Rhapsody Kisii Sat Jun 14 2025 CHINGURU CHI’OKORORA N’EBIRENGERERIO Yakobo agatwa ebite ebibese bi’emete gete enga buna omosobeti, na omolozi, na omouru, akabisata chinsemo, erinde emeng’ororia emerabu ekarorekana ase ebite biria (Omochakano 30:37). Omogano o Yakobo ase egetabu ki’Omochakano 30 na 31 nigo ore ekiorokererio ki’ogokumia gie chinguru chimaroro n’ebirengererio. Ekero Yakobo ancheranete na Labani amokorere emeremo, nigo amotebetie eng’eria yaye nigo erarwe ase amaicho aria arenge okorisia. Korende, Labani akaba gakomong’aina kera engaki na goonchora buna baigwananete. Korende, Yakobo, goetera ase obong’aini bwa Nyasae, nigo aoncherete okong’ainwa oko arenge kong’ainwa. Yakobo agatwa ebite ebibese bi’emete gete enga buna omosobeti, na omolozi, na omouru, akabisata chinsemo, erinde emeng’ororia emerabu ekarorekana ase ebite biria. Erio akabeka ebite biria ase chintuba chi’amache ase amaicho are gocha konywera. Na ekiagera ching’iti chiria chiare koa chinkungu amarieme, ekero chigocha konywa amache, chirochio chikanyora amarieme bosio bw’ebite ebio, chikabiara chimanwa chire chimarera, ne chinkanga, ne chinkororo, na ekio nakio Yakobo aganetie. Na gakorire igo, Yakobo agatiga gotumia ebite biria. Na Yakobo agaatanana ching’ondi chimingichi, ne ching’ondi chinkungu agachisang’anania ne chimingichi chie riicho ria Labani echiarenge namagwari, na echiare chimwamu. Naboigo akenyorera amaicho aye ere omonyene, ayio atabegete amo naya Labani. Goetera ogokora iga, Yakobo nigo eroseretie amaicho aye goetera ase amaroro, amaicho ayio akaibora keria aroche. Enchera eye Yakobo atumiete nigo ekoorokia chinguru chiogotonga echio amaroro abwate. Nigo atumiete okonyara gwokorengereria goikerania keria aganetie. Ekero amaicho arenge ne chinguru arenge ang’e konyora oborito, nigo abegete ebite biria bosio yamaiso abo koenekia ng’a abiarire chimanwa chiare me chinguru. Ekero amaicho amareu arenge ang’e konyora oborito achete, tarenge kobeka ebite biria, nayio nigo arenge aya Labani. Ase chingaki chinke, amaicho a Labani nigo agendererete koba amakong’u na amange, na aria a Labani akaba amareu. Obobui bwa Yakobo nigo bwarwete ase okomaanorerwa korwa ase Nyasae. Ase endoto yaye, nigo aroche ase engaki eria amaicho gachiire rieme ng’a chigoree echiaete amaicho amarieme nigo chiare namagwari na ebisembe, ne chimechege. Na ayio akaenekigwa na omomalaika, na goteba, “‘Imokia amaiso ao, origererie orore, ng’a chigoree echiaete amaicho amarieme nigo chiare namagwari, na ebisembe, ne chimechege …" (Omochakano 31:12). Eke negento kiengencho enene mono. Nore nokobua koroisia keria oganetie goetera ase keria okorora. Rosia amaroro ao ase ebirengererio biao. Goetera ase Ring’ana amo ne chinguru chi’Omoika Omochenu ime yao, nabo okoagacha na koroisia ebinto biria oganetie bibe. Hallelujah! Prayer / Confession Tata omwanchwa, mbuya mono ase okong’a okobua korora na gotonga obogima bwane bwa motwe goetera ase chinguru chi’okorora ne Ring’ana riao. Buna nkogenderera gokorera emeremo okobua kwane gw’okorengereria, na kobekwa omokia amo n’Omoika oo, nigo nkoagacha obogima bwane koreng’ama nomoroberio oo bw’obonyasae, n’obobui na kogareyia kera ensemo. Nabekirwe chinguru erinde nyare korenta oboonchoreria ase ense yane na goikerania omoroberio bw’obogima bwane, ase Erieta ria Yeso. Amina. Further study Omochakano 13:13-15; Abakuki 2:2; Abaebeso 3:20 1-year bible reading plan Ogokora kwa abatomwa 4:32-5:1-11 & 2 Chronicles 20-22 2-year bible reading plan Luka 1:39-56 & Okoiranerera kwa amachiko 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F