*عــالــم الـــقــصـص والــروايــات🩶📚🖋️* *❴📖❵↵* *الـــدفــيـــن❤️*⳼᚛ *❴🔢❵☟الـــبـــــــــــ❴2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._* ➖➖➖➖➖➖➖➖➖ مع كل كلمة كانت تحكيها بنبرة صوتها كان في شريط بدماغي بتحرّك وبفرجيني صور صارت.. ويلي كنت حاسّه وأنا بحكي معها كتلة غضب وعصبية كابسة على دماغي.. صرّخت بصوت عالي وقلتلها لا تحكي معي على هالخط وإلا رح أقتلك!.. سكّرت الخط بوجهها وبعد ثواني بعتتلي مسج.. أنا بحبك ومستحيل أتركك.. بعرف انك كنت غضبان مني بس أمك منعتني أشوفك بالمستشفى وبعدين قالولي انك متت بس أنا ما صدقت لأني توقعت انهم ما بدهم ياني أشوفك.. بس انت ليه لهلأ لجاوبتني على الخط.. بترجاك جاوبني برسالة!.. صرّخت بصوت عالي إبعّدي عني!!!.. سمعت صوت من بعيد بهمس.. قمت عن الكرسي وصرت بحاول أطلع من الحديقه.. ما كان غير في باب واحد والحيطان عالية وصعب أطلعها.. دخل حارس الحديقة وشافني بصرّخ قرّب مني وحكالي لو سمحت الوقت تأخر وما في حدا بالشوارع وباب الحديقة رح يتسكّر.. تطلعت عليه بهدوء وما حكيت وبهاللحظة قرّب مني وحكالي انت ما سمعتني؟.. حكيتله ابعد عني وإلا رح أقتلك!. حكالي انت مجنون؟.. بتطلع من هون أو بطلب الشرطة ؟!.. فجأة رن التلفون.. صرّخت وقلت.. الواطية ما رح تحل عني!!.. فتحت الخط.. ما كان في حدا بحكي.. صرت أغلط عليها واشتمها وفجأة ظهر صوت غريب.. كان لزلمة.. صوت خشن كتير ورخيم.. قلي.. رد على الحارس وإطلع من الحديقة.. أخواتك بنتظروك بالبيت.. أول ما قلت انت مين.. فصل الخط!.. استغربت.. صرّخ عليّه الحارس وحكالي بتطلع وإلا بطلب الشرطة؟!.. قلتله لأ إلا الشرطة!.. خاف مني وحس إني مطلوب.. وأنا طلعت بسرعة للشارع.. سألت نفسي مين يلي حكى معي.. وأنا ليه عم بحس بشعور غريب جواتي.. وراسي كله مخربط!.. ومين اخواتي يلي قال عنهم؟!.. همه نفسهم يلي شفتهم بالمستشفى؟!.. كنت حافظ طريق بيتنا تماماً.. وبعرف كيف أوصله.. بس طول الوقت كنت حاسس إني مطلوب.. أنا عامل عملة أو في شي بمنعني أوصل بيتنا وأروح عند أمي!.. لهيك أول شي أجى ببالي البنات يلي قلي عنهم هالشخص ولأني حاولت اتصل على الرقم ما جاوبني.. قررت أدوّر عليهم من جديد.. لأنه وجودهم بحياتي فعلاً غريب!.. مشيت بالشوارع بتطلع بالبيوت على أمل حدا منهم يشوفني.. وخلال ثواني معدودة وصلني مسج.. فتحته.. كان من نفس الرقم يلي رنّلي بس هالمرة بالرسالة رقم تاني!.. كنت حاسس إنه فخ.. بس ما كنت خايف أبداً لأنه بحياتي ما خفت من شي.. رنّيت على الرقم.. سمعت صوت بنت بتقول ألو ؟.. حكيت ألو مين معي.. حكتلي أحمد!.. انت وينك!.. خبرونا المستشفى انك طلعت منها.. ليه هيك عملت.. قلتلها انتي مين؟.. حكتلي أنا عبير.. تعال على البيت أنا لحالي.. لأنه سهيلة ولميس راحو للمستشفى.. سألتها وين عنوان البيت؟.. قالتلي العنوان وبصعوبة