Rhapsody Kikuyu Sat Jun 14 2025 HINYA WA KIONEKI NA MWĨCIRĨRIE Na Jakubu akĩoya thanju cia mũtĩ wa mũribaana, na wa mũroothi na mũarimaũ; na akĩũnũra mĩcoro mĩerũ ĩrĩa yarĩ thanjuinĩ, na agĩtũma weerũ ũrĩa waarĩ thanjuinĩ wooneke… (Kĩambĩrĩria 30:37). Rũgano rũa Jakubu thĩiniĩ wa Kĩambĩrĩria 30 na 31 nĩ kĩonereria kĩnene kĩa hinya wa kĩoneki na mwĩcirĩrie. Rĩrĩa Jakubu etĩkĩrire kũrutĩra Labani wĩĩra, nĩ erĩirwo mahiũ ta mũcara. No rĩ, Labani maita maingĩ nĩ acenjagia marĩa marĩkanĩire na akĩhenia Jakubu. No Jakubu, kũhĩtũkĩra ũũgĩ wa ũngai na mũbango wa ũũmbi, nĩ agarũrire ũndũ ũyũ. Jakubu nĩ oire thanju kuuma mĩtĩ ya mũribaana, mũroothi na mũarimaũ, na akĩũnũra mĩkũruro mĩerũ thanju-inĩ icio geetha weerũ wa thanju wooneke. Nĩ aigĩrĩire thanju icio ithima-inĩ cia kũheera mahiũ maaĩ kũrĩa mahiũ mookaga kũnyua maaĩ. Rĩrĩa mahiũ mahaicanaga mbere ya thanju icio, nĩ cia ciaraga njiaro o ta iria Jakubu endaga. Thutha-inĩ, Jakubu ndabataraga thanju icio. Nĩ amũranirie mahiũ marĩa marĩ meethĩ, ciĩ maara, na twĩ njũgũ na akĩmaiga mbere ya mahiũ marĩa marĩ na hinya makĩria. Nĩ ũndũ wa gwĩka ũguo, nĩ athondekeire mahiũ mau kĩoneki, na cĩgĩciara kũringana na kĩrĩa cionire. Njĩra ĩno ya Jakubu yarĩ kĩonereria kĩa hinya wa ũũmbi wa kuona. Nĩ ahũthĩrire ũhoti waake wa mwĩcirĩrie gũthondeka maumĩrĩra. Rĩrĩa mahiũ marĩa marĩ na hinya makĩria maciarire, Jakubu nĩ aigire thanju icio mbere ya maitho macio, agatigĩrĩra nĩ cĩa ciara ciana ciĩ na hinya na njagĩrĩru. Rĩrĩa mahiũ mau mataarĩ na hinya, ndahũthagĩra thanju icio, naguo mahĩũ marĩa mataarĩ na hinya matuĩkaga ma Labani. Thutha wa kahinda, mahiũ ma Jakubu nĩ mathiire na mbere kũgĩa hinya na makĩingĩha, naguo ma Labani magĩthiĩ na mbere kũaga hinya. Ũgacĩru wa Jakubu waarĩ kũhĩtũkĩra ũguũrio wa ũngai. Kĩroto-inĩ, nĩ onire ndurume iria cia rugagĩra mahĩu ciarĩ na manyaga, njũgũ, na mbuu. Mũraika nĩ ekĩrire kĩoneki gĩkĩ hinya, akiugaga, “‘Oya maitho maaku igũrũ o rĩu na woone, ndũrũme ciothe irĩa irarũgĩra mahiũ ciĩ na manyaga, twĩ njũgũ, na twĩ maara…" (Kĩambĩrĩria 31:12c NKJV). Ũndũ ũyũ nĩ wa bata atĩa! Wĩ na ũhoti wa gũthondeka maũndũ ma gũũka marĩa ũrenda ũngĩrũngũrĩria he kĩrĩa ũrenda kuona. Thondeka kĩoneki kĩrĩa ũrenda na meciiria maaku. Kũhĩtũkĩra Kiugo na hinya wa Roho Mũtheru ũrĩa wĩ wĩĩra thĩiniĩ waaku, no ũthondeke kana gũaka ũũma wa maũndũ marooneka. Haleluya! Prayer / Confession Baba Mwendwa, nĩ ngaatho nĩ kũũhe ũhoti wa kuona na gũthondeka maũndũ maakwa mokĩte marĩa ndĩrenda kũhĩtũkĩra hinya wa kĩoneki na kũhĩtũkĩra Kiugo Gĩaku. O ngĩhũthagĩra ũhoti waakwa wa mecirĩria, ndeithĩrĩirio nĩ Roho Waaku, njakaga mũtũrĩre waakwa kũringana na muoroto Waaku wa ũngai, na ũhootani na waaramu thĩiniĩ wa icigo ciothe. Nĩ hetwo hinya kũreehe mogarũrũku thĩiniĩ waakwa na kũhingia mũthia waakwa, thĩiniĩ wa Rĩtwa rĩa Jesũ. Ameni. Further study Kĩambĩrĩria 13:14-17; Habakuku 2:2; Aefeso 3:20 1-year bible reading plan Atũmwo 4:32-5:1-11 & 2 Maũndũ ma Matukũ ma Tene 20-22 2-year bible reading plan Luka 1:39-56 & Gũcokerithia Maathani 12 WhatsApp Chanel for rhapsody Translation : https://whatsapp.com/channel/0029Va9SJ9OHFxP0Xh4KCN3F