Rhapsody Manyika Sat Jun 14 2025 SIMBA REKUWONA NGEKUFUNGA MUPFUNGWA Zvino Jakobho adotora mhandi dzidotemwa kubva pamupopura, muarimondi ngemuti wemupureni, adosvuwura mitsetse michena payiri ayibvisa makwati kuti kuchena kwemuti wemukati kuwonekwe (Genesisi 30 ndima 37). Nyaya yaJakobho iri muna Genesisi 30 na31 ingotipangidza simba rekuwona ngekufunga mupfungwa. Apo Jakobho adobvuma kusenzera Rabhani, adowimbiswa mombe tsemubhadharo washe. Zvidosharo hazvo, Rabhani adoramba ayindotsandura izvo wadonga wawirirana ayitsotsa Jakobho. Asi Jakobho, kuburikidza ngenzero ngekungwarira pakuronga,adotsandura zvetse izvi. Jakobho adotora miti kubva pamiti mitatu ayibva asvuura rudzi rwasho payibva pasara mitsara michena apo iri. Adoyisa miti iyi maimwira zvipfuyo. Apo zvipfuyo izvi zvayisangana pamberi pemiti iya, zvayibva zvazobara mhuru dzerudzi ngemhando yaidiwa ndiJakobho chayiyo. Mumasure mezvo, Jakobho adonga asishadi miti iyiba. Adobva abvisa mhuru nyayi dzemanyerekete ngemitsara ayibva adziyisa pamberi pehombe dzidogwinya dzasho. Ngekusharezvi,adogadzirira zvipfuyo izvi muwono pane zvinyayi zviya, dziyibva dzawamba kubara zvidoyenderana ngeizvo dzidowona. Nzira yaJakobho iyi ingopangidza simba rekusika riri mukusenzesa nzero kuwona. Adosenzesa kukwanisa kuwona ngepfungwa kuti pabude izvo adonga aruda. Apo mombe dzidogwinya dzayibara, Jakobho ayibva ayisa miti iyaiya pamberi padzo, kuyitira kuti dzibarewo mhuru dzidogwinya ngekunaka zvingodiwa. Kana mombe hombe dzasho dzisidogwinyaba, Jakobho adonga asingadziyisiri miti iyaba, saka dzidowondoroka ngekuperezeka dzidonga dziri dzaRabhani. Ngekufamba kwenguwa, zvipfuyo zvaJakobho zvidokura ngekugwinya zviyiwanda asi zvaRabhani zvidoramba zviri ndonda. Kubudirira kwaJakobho kudonga kuri kwenzero dzidobva kuna Mwari. Izvo adoyita zvekuyisira zvipfuyo kuti dziwone miti idosvurwa rudzi zvidowuya apo ngirozi idomupangidza kuhope mbocho dzirusongana ngedzidonga dzine mitsetse ngemanyerekete. Ngirozi idozotsinhira izvi iyo muna Genesisi 31 ndima 12 iyiti,“Zvino ringa uwone, kuti mbocho dzetse, dzingokwira zvipfuyo, zvine mitsetse ngemanyerekete dzine kawupfumbi; ngekuti ndawona zvetse zviruyitwa ndiRabhani kunewe." Zvidokosha maningi izvi. Ungokwanisa kugadzira remangwani iro ungoda kuwona. Sika izvo ungoda kuwona mupfungwa dzako. Kuburikidza ngeSoko raMwari ngesimba raMwiya Mutsvene zvirusenza munewe, sika ngekuwumba zvingowoneka ngekubatika. Hareruya! Prayer / Confession Baba awo ndingoda , ndingokutendani ngekuyita kuti ndikwanise kuwona ngekusika remangwani iro ndingoda kuburikidza ngesimba rekuwona ngeSoko ranu. Apo ndirusenzesa simba rekuwona ngepfungwa dzangu, ndiyikurudzirwa ndiMwiya Mutsvene wanu, ndingogadzira hupenyu hwangu huyiyenderana ngeshinangwa shanu shehuMwari.Ndingokunda ngekuwandudzwa muhupenyu hwangu hwetse. Ndidopiwa simba rekutsandura nyika yangu ngekuzazitsa izvo ndidorongerwa.MuZita raYeso. Ameni. Further study Genesisi 13:14-17; Habhakhuki 2:2; WaEfeso 3:20 1-year bible reading plan Mabasa 4:32-5:1-11 & 2 Makoronike 20-22 2-year bible reading plan Ruka 1:39-56 & Dhuturonomi 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F