للقيت تكسي ووصلت البيت.. بقيت معي على الخط وأنا بطلع على العمارة.. المكان شايفه من قبل ومألوف عليّه.. بس في شي جواتي بحكيلي إنه أنا ما بعرفه!!.. وصلت الشقة وفتحتلي الباب.. حضنتني.. ودخّلتني لجوا.. حطّت إيدها على وجهي وقالتلي حاسس بشي؟.. تعبان ؟!.. انت منيح؟!!.. بهاللحظة مسكّتها من رقبتها وشدّيتها على الكنبة وحاولت اخنقها.. قلتلها انتي مين وكيف دخلتي لحياتي!!.. وشو بدك مني انتي والبنات يلي معك!!.. حكتلي احمد بترجاك لا تقتلني.. حكيتلها انا مو أحمد!.. أنا إسمي عدنان!.. ما كانت عارفة تتنفس وللحظة كانت رح تموت.. فجأة انفتح الباب.. ودخلو سهيلة ولميس وشافوني بحاول اخنقها ووجهها صار أزرق.. صرخوا وقربو مني وبعّدوني عنها.. وحكولي اسمعنا أحمد.. انت صح صرت كويس وتحسّنت بس نفسيتك لأ.. انت لازمك دكتور نفسي.. حكيتلهم أنا مو مجنون.. انتو مين فهّموني وإلا وحياة أمي بصّفي دمكم بإيدي.. عبير هربت للحمام تستفرغ وأنا حاوطت سهيلة ولميس.. لميس كانت خايفة أما سهيلة حسيت بعيونها قوّة.. طلبت مني أقعد وقالتلي بدك تعرف كل شي صح ؟.. اقعد واهدى ولا تحاول تأذينا.. نحنا اخواتك!.. كنت بصرّخ وبقلهم انتو مو اخواتي.. احكولي بسرعة انتو مين!!!.. قالت سهيلة.. بتتذكر الحادث يلي عملته ؟.. صرّخت وقلتلها ما بدي اتذكر الوسخة ميرنا.. هيّه السبب!.. حكتلي سهيلة مو ميرنا يلي كانت معك.. يلي كانت معك حبيبة صاحبك جهاد.. قلتلها مين جهاد ؟.. حكت الشب يلي شفته بصرّخ وحاول يعتدي عليك بالمستشفى!.. تذكر بترجاك!.. قلتلها صحيح مين هالشب؟.. قالت هاد صاحبك وبشتغل معك بمطعم.. هوه طلب منك توصّل حبيبته لبيت صاحبتها بهديك الليلة قبل خمس شهور.. وبعدها صار حادث.. طلبت مني ما أحكي لتخلّص.. وصارت تحكي بهدوء وقالت.. حبيبة جهاد ماتت!.. بس قلبها ما مات!.. لأنها كانت بغيبوبة وبعد فترة قصيرة ماتت.. في سيارتين ضربو بسيارة المطعم يلي كنت تسوقها.. وحدة منهم كان فيها شب وبنت.. الشب اسمو عدنان والبنت اسمها ميرنا.. باللحظة يلي نقلكم الإسعاف كلكم للمستشفى.. خبرونا إنه دماغك تأذى ورح يصيبه تلف بالتدريج وبعدها رح تنشل إذا ما لحقناك.. وقبل ليتم معالجتك بعملية معقدة عرفنا إنه عدنان مات.. ﻗـﺻۦـﺹ⋆اب͢ــٌو االۧـؔلــَي݉ـــ͚ٖـث الـٖ͢سـٛوࢪي🍿َ#❤️ ⳼᚛ *+963948932886* وميرنا كانت على مشارف الموت خصوصاً إنه كان معها مرض بالقلب.. وبعد ما وصلنا خبر بموت حبيبة جهاد.. الدكتور واثق يلي كان مسؤول عنك وعنهم اقترح على اهل عدنان يتبرعو بدماغه لإلك لأنه كان لسه دماغه سليم ولسه عايش وبقدرو يزرعوه جواتك بسرعة قبل ليموت.. اهله وافقو لأنهم يأسو من انه يعيش وحسّو انه هالشي حق لإلك كونه الشرطة اثبتت إنه الحق على عدنان بحصول هالحادث!.. أما أهل حبيبة جهاد فبقيو يبكو عليها.. لوقت ما الدكتور واثق طلب من أهل ميرنا يحكو معهم.. وقلهم أطلبو منهم