible reading plan Aposel 4:32-5:1-11 & 2 Stori 20-22 2-year bible reading plan Luk 1:39-56 & Lo 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F