*عــالــم الـــقــصـص والــروايــات🩶📚🖋️* *❴📖❵↵* *الـــدفــيـــن❤️*⳼᚛ *❴🔢❵☟الـــبـــــــــــ❴6️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._* ➖➖➖➖➖➖➖➖➖ بقينا بالبيت بنتطلّع ببعض والتلاتة خايفين مني.. قرّبت عبير للباب.. قلتلها لوين؟.. حكت أنا متوتّرة لأنه الجثة برا البيت!.. ما بقدر أنام وخايفة حدا من الجيران يفتح الباب ويشوفها ويبلّغ عنّا.. حكيتلها اتطلعي من العين الساحرة وتأكّدي إنه ما في جثة ورا الباب لترتاحي وتخرسي!!!.. قرّبت بهدوء للباب واتطلعت من العين الساحرة وبعدها لفّت راسها علينا مصدومة.. قالت ما في حد جثة الدكتور إختفت!!.. انت كيف عرفت؟.. قلتلها لأنهم بخفو آثارهم قبل ليروحو وبياخدو الجثث معهم وبتخلّصو منها بطريقتهم.. حكتلي وانت كيف بتعرف؟!.. قلتلها لأني بالأصل معهم.. حكت همه مين؟!.. انت مع مين وشو في بدماغك قلي!!!.. رح يأذو أختك الله يلعنك ويخلصنا منك!.. قلتلها مافيا.. نحنا المافيا!.. ما سمعتني عن جريمة قتل غامضة لقاضي صارت ببداية السنة ؟.. وشخص بالبرلمان نحرقت فيه السيارة؟!.. طيب ما سمعتني عن مجموعة شباب انخفطو وتم تصفيتهم بسبب انتمائاتهم لأحزاب غريبة ضد سياساتنا !.. قالت لتكون أنت من يلي أذو أمي ودخلوها السجن كمان!.. انت يا عدنان يا حقير!!.. رفعت المسدس عليها وقلتلها والله بقتلك بدم بارد وما بهمني!.. اخرسي وبكفي تصرّخي!.. حكت ما كنت متوقّعة تكون القصة كبيرة هيك.. نحنا بورطة!.. حياتنا اتدمرت خلص.. شو بدنا نعمل!.. شو ممكن يعملو بأختي؟!.. قلتلها بجوز يعتدو عليها.. أو يغتصبوها.. حطّت إيدها على تمها مرعوبة وقالتلي يا واطي هاي بتكون أختك!.. انت مو عدنان انت احمد بيكفي تعمل بنفسك وفينا هيك.. صارت تصرّخ وتبكي بصوت عالي.. وفجأة اندق الباب.. قلتلها وطّي صوتك ما بدي أسمع صوتك أبداً.. خبّيت المسدس تحت ملابسي وفتحت الباب.. كان واحد من سكّان العمارة.. بلهث وخايف.. سألني سمعت في حركة جنب البيت أو شفت في أشخاص بمشو جنب البيت من البلكون أو الشباك؟.. قلتله بكل برودة أعصاب لأ.. أنا هون مع اخواتي سهرانين بس ما سمعنا شي.. قال ناطور العمارة مقتول.. وفي آثار لنقط دم على الدرج.. كأنه في جثة مسحوبة!.. وفي واحد من الجيران قال إنه شاف تنين ملثمين أو تلاتة تقريباً طالعين من باب العمارة بس ما كان في شي واضح لأنه لمبات أعمدة الكهرباء يلي جنب الباب مكسورة وما ظهر شي بالعتمة.. للأسف طلبنا من البلدية يصلحوهم بس ما حد جاوب.. طلبت منهم يكلّمو الشرطة والشرطة على وشك توصّل وتباشر بالتحقيقات.. لهيك كمان بدي أبلغكم إنه الشرطة ممكن تيجي لعندكم وتحقق معكم.. طلع وقبل لأقفل الباب شفت أثار الدم على الأرضية وتوقعت إنه ما شاف بالعتمة كويّس من لهفته وخوفه.. دخلت لعندهم ورفعت المسدس وقلتلهم لو وحدة بتعترف بحرف