انهم يقبلو يتبرعو بقلب بنتهم لميرنا لتعيش قبل ليموت قلبها المريض.. ويستبدلوه بأسرع وقت مقابل مبلغ كبير من المال.. ولأنه اهل ميرنا من عيلة كتير غنية اغرو أهل حبيبة جهاد الفقرا وقبلو.. جهاد كان يجي على المستشفى ويصرّخ ومنع اهلها يعملو هيك بس همه ما ردّو عليه.. وتمت العملية خلال يوم واحد!.. قامت ميرنا بالسلامة بعد ما كانت ميّته اكلينيكياً وخرجت بقلب حبيبة جهاد.. كنا نعرف يلي بصير من الدكتور واثق بس نيجي نزورك بس ما سبق وحكينا معها.. وما بنعرف اذا عرفت يلي صار لعدنان لأنه اندفن قبل لتقوم بخمس شهور.. وانت بقيت ميّت اكلينيكياً لأنه العملية كانت كتير معقّدة أكتر من عملية ميرنا.. وكان ممكن نسمع خبر موتك بأي لحظة.. بس بعد خمس شهور قمت.. قبل هالوقت كان الدكتور واثق مخبرنا إنك لازم تخضع لجلسات نفسية عند دكتور نفسي.. لأنه ممكن دماغك يضل يذكرك بعدنان وذكريات عدنان.. ويمكن تلبس شخصيته بدون إرادة!.. تطلعت فيها وشفت لميس بتتطلع من بعيد خايفة.. وأجت عبير وجهها أصفر ووقفت جنب لميس.. وأنا بقيت مصدوم.. حكيتلهم يعني أنا مين هلأ؟.. حكت عبير انت احمد.. اخي احمد يلي حاول يقتلني من شوي!!!.. انت اخونا.. بس دماغك هوه دماغ عدنان!.. قلتلهم هلأ فهمت ليه ميرنا كانت تتصرف معي بهاللطف بس كلّمتني!.. هيّه ما كانت هيك!.. استغربت لميس وقالت.. وانت كيف عرفتها ووين شفتها ؟!.. لسه اليوم قمت من عمليتك!.. حكيتها انا بعرفها كتير منيح.. واليوم حكت معي تلفون.. بس في شي تاني غريب صار.. في زلمة صوته غريب رنّلي وكأنه كان براقبني وشايفني.. وطلب مني أروحلكم.. يمكن لأعرف هالكلام يلي قلتولي ياه.. حكتلي عبير يعني انت شو بتحس هلأ؟.. قلتلها اني قاتل.. واني ممكن أقتل بأي لحظة.. بحس إني عملت جريمة.. واني مطلوب.. واني شهدت على جريمة لحدا قريب مني كتير.. مخّي مشتت والأحداث مقطّعة براسي وما في شي واضح لهلأ بس يلي عارفه إنه إسمي عدنان وفي أشياء عم بتذكرها كل دقيقة والثانية.. وجوهكم بعرفها مو انه ما بعرفها من قبل.. وهالبيت أنا شايفه.. بس بيت أهلي واضح بدماغي أكتر.. شكل أمي وذكرياتي.. وناس تانيين كمان.. أنا بعرفهم.. بس كلامكم لإلي خوفني.. إنه أنا فعلاً أخوكم برغم أني حاسس فعلاً ومتأكد مليون بالميّة اني عدنان مو أحمد!.. قالت سهيلة.. حبيبي انت لازم تروح على دكتور متل ما حكالنا دكتور واثق.. صدّقني لو ما عملنا هالعملية كان انت متت.. بس أمه قالت انا قبلانة انقذ اخوكم لأنه ابنها عدنان كان ميّت.. قلتلها كيف امي تخلّت عني بسرعة!.. حكت عبير هيه مو امك.. امنا نحنا مسجونة هلأ!.. بتهمة سياسية.. وبدها سنة لتطلع.. ولا تفكّر أبداً تروح لبيتك يلي براسك فاهمني؟!!.. لأنه ام عدنان ما رح تستقبلك ولا حتى أهله.. انت بالنسبة لإلهم شخص غريب بس كل يلي بربطك فيهم هوه دماغ ابنهم المزروع براسك!.. صّرخت عليهم