Rhapsody Medumba Sat Jun 14 2025 NGÙ’ NJEM MBA NKWATENU Yakob lo’ nkang fènngab, nkang tô boa gnam mi fi, mfétte njong i fa nto’nto’o, mfang dù’ ts’a tsho’ ngub bwe a nke mfôg là nge (Neto’te 30:37). Tsho Yakob ntùm Neto’te 30 mba 31 b’a ta’ bwô nda’te ngù’ njem mba nkwatenu. Ngelang Yakob bam nefà’ Laban nà, bo na’ ka’ ba nyam yi mba junkab fà’ là. Là Laban na’ nke bate njong yàme mbèn fùte Yakob. Là Yakob njam zenu Nsi mba zete kangte ju bag bag. Yakob na’ lo’ kang fènngab, kang tô boa gnam, mfétte num nengù dù’ à mfôg là te nge. A na’ yabte tshen nkang ntù mbang let ntse mi mbwe se’ nu là. Mbwe tse mfot ko’ yub mbang men nkangtù lo bwe, bon tshob be ndangndang ju z’a kô là. Netshùa, a ke bèn bètte nkantù Yakob. A na’ fagte ba nyam nto’nto’ mba ntshobntshob yab yub mbwe mbwe ts’a dun nà. num nengù ndùlàlà, a na’ nabte ta’ njem num ba mbwe, là bo yàm ju bo nke njen nà. Ze nze Yakob na’ b’a ta’ nla’te ngù’ nenabte njem. A na’ lo’ ze neku’ni nkwatenu num nefà’ tunu yi. Ngelang ze mfot ke ko’ mbwe ntùn ts’a dun nà, Yakob yab nkangtù bwe miag mi ndùlàlà bon tshob ta mbèn bwô o. ngalang mbwe be nyu’nyu’ là a ke yab ju ; ndùlàlà nyu’nyu’ mbwe be tse Laban. Ngelang netshùa mbwe Yakob ku’ yàm neshu, ndùse tse Laban nke mi là. Fu’ Yakob na’ b’a la’te Nsi. Ntùm njem a na’yen nkomnjù bo nke ko’ mbwe b’a ntshobntshob, nto’nto’, mbàbmbàbe. Ta’ angél lo bwôgte yen njem nà, dù ). “Bù’ miag mu ndôte njene, njong nkomnjù fa mi bo tshwèt nko’ njùmbwe là b’a ntshobntshob, nto’nto’o, mbàbmbàbe,…” (Neto’te 31:12). Mba yenni be mebwô à! O ngù neku’ni nenabte ndàmnjù z’o kô là njam nete miag num ju z’o kô neyen nà. Nabte njem o kô là bo nkwate nu. Njam Ntshob mba ngù' Ywèt Nalàn ts’a be mfà’ num o là, o ku’ni nenabte mbèn kut yu nenùn ntùn. Aléluya! Prayer / Confession Tà ze tanjong, me labte mb’o fà neku’ni neyen mbe nenabte yàm ndàmnjù njam ngù’ njem mba Ntshob mu me là. Mba me be lo yàm neku’ni nkwatenu, Ywèt Nelàn nke ntswe’t’àm nà, me be kut yôg sàm ka bo nu tsho, bo ntshùa ntsho mba nesa njong dù’ fà. Me kwé ngù’ nekwag yàm njù yi mbèn mfà’ yàm destiné, num lèn Kristô. Amèn. Further study Neto’te 13:14-17; Habakkuk 2:2; Eféso 3:20 1-year bible reading plan Mfa’Ghantùm 4:32-5:1-11 & Kronika mbatte bàa 20-22 2-year bible reading plan Lukas 1:39-56 & Nebwôgte 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F