Rhapsody South-African-Sethoso Sat Jun 14 2025 MATLA A PONO LE MONAHANO Yaba Jakobo o inkela makala a matala a poplire, le a haselaare, le a tjhestnute, a a ebola, a a etsa metaka e mesweu, a hlahisa bosweu bo ho wona (Genese 30:37). Pale ya Jakobo ho Genese 30 le 31 ke pontso e kgahlang ya matla a pono le monahano. Ha Jakobo a dumela ho sebeletsa Labane, o ile a tshepiswa dikgomo e le moputso. Leha ho le jwalo, ka makgetlo Labane o ile a fetola mantswe mme a qhekella Jakobo. Empa Jakobo, ka bohlale ba bomodimo le tsela ya popo, o ile a fetola boemo. Jakobo a nka dithupa tsa difate tsa popodiri tse tala, le tsa hazel, le tsa dinare, a di ebola, a di ebola, hore bosweu bo bonahale. Melamu ena a e beya ka hara dikotlolo tsa metsi moo mehlape e neng e tla nwa ho yona. Ha diphoofolo di ne di qhwaela ka pela melamu eo, di ne di hlahisa bana ba neng ba tshwana hantle le seo Jakobo a neng a se lakatsa. Hamorao, Jakobo ha a ka a hlola a hloka melamu eo. A arola dipotsanyane, le tse tshasana le tse thobosha, a di beha pela dikgomo tse matla. Ka ho etsa sena, o ile a etsetsa mehlape pono, mme e ne e hlahisa ho latela seo e se boneng. Mokgwa wa Jakobo e ne e le pontsho ya matla a ho bopa a pono. O ile a sebedisa matla a hae a ho inahanela ho susumetsa phello. Ha dikgomo tse matlahadi ha di emola, Jakobo a beha melamu ka pela mahlo a bona, a tiisa hore ba tswala bana ba matla, ba lakatsehang. Ha dikgomo di ne di fokola, o ne a sa sebedise dithupa, kahoo tse fokolang e ne e le tsa Labane. Ha nako e ntse e ya, mehlape ya Jakobo ya nna ya matlafala mme ya ata, ha ya Labane yona e ntse e fokola. Katleho ya Jakobo e bile ka tshenolo ya bomodimo. Torong, o ile a bona dipheleu tse tlolelang dikgomo e le tse rolo, le tse tshasa, le tse thobosha. Lengeloi le ile la tiisa pono ena, la re: “...Ako lelatse mahlo a hao, o bone hobane dipheleu kaofela tse hlokang dinku ke tse tshasa, le tse thobosha, le tse rolo; hobane ke bone tsohle tseo Labane a o entseng tsona...” (Genese 31:12 NKJV). Sena ke sa bohlokwa hakaakang! O na le bokgoni ba ho iketsetsa bokamoso boo o bo lakatsang ka ho tsepamisa maikutlo ho seo o batlang ho se bona. Etsa pono eo o e batlang ka kelello ya hao. Ka Lentswe le matla a moya o Halalelang o sebetsang ka ho wena, o ka theha kapa wa bopa nnete ya hao ya nama. Hallelujah! Prayer / Confession Ntate ya ratehang, keya leboha ha o mphile bokgoni ba ho bona le ho bopa bokamoso ba ka bo lakatsehang ka matla a pono le ka Lentswe la hao. Ha ke ntse ke sebedisa bokgoni ba ka ba ho inahanela, ke susumetswa ke moya wa hao, ke haha bophelo ba ka tumellanong le morero wa hao o halalelang, ka tlholo le katoloso sebakeng se seng le se seng. Ke na le matla a ho ama lefatshe la ka le ho phethahatsa qetello ya ka, ka lebitso la Jesu. Amen. Further study Genese 13:14-17; Habakuke 2:2; Baefese 3:20 1-year bible reading plan Diketso 4:32-5:1-11 & 2 Dikronite 20-22 2-year bible reading plan Luka 1:39-56 & Deutronoma 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F