Rhapsody Nambya Sat Jun 14 2025 ISIMBA LYEMBONO AKALE NOLUYEYO Jakobe kova etola inhabi impya jonkotonga, nealimondi, nemitalanaka wakajisubula kukajine kukaboneka buchena bwajo (Matangisilo 30:37). I nyaya yaJakobe muna Matangisilo 30 akale na 31 chitondejelo chibuyanana chesimba lyombono akale noluyeyo. Jakobe pakavuma kushingila Labani, wakabimbiswa ingombe sembadalo iye. Nokudalo, Labani wakabegala eshandula zwabakabawhililana akale esinopa Jakobe zwabakawililana. Koga Jakobe, nobuchenjeli bobumwali nokuziba kuta zwinhu, wakashandula bugalo yobu. Jakobe wakatola inhabi imphya jonkotonga, nealimondi, nemitalanaka wakajisubula kukajine kukaboneka buchena bwajo. Wakabiga inhabi yeji pelyo nemhoswi mbeli kwamatanga yopo panosonwila matanga. Zwifuyo zwakatanhana mbeli kwenhabi, nokudalo zwakazwala twana tuna makwalala nezwibata. Kwapinda unshaji Jakobe aajakabechishaka inhabi. Wakapambula imhwizana jili namakwala nokuna jakaba jili inhema mumatanga aLabani. Nokuta yezwi, wakabumba umbono wemhwizi jije, akale jikazwala zwajakabebona. Inzila yaJakobe yakabeli chitondejelo chesimba lokubumba lyombono. Wakashingisa kutubula kuyeya kuti echingunule zwomushule. Ingombe inesimba, Jakobe wakabebiga imingo yeji mbeli kwameso ajo, eba nechokomende kuti jizwale ingombe insimu, jakabelakamilila. Ingombe jakabeti kana jisinesimba, ajakabeshingisa inhabi, nokudalo enhete jakabeli jaLabhani. Kwapinda unshaji, matanga aJakobe akakubuka akaba namasimba akale akaba manji, koga aLabhani aajakabelina isimba. Kubhudilila kwaJakobe kwakabeli kwechitondejelo chobumwali. Muloto, wakabona twana tushotoka tulina mabala akabelakamilila. Ingilozi yakabimbisa umbono uwe, iti, "...Nyamula mesho awo ubone kuti ose makotokoto akumutanha matanga ana makwala kana zwibata..." (Matangisilo 31:12). Zwilokosha chini yezwi! Unotubula kubumba lyamangwana lyaunolakamila nokulinga kuna zwaumuda kubona. Bumba umbono waunoda mundangalilo iyo. NeWhi akale nesimba lyoMpepo uNchena limushinga munawi, unotubula kubumba ichokomende chicho chinoboneka. Aleluya! Prayer / Confession Tate banodikana, ndomuboka nokundipa kutubula kubona akale nokubumba lyamangwana lyandinolakamila nesimba lyombono akale neWhi lyenu. Pandimushingisa luyeyo lwangu lwokutubula, ndinyungumulwa noMpepo wenu, ndobumba bupenyu bwangu munzila yechinangwa chenu chobumwali, nokuzunda akale nokukubuka mubugalo bwose. Ndilosimisilwa kubhata inyika yangu akale nokuzhajikija lyamangwana lyangu, muZina lyaJesu. Amen. Further study Matangisilo 13:14-17; Habhakuki 2:2; BaEfeso 3:20 1-year bible reading plan Mishingo 4:32-5:1-11 & 2 Indungululo 20-22 2-year bible reading plan Luka 1:39-56 & Kuzhajikijwa 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F