وقلتلهم مستحيل ابعد عنهم.. انتو ما بتعرفو هدول شو عاملين فيني!.. وميرنا الواطية شو عملت!.. أنا بدي اقتلهم!!.. لميس خافت ورجعت لورا.. وعبير قالت.. احمد مشان الله لا تقول هيك!.. لا تتهوّر.. كب كل الأفكار يلي عم تفكر فيها هلأ.. وفكّر فينا نحنا.. اخواتك يلي بتحبهم ويلي ضحيت عشان تعيشهم وتخليهم يكملو تعليمهم برغم كل الظروف.. لا اتدمّرنا!.. وفجأة رن تلفوني.. طلّعت التلفون وكان في رسالة.. قرأتها كانت من نفس الرقم يلي رنّلي.. كان مكتوب.. هدول اخواتك واذا بتفكّر تروح لأمك أو عيلتك رح يموتو كلهم بيوم واحد.. تطلعت عبير بإستغراب على تلفوني وقالتلي أحمد هاد مو تلفونك!!!.. انت تلفونك ابيض وهاد اسود.. قرّبت مني سهيلة وقالتلي اعطيني اشوفو.. صرّخت فيها بصوت عالي وقلتلها لا تتدخّلي أبداً!!. هالتلفون الي انا فاهمة ؟!.. فاهمة ولا لأ ؟!!!!.. قالت متل ما بدك خلص.. تراجعو كلهم لورا.. وأنا صرت بفكّر هاد الشخص يلي براسلني كيف سامعني؟.. وإذا بالفعل كلام هالبنات صحيح.. وإنه أنا احمد مو عدنان.. يبقى هالتلفون لعدنان مو لإلي.. والصور يلي شفتهم للشخص يلي جنب الجثث هوه عدنان.. يعني بالمختصر.. عدنان شخص قاتل ومجنون ومختل.. وأنا اكتسبت كل شخصيته وأفكاره وذكرياته وتصرّفاته وأفعاله!.. كيف بدي أتخلّص من كل هاد وأعيش متل ما كنت أحمد!.. ما كنت قادر.. قعدت على الكنبه وشدّيت على راسي وقلتلهم أنا خايف.. حكتلي عبير من شو؟!.. احنا معك.. حكيتلهم في مشاهد براسي صعب أوصفها ولو قلتلكم ياها رح تعيشو برعب.. ومو بس هيك.. عم بسمع أصوات لناس وصوت واحد بقليّ انه في جريمة قتل رح تصير.. شفت ملامح الرعب على وجه سهيلة ولميس انطبعت بسرعة.. أما عبير أخدت كلامي كمزحة.. وحكتلي حبيبي حاول تنسى.. انت تعبان ولازم تنام.. تختك عم بستناك ما إشتقتله ؟.. وفجأة رجع شريط ذاكرتي ليوم الحادث.. اتذكرت التفاصيل!.. الحادث ما صار بسيارة وحدة بس!.. كان في سيارة كبيرة تانية كانت ورانا.. تطلعت فيهم وبقيت ساكت.. حكتلي عبير.. أحمد انت عم تخوّفنا ليه عم تتطلع فينا هيك؟!.. فيك شي؟.. قلتلهم السيارة الجيب الكبيرة يلي عملت معنا حادث ما خبروكم الشرطة لمين كانت ؟!.. حكت عبير لأ.. شفت سهيلة مرتبكة وبعدها قالت لأ ما بنعرف.. حكيتلهم حاسسكم عم تتهربو من شي!.. أنا تذكرت شي بس مو واضح.. هالسيارة على ما اظن كانت بتلحقنا.. في شخص كان ناوي يقتلنا.. بس هويته مو واضحه براسي.. احكولي الشرطة شو قالو؟!!.. لا تخبّو وإلا انا غير مسؤول عن تصرفاتي.. انتو هلأ بنظري بنات غريبين.. يعني انا مو سائل عنكم!.. مو حاسس انكم اخواتي أبداً.. موتكم وحياتكم ما بعنيني.. لهيك احكولي كل شي!!!.. شفتهم ساكتين وفجأة لميس صرّخت فيهم وقالت ليه ما بدكم تحكو!.. ليه خايفين؟!.. حسّيتها خافت مني لآذيهم لأنها أصغر وحدة وكانت أكتر وحدة خايفة من ردات فعلي.. لهيك