Rhapsody Tagalog Sat Jun 14 2025 ANG KAPANGYARIHAN NG PANGITAIN AT IMAHINASYON At si Jacob ay kumuha ng mga tungkod na sariwa mula sa poplar, at sa puno ng hasel at kastanyas; at pinagkutkutan ng mga guhit na puti sa mga ito, at pinalitaw ang puti na nasa mga tungkod … (Genesis 30:37). Ang kuwento ni Jacob sa Genesis 30 at 31 ay isang kahanga-hangang patunay ng kapangyarihan ng pangitain (vision) at imahinasyon. Nang pumayag si Jacob na magtrabaho para kay Laban, ipinangako sa kanya ang mga hayop bilang kabayaran. Ngunit paulit-ulit siyang dinaya ni Laban. Gayunman, sa pamamagitan ng banal na karunungan at malikhaing estratehiya, napalitan ni Jacob ang sitwasyon. Kumuha si Jacob ng mga tungkod mula sa mga punong poplar, hasel, at kastanyas, at pinagkutkutan niya ang mga ito upang lumitaw ang mapuputing guhit. Inilagay niya ang mga ito sa may inuman ng mga hayop, kung saan sila ay nagpaparami. Habang ang mga hayop ay nagpaparami sa harap ng mga tungkod, ang kanilang mga anak ay naging katulad ng inaasahan ni Jacob. Kalaunan, hindi na niya kailangang gumamit ng tungkod. Inilayo niya ang mga batang hayop na may batik-batik at guhit-guhit at inilagay ang mga ito sa harap ng mga malalakas na hayop. Sa ganitong paraan, nilikha niya ang isang “pangitain” para sa mga kawan, at sila ay nanganak ayon sa kanilang nakikita. Ang pamamaraan ni Jacob ay isang malinaw na pagpapakita ng malikhaing kapangyarihan ng pangitain. Ginamit niya ang kanyang kakayahang mag-imagine upang impluwensyahan ang resulta. Kapag ang malalakas na hayop ang nagpaparami, inilalagay niya ang mga tungkod sa kanilang harapan upang makapanganak sila ng malalakas at kaaya-ayang anak. Kapag mahihina naman ang nagpaparami, hindi niya inilalagay ang mga tungkod, kaya ang mga ito ay napunta kay Laban. Sa paglipas ng panahon, ang mga kawan ni Jacob ay naging mas malalakas at mas marami, habang ang kay Laban ay nanatiling mahihina. Ang tagumpay ni Jacob ay bunga ng banal na kapahayagan. Sa isang panaginip, nakita niyang ang mga lalaking tupa ay tumatalon sa mga babae na may batik-batik at guhit-guhit. Kinumpirma ito ng isang anghel, na nagsabing, “‘Itiningin mo ang iyong mga mata at tingnan mo, ang mga lalaking tupa na tumatalon sa mga babae ay may mga batik, may mga guhit, at may mga kulay abo…” (Genesis 31:12c NKJV). Napakahalaga nito! May kakayahan kang likhain ang hinaharap na iyong ninanais sa pamamagitan ng pagtuon sa kung ano ang nais mong makita. Likhain mo sa iyong isipan ang pangitain na iyong ninanais. Sa pamamagitan ng Salita ng Diyos at ng kapangyarihan ng Banal na Espiritu na gumagawa sa iyo, maaari mong likhain at hubugin ang iyong pisikal na realidad. Aleluyah! Prayer / Confession Mahal na Ama, salamat sa pagbibigay mo sa akin ng kakayahang makita at likhain ang hinaharap na aking ninanais sa pamamagitan ng kapangyarihan ng pangitain at ng iyong Salita. Habang ginagamit ko ang aking kakayahang magimagine na ginagabayan ng iyong Espiritu, binubuo ko ang aking buhay ayon sa iyong banal na layunin, may tagumpay at paglawak sa bawat bahagi. Pinapalakas mo ako upang makaapekto sa aking mundo at maisakatuparan ang aking tadhana, sa Pangalan ni Jesus. Amen. Further study Genesis 13:14-17; Habakuk 2:2; Efeso 3:20 1-year bible reading plan Mga gawa 4:32-5:1-11 & 2 Mga Cronica 20-22 2-year bible reading plan Lucas 1:39-56 & Deutoronomio 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F