واحد رح أفضّي المسدس براسها.. فتحت باب البيت مرة تانية.. قلت لسهيلة وعبير نضّفو جنب الباب بسرعة قبل لتيجي الشرطة وتكتشف إنه المصدر من عنا.. جابو سطل فيه مي ومماسح وصارو ينضفو.. وأنا كنت واقف وبتطلّع عليهم وبإيدي المسدس.. بهاللحظة انفتح الباب يلي قدامنا.. طلع منه زلمة كبير وشافهم عم بنضفو الأرض.. وانتبه على آثار للدم.. ولأنه بإيدي المسدس.. انجمعت الصورة براسه.. بإنه أنا المجرم والجريمة يلي خبرّه عنا الشخص يلي كان عنا من شوي أنا السبب فيها أو إلي يد فيها.. ما كان بإيدي إلا أرفع عليه المسدس وأقله لو بتفتح تمك بحرف رح أنهي حياتك.. ميرنا حاولت تبعّدني وقالت لا تنجن عدنان.. سهيلة وعبير قالولي أحمد لا تتهوّر.. قالت عبير للزلمة نحنا ما دخلنا وما عملنا شي.. عم بننضف الأرض عادي!.. قال والمسدس يلي بإيد أخوكي كمان عادي؟!.. مصدر الدم يلي على عتبة بابكم عادي ؟!.. رفعت الزناد لأقتله.. أخدت ميرنا عصاية البيسبول وضربتها على إيدي.. انحرفت إيدي وطلق النار أجىس على باب الجار.. صرّخ صوت عالي الحقووني!!!.. ولأنه المسدس كاتم للصوت كان الصوت مكتوم وما ظهر بقوّة.. قلت لميرنا وسهيلة أنا لازم اطلع من البيت.. حكت ميرنا لوين هارب وتاركنا.. ما فيك تعمل العملة وتهرب.. لميس بخطر وانت الوحيد يلي بتقدر ترجّعها.. حكيتلهم إذا هيك تعالو معي.. دخلت عبير وأخدت التلفونات وشنطة صغيرة إلها وفجأة سمعنا صوت سيارة الشرطة جاية من آخر الشارع.. نزلنا نركض على الدرج بسرعة كبيرة لوصلنا للطابق الثاني.. كان خمسة من سكان العمارة واقفين وبتناقشو وأربعة رجال بالطابق الأول.. كنت حامل المسدس وماشي فيه والبنات بلحقوني.. اتطلعو عليّه بدهشة والكل بهاللحظة اقتنع إنه أنا المجرم.. وأنا قتلت الناطور وسحبت جثة غريبة ثانية على الدرج!.. طلعنا من الباب الخارجي وهمه لسه عم بنادو علينا.. وقّفو عندكم!.. وقّفو عندكم!!.. طلعنا نركض لبرا وسيارة الشرطة كان صوتها كتير قريب بس مو ظاهرة من آخر الحي.. ركضنا للشارع الخلفي وشفنا تكسي.. أشرّلناله وطلعنا.. قالت عبير لوين رح تاخدنا؟.. كانت سهيلة بتبكي وبتتطلع خايفة على الشارع التاني لتعرف إذا سيارة الشرطة قرّبت منا أو لأ.. شوفير التكسي كان شب صغير وحس في شي غريب ومخوفنا وضّحله بسرعة إنه نحنا المطلوبين من سيارة الشرطة.. رفعت المسدس بوجهو واعطيته عنوان!.. قالت ميرنا عنوان بيت أهلك يا عدنان آخدنا لعندهم بهالوقت؟!!.. شو رح تقلهم؟!.. كيف رح توضّحلهم إنك عدنان مو أحمد؟!.. قلتلها اخرسي ما بدي أسمع صوتك.. أول ما رح نوصّل إنتي أول وحدة رح تنزلي ورح تحكي كلام أنا رح أقلّك عليه.. هدول خانوني وقتلوني وشالو الأجهزة عني.. وانا هلأ بدي أقتلهم.. قالت ميرنا بس عدنان طلع عايش وأنا سمعت صوته وحكى معي ويمكن يقتلك!.. قلتلها الدكتور