قررت تقول شو مخبّين.. كانت بتأتأ بكلامها وخايفة.. قالتلي انت مو مفكّرنا أخواتك معك حق باللي بتحسّو بس نحنا بنعرف مين انت لهيك اخواتي خبّو وما بدهم يحكو لأنهم خايفين عليك.. السيارة الجيب يلي دخلت بسيارة عدنان وميرنا وبالسيارة يلي كنت عم تسوقها.. كان فيها زلمة كبير بالعمر.. اللي استغربته الشرطة ويلي لهلأ ما الو تفسير.. انه جثة هالزلمة اختفت من السيارة تماماً بعد ما كانو الإسعاف بطلعوكم.. همه شافو زلمة ختيار بالسيارة ومع العجقة والإرتباك.. كانت الأولولية للإنقاذ لإلكم.. بس الصدمة كانت انه اختفى وما كان الو أي وجود من بعد ما نقلوكم لسيارة الإسعاف.. وبقيت السيارة فاضية.. بالخمس الشهور يلي كنت فيهم بالغيبوبة.. قالولنا إنه السيارة ما كانت لهاد الزلمة.. طلعت لواحد تاني مدير شركة مستحضرات تجميل مشهورة.. وقال انه سيارته انسرقت من شهر وبلّغ عنها بس بدون نتيجة!.. الدكتور واثق استهجن هالشي وقلنا ما نخبرك فيه لحتى ما تتشتت أكتر.. خصوصاً إنه ما كان عنده معرفة مسبقة بحياة عدنان وعيلته.. بس اخواتي بقيو متوترين من الشي يلي قالوه الشرطة.. كيف جثته تختفي وليه!.. السيارة صدمت فيكم بفعل فاعل بس الفاعل اختفى.. وبشهادة رجال الإسعاف انهم شافو زلمة كبير.. بس بدقايق معدودة بطّل في إلو أثر!.. اتشوّشت أكتر ورحت لسريري وأنا بفكّر بعد إقناع من عبير وسهيلة إني أنام.. بس قبل لأدخل الغرفة رن الجرس!.. الكل ارتعب وخاف.. وأنا رحت عند الباب وقلت مين؟.. سمعت صوت بنت بتقول انت احمد ؟.. افتحلي أنا ميرنا !.. انصدمت وفتحت الباب.. ملامح بعرفها وشايفها.. وردة فعل غريبة طلعت مني بأني أسكر الباب وأصرّخ عليها.. قالتلي انت مو عدنان انت احمد.. بترجاك خليني أدخل دقيقة وحدة بس!.. بعّدوني عبير وسهيلة عن الباب ودخّلوها.. دخلت وكان باين عليها الخوف.. قالتلي معك حق تعمل يلي عملته أنا من شوي بس لتأكدت إنه عدنان ميّت.. قالتلها عبير كيف؟.. حكت شفته بحلمي!.. من بعد ما بعتت الرسالة لأحمد يلي كنت مفكرته عدنان نمت وأنا ببكي بسبب صدّته لإلي.. وبعد ساعة تقريباً ظهر عدنان بحلمي.. شفته واقف بشارع أسود ووراه ضباب قوي.. كان بقرّب مني وصوته بقرّب بالتدريج.. وصّفني عنوان بيت.. وطلب مني أروح بهالوقت وأوصل رسالة لشخص إسمه أحمد وأقلّه إنه رح يموت مع أخواته لو ما بعّد عن تاريخ عيلته وذكرياته وماضيه.. كان أشبه بتهديد.. وأنا كان بدي أتأكد من هالحلم إذا صح ولا لأ.. لمّا وصلت البيت وسمعت صوتك ورا الباب بعد ما ندهتك قشعر بدني.. شفتها خايفة ومرعوبة وبدها تبكي.. وحكتلي صدقني امه ما قالتلي اكتر من انه مات وأنا ما كنت بعرف شي!!.. بس لهلأ لعرفت.. والظاهر انه روحه بعدها حوالينا وكلامه وتهديده ممكن يكون صح.. وفجأة سألتنا كيف صار هيك وشو علاقتي أنا فيه ؟*يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._*