واثق قلّي قبل ليموت إنه أنا متت تحت إيده وهوه متأكد من هالشي.. عدنان هوه أنا.. وما في حد تاني عايش غيري أنا.. وصلنا للشارع.. وبهاللحظة بدأت ذاكرتي تتفتح على شخصية أحمد.. يوم الحادث.. نفس الشارع.. فيلا رقم واحد وعشرين.. مدخل الباب والمزرعة الخارجية.. والقرميد العالي.. أحمد كان هون وأجى ليقدّم الديليفري لأمي ميركل.. هيّه ما شافت وجهي بالمستشفى وقت الحادث وما بتعرف تفاصيل بعد العملية.. فكيف رح تكون ردة فعلها لو شافتني؟!.. بقينا بالشارع جنب الفيلا ورا الباب الرئيسي بكم متر.. حكيت لميرنا انزلي وقولي كلام.. طلعت من السيارة وبقيت تتصل عليها لردّت.. حكتلها أنا برا الباب.. طلبت من الشوفير يطفي أضوية السيارة وقعدنا بالعتمة نتطلّع من الزجاج.. وعم نسمع صوت كلام ميرنا مع أمي من بعيد.. كنت متوقع تكون اختي تولين ما نامت وبتراقب الحي من غرفة نومها من الشباك متل دائماً.. رجعت ميرنا بعد دقايق للسيارة وقالتلنا.. امك ما رضيّت تسمعني وكذّبتني وما صدّقت كلامي وقالتلي إنها شافت إبنها بندفن بعينها وهددتني بخراب بيتي وقتل أمي لو رجعتلها.. طلبت من الشوفير يمشي.. وحكيتلهم اليوم رح كلنا ننام بالفيلا وأنا رح أنام بغرفتي وغصب عنها.. قالت ميرنا أحمد لا تتهوّر.. صرّخت بوجهها وقلتلها أنا مو أحمد.. قلتلكم ألف مرة وبرجع بعيد وبكرر.. بعّدتهم عني.. وشكّو اني ممكن اهددها بالسلاح.. ميرنا قالت ممكن تنهيك وتدمّرك بلحظة لا تحاول تهددها.. حكيتلها رح تعرّفيني بأمي أكتر ما بعرفها ؟!.. نزلو عبير وسهيلة من السيارة.. والشوفير راح بسرعة.. قالت عبير ممكن يعملها ويبلّغ عنا ؟!.. قلتلها ما بعملها شكلو جبان.. اهم شي انتو هلا ما تكونو جُبنا وإلا قتلكم عإيدي رح يكون هالليلة!.. وقفنا جنب الباب وخبّيت المسدس ورا ظهري.. فتحت الخدامة الباب وشفناها معصّبة ومستغربة بنفس الوقت.. ندهت ماما ميرنا وأشخاص هون.. بهاللحظة دخلت امي وطلّت علينا.. كان بدي أنهي حياتها من شدة الحقد يلي فيني.. بس ابتسمتلها فوراً.. وصار في تشويش بذاكرتي خلاّ تركيزي شبه ينعدم بالحكي معها.. قالت لميرنا مين جبتي!.. مين هدول ؟!!.. قالت خلينا ندخل لجوا.. الجو بارد.. قالت ما بتدخلو إلا لتقولي مين هدول!!!.. قالت فيكي تقولي شاهدين على موضوع إبنك.. دخلنا للفيلا.. وكنت حافظ كل قرنة فيها.. مكان الأثاث.. أغراض أمي وتحفها الثمنية.. السيوف والخناجر المعلقة على الحيطان.. وجاعد الخروف يلي على السجاد بكل مكان.. هالبيت الرهيب يلي شهد على مخططات إجرامية ونصب كبيرة محفوظ جوا ذاكرتي!.. قعدنا على الكنب وقالت لميرنا اختصري بسرعة.. مين هدول وشو بدهم.. قلتلها عدنان كلّمنا.. وهددنا وخبّرنا إنه بده حقه منكم.. حكت ابني مات وهوه مدفون بمقبرة العيلة.. وهاد الكلام كذب.. انتو لشو بدكم توصلو ؟!.. بدكم فلوس بعطيكم بس حلّي عنا يا جوعانة إنتي وياهم!.. قلتلها ميرنا حامل من عدنان.. حكتلي وانت مين أصلاً ؟!.. قلتلها أحمد.. الشب يلي اعطيتوه دماغه!.. وأنا بدي أرد المعروف لإلو.. ميرنا استنجدت فيني وأنا ما بدي أردها خايبة.. قالتلي وجهك مألوف عليّه وحاسه نفسي شايفتك قبل هالمرة.. صرّخت فيني وقالت هالبنت كذابة مو حامل.. قالتلي هالكلام وكذّبتها.. قلتلها عدنان اعطاني أدلّة لأشياء بتخصكم وما بعرفها غير انتي وياه.. وبهالطريقة بتصدّقي إنه عدنان كلّمنا وظهرلنا وطلب نحكي معك.. قالت شو بدك تقول ؟!.. قلتلها الشرشف الأزرق المرسوم عليه طيور بيضه.. الحصالة الصفرة يلي على شكل بطّة.. المكسور أنفها يلي كان يحبها وقت كان عمره تلات سنين.. ويلي مره ضربتيه لأنه ضيّعها.. أول خنجر لعبة اشتريتيه لإلو.. كان متل خنجر زورو يلي بأفلام الكرتون.. احمر بلمع.. وبيوم عاقبتيه وجرحتيه فيه لأنه شافك بالـ.. بهاللحظة قاطعتني وقالت انت كيف عرفت كل هالتفاصيل!!!.. هالتفاصيل قديمة كتير.. انت كيف عرفتها !!!؟.. قلتلها هوه وصّللنا ياها.. واحنا رسل وما علينا إلا البلاغ!.. نادت الخدامة وقالتلنا شو بتتعشو!.. قلتلها انا باكل لبن بثوم وخبز مقلي بالزيت الحار وبدي سيجار اسباني.. خبرني عدنان انه في علبة سيجار لونها بني مخبّية بخزانتك البيضة الوسطى بالظرفة الثالثة!.. ارتبكت ميركل وسألت ميرنا شو بتاكلي؟!.. قالت ميرنا باكل أجنحة دجاج مقليّة وصحن سلطة.. أما عبير وسهيلة قالو ما بتفرق أي شي!.. قامت مدام ميركل تركض لجوا مع الخدامة.. وأنا ابتسمت.. وقلتلهم بتشارطوني إنه رح ننام الليلة بهالبيت؟.. حكت عبير شو لسه بدك تعمل؟.. وانت من متى بتحب اللبن بالثوم؟.. انت بحياتك ما طقت الثوم ولا حبيته.. بعدين انت ما بتدخن كيف بتطلب سيجار؟!.. بهاللحظة سمعنا صوت باب الفيلا انقفل بالمفتاح.. وصوت رجلين بتنزل من الطابق الثاني.. شفت اختي تولين ومعها معتصم.. شب بساعد امي بالتجارة مع المافيا وتولين على علاقة معه.. كانو حاملين اسلحة ومصوّبينها علينا.. قالولنا ارفعو اديكم واعترفو انتو مين؟!.. بهاللحظة طلّعت المسدس يلي بجيبي ورفعته عليهم! *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵تنسيق مشرفين قناة :* *❴📚❵↵عــالــم الـــقــصـص والــروايــات🩶📚🖋️* *❴🖤❵↵ننشر جميع انواع القصص والروايات :* حــب♥️. رعـــب♥️. اكــشـن♥️. حـــــــزن♥️. *❴👑❵↵ان كنت من محبين القصص مكانك عندنا🩶.* *❴♥️❵↵رابط القناة للأشتراك :* https://whatsapp.com/channel/0029VaS7WLxL2ATudkfnyc1U ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ *لمَن يَهوى العبَارات العَمِيقَة التي تلامس الروح،* *ستَجد نفسكَ هُنَا حَتمًا🖤✔️👇🏼.* https://whatsapp.com/channel/0029VaDB49n4yltYlBHoou0Y *_قـنـاة اقتباسات؍♡゙ُ ٫🌸🤍 ۫᭣._*